نواز شریف، زرداری ملاقات، مشرف کے ٹرائل سمیت تمام اہم امور پر بات
بدھ 16 اپریل 2014 19:43
اسلام آباد(اُردو پوائنٹ اخبار تازہ ترین۔16اپریل۔2014ء) سابق صدر آصف علی زرداری نے وزیراعظم محمد نواز شریف سے ملاقات کی۔ دونوں رہنمائوں کے درمیان ہونے والی ملاقات میں امن وامان کی صورتحال، کراچی آپریشن، انسداد دہشت گردی کے حوالے سے قانون سازی اور باہمی دلچسپی کے دیگر امور پر تبادلہ خیال کیا گیا۔سابق صدر آصف علی زرداری کراچی سے اسلام آباد ائر پورٹ پہنچے اور نور خان ائر بیس اسلام آباد سے ہیلی کاپٹر کے ذریعے وزیراعظم ہاؤس آئے جہاں وزیراعظم محمد نواز شریف نے ان کا استقبال کیا۔
وزیراعظم نواز شریف اور سابق صدر آصف زرداری کے درمیان ہونے والی ملاقات میں قومی اسمبلی میں قائد حزب اختلاف سید خورشید شاہ، سینیٹر رضا ربانی اور مراد علی شاہ جبکہ وزیراعظم کے ہمراہ اسحاق ڈار، زاہد حامد اور فواد حسن فواد نے شرکت کی۔(جاری ہے)
ملاقات میں ملک کی مجموعی امن وامان کی صورتحال، کراچی آپریشن، انسداد دہشت گردی کے حوالے سے قانون سازی اور باہمی دلچسپی کے دیگر امور پر بات چیت کی گئی۔
وفود کی سطح پرملاقات کے بعد وزیراعظم نواز شریف اور سابق صدر آصف زرداری کی ون آن ملاقات ہوئی۔ ذرائع کے مطابق ملاقات میں طالبان کے ساتھ جاری مذاکرات اور تحفظ پاکستان بل کی سینیٹ سے منظوری سے متعلق تبادلہ خیال کیا گیا۔ بعد ازاں وزیراعظم نواز شریف نے آصف زرداری کے اعزاز میں ظہرانہ بھی دیا۔ میڈیا کو تفصیلات بتاتے ہوئے پیپلز پارٹی کے رہنماء رضا ربانی کا کہنا تھا کہ ملاقات میں طالبان سے مذاکرات اور سابق صدر جنرل ریٹائرڈ پرویز مشرف کے ٹرائل سمیت تمام امور پر بات ہوئی۔ ان کا کہنا تھا کہ جمہوریت پر کوئی مشکل آئی تو تمام جماعتیں حکومت کے ساتھ کھڑی ہوں گی۔ وزیراعظم کو تحفظ پاکستان بل پر پیپلز پارٹی کے تحفظات سے بھی آگاہ کیا گیا۔ وزیراعظم نے قوانین میں ترامیم کے لئے اپوزیشن جماعتوں کی رائے لینے کی ہدایت کی ہے۔ رضا ربانی کا کہنا تھا کہ پرویز مشرف کے حوالے سے پیپلزپارٹی کا موقف انتہائی واضح ہے کہ کوئی بھی شخص آئین اور قانون سے بالاتر نہیں ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.