بجٹ عوامی خواہشات کے مطابق ہوگا،ارکان اسمبلی تجاویزپیش کریں،وزیراعلیٰ بلوچستان،بہت سارے مسائل ہیں،اپنی سوچ کو تبدیل کرناہوگا،امیدہے ارکان اسمبلی جلد اسٹینڈنگ کمیٹیوں کے نام دینگے،ڈاکٹرعبدالمالک بلوچ کااسمبلی میں اظہارخیال
منگل 22 اپریل 2014 21:22
کوئٹہ (اُردو پوائنٹ اخبار تازہ ترین۔22اپریل۔2014ء) وزیراعلیٰ بلوچستان ڈاکٹر عبدالمالک بلوچ نے کہا ہے کہ ہماری خواہش ہے کہ آنیوالا بجٹ عوام کی خواہشات کے عین مطابق ہوں گذشتہ سال جب بجٹ پیش کیا گیا تھا ہمیں تیار بجٹ ملا تھا ارکان اسمبلی اپنی تجاویز پیش نہیں کرسکیں اب موجودہ سیشن میں ہم چاہتے ہیں کہ ارکان اسمبلی آنیوالے بجٹ میں تجاویز دیں جن میں خاص طور پر تعلیم صحت کے بارے میں ہوں اور ہر وزیر اپنے محکمے کے بارے میں بھی بریفنگ دیں بلوچستان کے بہت سے مسائل ہیں جس میں گیس کی رائلٹی بھی شامل ہے ہم سب مل بیٹھ کر ہی ان تمام مسئلوں کو حل کرسکتے ہیں انہوں نے یہ بات منگل کی شام کو بلوچستان صوبائی اسمبلی کے اجلاس کے دوران ایک نقطے پر اظہار خیال کرتے ہوئے کہی وزیراعلیٰ بلوچستان نے کہاکہ بجٹ بنانے کی تیاریاں شروع ہوگئی ہے تمام ارکان اپنے اپنے حلقہ کے بارے میں تجاویز ایوان میں پیش کریں تاکہ اس پر کھل کر بحث ہوں اور اس کو بجٹ میں شامل کیا جائے اسپیکر بلوچستان صوبائی اسمبلی میر جان محمد جمالی جو اس وقت اجلاس کی صدارت کررہے تھے ایوان سے خطاب کرتے ہوئے کہاکہ ہمیں کھل کر اپنے مسائل سے آگاہ کرنا ہوگا کیونکہ جب تک ہم اپنے مسائل کے بارے میں کھل کر بات نہیں کرینگے اس وقت تک کوئی مسئلہ حل نہیں ہوگا پہلا بجٹ جب قائد ایوان نے جب پیش کیا تھا تو اس وقت بہت کم وقت تھا اور ارکان اسمبلی تجاویز پیش نہیں کرسکے اب وقت ہے ہمیں اپنی سوچ کو تبدیل کرنا ہوگا اور آنیوالے بجٹ کیلئے اپنی تجاویز کھل کر دینے ہونگے کیونکہ اس وقت بلوچستان میں سب سے اہم مسئلہ تعلیم صحت اور پبلک سروس کمیشن کے بارے میں بھی تجاویز دی جائیں کیونکہ ہمارا نوجوانوں کا مستقبل اس سے وابستہ ہے انہوں نے کہاکہ ابھی تک اسمبلی نے اسٹیڈنگ کمیٹیاں تشکیل نہیں دی ہے جس کی وجہ سے مشکلات پیش آرہی ہے امید ہے کہ ارکان اسمبلی جلد ہی اسٹیڈنگ کمیٹیوں کے نام دینگے تاکہ ان نوٹیفکیشن کیا جائے اور اسٹیڈنگ کمیٹی کے چیئرمین کو گاڑی دفتر اور اسٹاف الاٹ کیا جائے انہوں نے کہاکہ جب تک یہ نہیں ہوگا اس وقت تک ہمیں کچھ مشکلات پیش آئینگی میں قائد ایوان سے دوبارہ کہتا ہوں کہ وہ فوری طور پر اسٹینڈنگ کمیٹیوں کے بارے میں فیصلہ کریں اپوزیشن لیڈر اور جمعیت علماء اسلام کے پارلیمانی لیڈر مولانا عبدالواسع نے کہاکہ یہ بہت اچھی تجویز ہے کہ ارکان اسمبلی تجاویز دیں مگر میری تجویز ہے کہ اس پر عمل بھی ہونا چاہیے اور جس حلقے کے ایم پی ایز کے فنڈز ہے اسی حلقے میں اسی ایم پی ایز کے ذریعے خرچ کرایا جائے تاکہ ان کو معلوم ہوسکیں کہ کہاں تک اسکیموں پر عمل درآمد کیا گیا ہے ۔
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.