تاجربرادری پریشان ہے،ڈالر مزید سستانہیں ہوگا،اسحاق ڈار،پٹرولیم مصنوعات کی قیمتوں میں کمی کے باوجودکرائے کم نہیں ہوئے توہم کرائیں گے،توانائی بحران پرقابوپانے کے لئے بہترین روڈ میپ تیار کررہے ہیں،بجٹ میں ملازمین کی تخواہوں،پنشنزمیں اضافہ کیاجائیگا،سعودی امدادکے بدلے کچھ نہیں مانگاگیا،الزام تراشی بندکی جائے،بھارت نے ہمارے مطالبات مانے تو پسندیدہ ملک قراردیں گے،دفاعی بجٹ میں اضافے پر بات چیت جاری ہے، تھری جی اورفورجی سپیکٹرم میں کم بولی لگنا غلط فہمی کانتیجہ ہے،وزیرخزانہ اسحاق ڈارکی میڈیاسے گفتگو
جمعرات 17 اپریل 2014 23:47
اسلام آباد(اُردو پوائنٹ اخبار تازہ ترین۔17اپریل۔2014ء) وفاقی وزیرخزانہ اسحاق ڈارنے کہاہے کہ ڈالر مزید سستانہیں ہوگاکیونکہ برآمدکنندگان پہلے ہی پریشان ہیں،پٹرولیم مصنوعات کی قیمتوں میں کمی کے باوجودکرائے کم نہیں ہوئے توہم کم کرائیں گے،ڈالر کم ہونے سے درآمدی چیزوں کی قیمتیں بھی کم ہونی چاہئیں،بجٹ میں وفاقی ملازمین کی تنخواہوں میں اضافہ کریں گے ، پاکستان مستقبل میں توانائی بحران پرقابوپانے کے لئے بہترین روڈ میپ تیار کررہا ہے ،گزشتہ روزوفاقی وزیرخزانہ اسحاق ڈارنے نجی ٹی وی سے بات چیت کرتے ہوئے کہاکہ ڈالر مزید نیچے نہیں جائیگاکیونکہ برآمدی تاجر پہلے ہی اس کے سستاہونے کی وجہ سے پریشان ہیں،انہوں نے کہاکہ ڈالر سستاہونے کہ وجہ سے پٹرولیم مصنوعات کی قمیتوں میں کمی ہوئی لیکن ٹرانسپورٹرزنے کرائے کم نہیں کیے حالانکہ وزیراعظم نوازشریف نے چاروں صوبوں کے وزرائے اعلیٰ کو خط بھی لکھا جس میں کہاگیاکہ ٹرانسپورٹرکو کرائے کم کرنے کے احکامات جاری کریں اگر کرائے کم نہیں ہوئے تومیں دوبارہ وزیراعظم کو یادکراؤں گااورکرائے کم کرائیں گے،انہوں نے کہاکہ ہماری پالیسی ایڈ نہیں ٹریڈہے وزیراعظم نے سعودی عرب سے امدادنہیں مانگی بلکہ انہوں نے خود تحفہ دیاسعودی تحفہ واپس نہیں کرنا اورنہ ہی اس کے بدلے کوئی مطالبہ کیاگیاہے،ہم آئندہ بھی اپنی پالیسی برقراررکھیں گے،انہوں نے کہاکہ جس دن حکومت سنبھالی اس دن بھی ڈالر98روپے تھا اورآج ہم اسے 98سے بھی کم پر لے آئے ہیں،انہوں نے کہاکہ ہم چاہئیں توڈالر کو مزید بھی کم کرسکتے ہیں لیکن برآمد کنندگان کی وجہ سے اسے کم نہیں کریں گے ،انہوں نے کہاکہ حکومت کی پالیسی ہے کہ پاک فوج کو باہر کہیں بھی کسی دوسروں کی جنگ لڑنے کے لیے نہ بھیجاجائے اورنہ ہی بھیجاجائیگااگر ریٹائرڈافسرجاتاہے توحکومت اسے نہیں روک سکتی،انہوں نے کہاکہ بجٹ میں وفاقی ملازمین کی تنخواہوں میں اضافہ کریں گے پنشنز میں بھی اضافہ کیاجائیگااس سے پہلے ملازمین کی تنخواہوں کے حوالے سے میرے بیان کو غلط پیش کیاگیاہر سال جون میں تنخواہیں بڑھتی ہیں اس سال بھی وقت آنے پر اعلان کیاجائیگا،وفاقی وزیرنے کہاکہ بھارت کی جوبھی نئی حکومت بنے گی اس کے ساتھ ملکر کام کریں گے اگربھارت ہمارے مطالبات پورے کرے گا تواس کو تجارت کے حوالے سے پسندیدہ ملک قراردیں گے،ایک سوال کے جواب میں انہوں نے کہاکہ ٹیکس نہیں بلکہ ٹیکس نیٹ بڑھائیں گے اس سے پہلے بھی میں نے یہی اعلان کیاتھا لیکن میڈیامیں اسے غلط پیش کیاگیا،ان کا کہنا تھاکہ اہم مالیاتی ادارے اس بات پر متفق ہیں کہ پاکستان کی مجموعی ملکی پیداوار مقررہ ہدف سے تجاوز کر جائے گی ، انہوں نے کہا کہ 31 مارچ تک زرمبادلہ کے ذخائر 10 ارب ڈالر تک پہنچ چکے ہیں اور آئندہ مالی سال تک 15 ارب ڈالر جبکہ جون 2016 تک زرمبادلہ کے ذخائر 20 ارب ڈالرتک پہنچ جائیں گے ، حکومت گڈ گورننس کے لئے اقتصادی اصلاحات لا رہی ہے ، انہوں نے کہا کہ پاکستان مستقبل میں توانائی بحران پرقابوپانے کے لئے بہترین روڈ میپ تیار کررہا ہے ، اب پاکستان بین الاقوامی ترقیاتی ایسوسی ایشن کے تحت ایک ارب ڈالر حاصل کر سکے گا۔
(جاری ہے)
مزید اہم خبریں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.