والٹ ڈزنی پکچرز کی نئی فلم میں اینجلینا وِلن بن گئیں

منگل 22 اپریل 2014 14:15

نیویارک(اُردو پوائنٹ تازہ ترین اخبار۔ 22اپریل 2014ء) والٹ ڈزنی پکچرز کی نئی فلم میں اینجلینا وِلن بن گئیں۔ہالی ووڈ کی ایکشن ،ایڈونچر،ڈرامہ تھرلر فلم”میلفسنٹ“کا نیاکلپ جاری کردیا گیاہے جس میں اینجلینا جادوگرنی کا کردار ادا کررہی ہیں۔بحیثیت پروڈکشن ڈیزائنر دو آسکر ایوارڈز جیتنے والے ہدایتکار رابرٹ اسٹارمبرگ کی یہ فلم افسانوی کہانیوں پرمبنی کئی کتابوں سے ماخوذ ہے جس میں اینجلینا جولی سمیت ایلی فیننگ،شارلٹو کوپلے،برینٹن تھوائیٹس،میرانڈا رچرڈسن اور سیم رائلے اہم کردار ادا کررہے ہیں۔

(جاری ہے)

ڈون ہین اور جوئے روتھ کی پروڈیوس کردہ اس ایڈونچر فینٹسی فلم کی کہانی ڈزنی کلاسک سلیپنگ بیوٹی کی وِلن میلفسنٹ کے گرد گھومتی ہے جو دراصل ایک خوبصورت نوجوان لڑکی تھی تاہم جنگل میں اپنی پْرامن سلطنت کوحملہ آوروں سے بچاتے ہوئے دھوکا دہی اور غداری کے بعدپتھر دل بن جاتی ہے اورپھر سلطنت کے نئے بادشاہ کی بیٹی اروڑا پرجادو کردیتی ہے۔20کروڑ کے بجٹ سے بننے والی ایکشن وایڈونچرسے بھرپور یہ فلم میلفسنٹ والٹ ڈزنی اسٹوڈیوز موشن پکچرز کے تحت رواں سال30مئی کوسینما گھروں کی زینت بنائی جائیگی۔

Facebook Twitter Google + Share on Whatsapp

والٹ ڈزنی پکچرز کی نئی فلم میں اینجلینا وِلن بن گئیں

متعلقہ عنوان :

مزید فن و فنکار کی خبریں