سندھ اسمبلی کا اجلاس ایک یا دو دن ہونے کے بعد دو دن چھٹی کرنے کی روایت کا معاملہ ایوان میں اٹھایا گیا ،گزشتہ سیشن اور رواں سیشن میں صرف 26 دن اجلاس منعقد ہوا جبکہ قانون کے مطابق 56 دن شمار ہوئے،محمد حسین
منگل 15 اپریل 2014 19:15
کراچی (اُردو پوائنٹ اخبار تازہ ترین۔15اپریل۔2014ء) سندھ اسمبلی کا اجلاس ایک یا دو دن ہونے کے بعد دو دن چھٹی کرنے کی روایت کا معاملہ بالآخر منگل کو سندھ اسمبلی کے اجلاس میں اٹھایا گیا ۔ ایم کیو ایم کے رکن محمد حسین نے نکتہ اعتراض پر کہا کہ ہفتے کے 7 دنوں میں سے اجلاس صرف 3 دن چلایا جاتا ہے لیکن قانونی طور پر اجلاس کے 7 دن ہی شمار ہوتے ہیں اور ان 7 دنوں کے لیے ارکان کو ٹی اے ، ڈی اے اور دیگر مراعات دی جاتی ہیں ۔
یہ ایک روایت بن گئی ہے کہ پیر اور منگل کو اجلاس ہوتا ہے ، بدھ اور جمعرات کو چھٹی ہوتی ہے ۔ پھر جمعہ کو اجلاس ہوتا ہے اور ہفتہ اور اتوار کو چھٹی ہوتی ہے ۔ انہوں نے کہا کہ یہ بات اگرچہ قانون میں موجود ہے کہ دو دن کی چھٹی بھی اجلاس میں شامل ہو گی لیکن اس کو ایک روایت بنا دیا گیا ہے ۔(جاری ہے)
انہوں نے کہا کہ سندھ اسمبلی کے گذشتہ سیشن اور رواں سیشن میں صرف 26 دن اجلاس منعقد ہوا جبکہ قانون کے مطابق 56 دن شمار ہوئے ۔
جن 30 دنوں میں اجلاس منعقد نہیں ہوا ، ان دنوں کے لیے بھی ارکان کو ٹی اے ، ڈی اے دیا گیا ۔ اس سے حکومت سندھ پر 60 سے 64 لاکھ روپے کا بوجھ پڑا ہے ۔ ان 30 دنوں میں اسمبلی نے کوئی کام نہیں کیا ہے ۔ اس روایت کو اب ختم ہونا چاہئے ۔ انہوں نے کہا کہ پہلے ہر پارلیمانی سال میں اسمبلی کو 70 دن اجلاس منعقد کرنا ہوتا تھا لیکن قانون میں ترمیم کرکے 100 دن کردیئے گئے ہیں ۔ اب 100 دن کا ٹی اے ، ڈی اے وصول کیا جاتا ہے لیکن کام 70 دن بھی نہیں ہوتا ہے ۔ اگر ہم 100 دن اجلاس منعقد نہیں کر سکتے تو دوبارہ قانون میں ترمیم کرکے 70 دن کردیں ۔ اس پر وزیر پارلیمانی امور ڈاکٹر سکندر میندھرو نے کہا کہ دو دن کا یہ وقفہ قانون کے مطابق ہے ۔ اسمبلی میں قانون کی کوئی خلاف ورزی نہیں ہو رہی ۔ اگر ارکان سال میں پورے 100 دن اجلاس منعقد کرنا چاہتے ہیں تو ہم حاضر ہیں ۔مزید قومی خبریں
-
گورنر سندھ کامران خان ٹیسوری نے گورنر ہائوس میں آئی ٹی طالب علموں میں لیپ ٹاپ تقسیم کئے
-
گورنرہائوس سے ضرورت مند افراد میں راشن کی تقسیم کا سلسلہ جاری رکھا جائے گا، گورنر سندھ
-
گورنرسندھ کی اسلام آباد میں سعودی عرب کے سفیر نواف سعید اے المالکی سے ملاقات
-
لاہور، صوبائی وزیرِ صحت کا تھیلی سیمیا کے عالمی دن پر نور فائونڈیشن کا دورہ
-
سوشل میڈیا کے ذریعے نایاب الو فروخت کرنیوالاملزم گوجرانوالہ سے گرفتار
-
وزیراعظم کا یوتھ پروگرام نوجوانوں کو ضروری مہارت اور مواقع فراہم کرنے کے لئے پرعزم ہے ،رانا مشہود احمد خان
-
وفاقی وصوبائی حکومت کے ساتھ ملکر جنوبی پنجاب کےلئے ترقیاتی فنڈز کے بجٹ میں اضافے کو یقینی بنائیں گے،سید یوسف رضا گیلانی
-
ملک میں یوریا کھاد کی یکساں قیمتیں نافذ کرنا ہوں گی ، کم نہ کرنے کی صورت میں حکومت قیمتیں فکس کر دے گی ، رانا تنویر حسین
-
خواجہ سلمان رفیق کی زیر صدارت فاطمہ جناح میڈیکل یونیورسٹی کا 37واں سینڈیکیٹ اجلاس
-
وزارت مذہبی امور کے زیر انتظام 39 واں سالانہ مقابلہ حفظ قرآن و حسن قرأت شروع
-
لیسکو کی بجلی چوروں کے خلاف کارروائی ،4 بجلی چور گرفتار
-
10کلو آٹے کی قیمت میں 500سے 600روپے تک کی کمی ریکارڈ ہوئی ہے‘وزیر خوراک پنجاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.