پاک بھارت ہاکی سیریز کی بحالی ،معاملات بڑھانے کیلئے بھارت میں نئی حکومت کے قیام کا انتظار کرنا پڑیگا ،اختر رسول
جمعرات 24 اپریل 2014 12:46
لاہور(اُردو پوائنٹ تازہ ترین اخبار۔ 24اپریل 2014ء) پاکستان ہاکی فیڈریشن کے صدر اختررسول نے کہا ہے کہ پاک بھارت ہاکی سیریز کی بحالی کے معاملات آگے بڑھانے کیلئے بھارت میں نئی حکومت کے قیام کا انتظار کرنا پڑیگا ،ہاکی فیملی میں رنجشیں اور دوریاں ختم ہو چکی ہیں ، مل جل کر کام کرینگے تو ہاکی عروج پر پہنچ جائیگی ۔ ایک انٹرویو میں انہوں نے کہاکہ جوہر ٹاؤن اسٹیڈیم میں نوجوان کھلاڑیوں کی بڑی تعداد میں موجودگی اس بات کا ثبوت ہے کہ ہاکی میں ابھی دم خم موجود ہے، نئے پلیئرزکے ٹیلنٹ کو ضائع ہونے سے بچا لیا گیا تو وہ وقت دور نہیں جب ہم قومی کھیل کا کھویا ہوا مقام واپس حاصل کرنے میں کامیاب ہو جائیں گے۔
اختر رسول نے کہا کہ پی ایچ ایف نے نئے ٹیلنٹ کی تلاش کیلئے ملک بھر میں ٹرائلز کا سلسلہ شروع کر دیا ہے، میری سلیکٹرز اور کوچز کو ہدایت ہے کہ وہ کسی کی بھی سفارش کی پرواہ کیے بغیر صرف اور صرف میرٹ پر ٹیموں کا انتخاب کریں، اگر کسی پر بھی سیاسی یا سماجی شخصیت کی طرف سے دباؤ ڈالا جائے تو براہ راست مجھ سے بات کرے۔(جاری ہے)
انہوں نے کہاکہ پاک بھارت ہاکی سیریز کی بحالی کے معاملات آگے بڑھانے کیلئے بھارت میں نئی حکومت کے قیام کا انتظار کرنا پڑے گا، وزیر اعظم نواز شریف کو اپنے پلان سے آگاہ کرچکے، پڑوسی ملک میں الیکشن کے مکمل ہونے کے بعد مزید پیش رفت ہوگی۔
مینجمنٹ میں تبدیلیوں کے حوالے سے بات کرتے ہوئے انھوں نے کہاکہ ہاکی فیملی میں رنجشیں اور دوریاں ختم ہوگئیں، قومی کھیل کو بہتری کی طرف گامزن کرنے کیلیے سب ایک پلیٹ فارم پر اکٹھے ہوچکے ہیں، مل جل کر کام کرینگے تو ہاکی ایک بار پھر عروج کی طرف گامزن ہوگی۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.