پاکستان کے ساتھ عزت کے ساتھ رہنا چاہتے ہیں، نریندر مودی
نئی دہلی(اُردو پوائنٹ تازہ ترین اخبار۔ 17اپریل 2014ء) بی جے پی کے رہنما اور وزیر اعظم کے امیدوار نریندر مودی نے کہا ہے کہ پاکستان کے ساتھ عزت کے ساتھ رہنا چاہتے ہیں، لڑنے کا فائدہ نہیں، ترقی کے لیے آگے بڑھنا ہوگا۔غیر ملکی میڈیا کو دیئے گئے انٹرویو میں نریندر مودی نے پاکستان کا نام لیے بغیر کہا کہ وہ سمجھتے ہیں کہ پوری دنیا ایک خاندان کی طرح ہے ،آنکھ دکھانے کا زمانہ چلا گیا ہے،بی جے پی کے رہنما نے کہا اپنی حفاظت کیلئے طاقتور ہونا ضروری ہے نا کہ کسی کو دبانے کیلئے۔
انہوں نے کہاکہ وہ جنگ کی حمایت نہیں کرتے مگر عزت سے جینا چاہتے ہیں۔نریندر مودی نے سابق بھارتی وزیراعظم اور بی جے پی کے رہنما اٹل بہاری واجپائی کی پالیسی پر عمل کرنے کا عندیہ دیتے ہوئے کہا کہ وہ بھی جوہری ہتھیاروں کے استعمال میں پہل نہیں کریں گے ۔(جاری ہے)
گجرات فسادات میں ان پر لگے الزامات کو ایک بار پھر رد کرتے ہوئے مودی نے کہا کہ وہ عوام کی عدالت سے بھی سرخرو ہوچکے ہیں اور سپریم کورٹ سے بھی لیکن اب بھی اگر ان پر لگا ایک الزام بھی سچ ہوجائے تو انہیں بیچ چوراہے پر پھانسی دیدی جائے۔
گجرات فسادات کے بعد امریکا میں ان پر لگی پابندی اور خراب تعلقات پر مودی کا کہنا تھا واشنگٹن سے اپنے ذاتی تعلقات کو ماضی کا حصہ بنا کر دلی کا مفاد سامنے رکھ کر بہتر تعلقات بنانا چاہوں گا۔نریندر مودی نے کہاکہ ایٹمی ہتھیاروں کا استعمال دفاعی مقاصد کیلئے ہونا چاہئے انہووں نے کہاکہ پاکستان اور بھارت دونوں روایتی حریف ممالک ہیں ان دونوں کے پاس درجنوں ایٹمی ہتھیار موجود ہیں اور انہیں ایک دوسرے پر گرانے کیلئے میزائل بھی موجود ہیں۔انہوں نے کہاکہ بھارتیہ جنتا پارٹی ( بی جے پی) ریکارڈ نتائج حاصل کرے گی اور ان کی مخالف اور فی الوقت حکمراں جماعت کانگریس بری طرح ناکام ہوگی۔متعلقہ عنوان :
مزید اہم خبریں
-
تمام شہریوں کی صحت کی معیاری خدمات تک رسائی یقینی بنانا ہوگی، آصف علی زر داری
-
ایران اسرائیل تنازعہ: کشیدگی کون کم کرا سکتا ہے؟
-
ماحول دوست اور صاف توانائی کو نیشنل انرجی مکس کا بنیادی حصہ بنانے کی ضرورت ہے،آصف علی زر داری
-
تمام لوگوں اور صوبوں کے ساتھ قانون کے مطابق یکساں سلوک ہونا چاہیے، آصف زر داری
-
حکومت کاروباری ماحول سازگار بنانے کیلئے جامع اصلاحات کے عمل کو تیز کرے، صدر مملکت
-
ملک کو درپیش چیلنجز پر قابو پانا نا ممکن نہیں ،آصف علی زر داری
-
فواد چودھری کی عبوری ضمانتوں کے متعلق تحریری فیصلہ جاری
-
مس اور ڈس انفارمیشن دنیا بھر کا بڑا مسئلہ ،قانون سازی کرنے جارہے ہیں‘ شزہ فاطمہ خواجہ
-
بلاول بھٹو زرداری سے بشیر ریاض و دیگر کی ملاقات ، موجودہ صورتحال پر گفتگو
-
صدرمملکت کے پارلیمنٹ کے مشترکہ اجلاس سے خطاب کے موقع پرگیلریاں مہمانوں سے بھری رہیں
-
آصف علی زر داری کا خطاب ،اپوزیشن اور پیپلز پارٹی کے اراکین کے درمیان ہاتھا پائی ہوتے ہوئے رہ گئی
-
دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک سے دہشتگرد گروہوں کا سختی سے نوٹس لینے کی توقع رکھتے ہیں، صدر مملکت
