عمران خان کا سب سے بڑا مسئلہ یہ ہے کہ انہیں سیاست کا تجربہ نہیں اور تجربہ کار کی وہ سنتے نہیں،آصف احمد علی،حکومت اور فوج کے تعلقات طالبان سے مذاکرات پر بگڑے‘انٹرویو
اتوار 20 اپریل 2014 02:15
اسلام آباد(اُردو پوائنٹ اخبار تازہ ترین۔20اپریل۔2014ء) سابق وزیر خارجہ سردار آصف احمد علی نے کہا ہے کہ عمران خان کا سب سے بڑا مسئلہ یہ ہے کہ انہیں سیاست کا تجربہ نہیں ہے اور تجربہ کار ٹیم کی وہ سنتے نہیں،حکومت اور فوج کے تعلقات طالبان سے مذاکرات پر بگڑے‘ شام کے مسئلے میں سعودی عرب پاکستان کی مدد چاہتا ہے لیکن جس کام کیلئے مصر کو 8 ارب ڈالر دئیے گئے اس کام کیلئے ہمیں صرف ڈیڑھ ارب ڈالر میں ٹرخادیا گیا‘ یے جے پی جب بھی اقتدار میں آئی پاک بھارت تعلقات بہتر ہوئے جبکہ کانگریس کی موجودگی میں کشیدگی بڑھتی رہی۔
بے نظیر بھٹو ایک بہادر لیڈر تھیں‘ وہ زندہ ہوتیں تو پیپلزپارٹی کو کبھی نہ چھوڑتا۔ ایک انٹرویو میں سردار آصف احمد علی کا کہنا تھا کہ لوگ پیپلزپارٹی سے مایوس ہوئے ہیں جس کی وجہ سے ایک خلاء پیدا ہوا اور اس خلاء کو ایک لبرل پارٹی تحریک انصاف نے پر کرنے کی کوشش کی۔(جاری ہے)
لوگوں نے اسے ووٹ دئیے لیکن اب وہ لبرل پارٹی نہیں رہی بلکہ جماعت اسلامی سے زیادہ رجعت پسند پارٹی بن گئی ہے۔
عمران خان نے سیاست میں بے پناہ حماقتیں کی ہیں۔ ایک دو حماقتیں تو سیاست میں چل جاتی ہیں زیادہ نہیں۔ تحریک انصاف چند سرمایہ داروں کے ہاتھوں میں ہے جس کی وجہ سے عمران خان سمیت کئی لیڈروں پر الزامات لگنا شروع ہوگئے۔ عمران خان کے پی کے حکومت کو چلنے نہیں دے رہے۔ وزیراعلی کو دباؤ میں رکھا ہوا ہے۔ عمران خان کا سب سے بڑا مسئلہ یہ ہے کہ انہیں سیاست کا تجربہ نہیں ہے اور تجربہ کار ٹیم کی وہ سنتے نہیں ہیں۔ عمران خان نے مجھے ٹکٹ دینے کی زبان دی تھی مگر وہ مکر گئے۔ ایک سوال کے جواب میں انہوں نے کہا کہ سابق صدر آصف علی زرداری نے فیصلہ کیا ہوا تھا کہ پنجاب (ن) لیگ کو واپس دے دو اسلئے پنجاب میں الیکشن مہم نہیں چلائی گئی۔ پیپلزپارٹی نے بہت سے ترقیاتی کام کروائے مگر انہیں کیش نہیں کرایا۔ پیپلزپارٹی نے اگر اپنا وجود برقرار رکھنا ہے تو پھر بلاول بھٹو کو خود میدان میں آنا پڑے گا۔ اگر وہ والد کے نقش قدر پر چلے تو کچھ بھی حاصل نہیں ہوگا۔ بلاول پندرہ روز لاہور میں بیٹھ جائیں پنجاب کی سیاست میں بھونچال آجائے گا۔ سابق صدر پرویز مشرف کیساتھ فوج نہ ہونے کی باتیں کاغذی ہیں، فوج کل بھی مشرف کیساتھ تھی اور آج بھی ہے۔مزید اہم خبریں
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.