ایسی قانون سازی کی جائے جس سے تمام سندھ حکومت تمام علاقوں سے ٹیکس عائد اور وصول کرسکے ،صوبائی وزیرمکیش کمارچاولہ
منگل 15 اپریل 2014 18:54
کراچی (اُردو پوائنٹ اخبار تازہ ترین۔15اپریل۔2014ء) سندھ کے وزیر ایکسائز اینڈ ٹیکسیشن مکیش کمار چاولہ نے منگل کو سندھ اسمبلی میں ایم کیو ایم کے پارلیمانی لیڈر سید سردار احمد کی اس تجویز سے اتفاق کیا ہے کہ سندھ اسمبلی ایسی قانون سازی کرے جس کے ذریعہ حکومت سندھ کنٹونمنٹ بورڈ کی حدود میں آنے والے علاقوں سمیت تمام علاقوں میں پراپرٹی ٹیکس ،انٹر ٹینمنٹ ڈیوٹی اور دیگر صوبائی ٹیکسز عائد اور وصول کر سکے۔
سید سردار احمد نے یہ تجویز محکمہ ایکسائز اینڈ ٹیکسیشن سے متعلق وقفہ سوالات کے دوران دی ۔ انہوں نے کہا کہ آج کل سینما ہالز کے ٹکٹوں پر ایکسائز کی مہر نہیں ہوتی ہے ۔ مکیش کمار نے کہا کہ گورنر سندھ کے زبانی حکم پر 2006سے سینماؤں کو انٹر ٹینمنٹ ڈیوٹی سے استشناء دیا گیا ہے۔(جاری ہے)
زیادہ تر سینما کنٹونمنٹ بورڈ ز کے علاقوں میں ہیں ۔ سید سردار احمد نے کہا ان علاقوں سمیت سب علاقوں سے ٹیکس وصولی کے لئے قانون سازی کی جائے ۔
مکیش کمار چاولہ نے بتایا کہ کراچی میں چلنے والے تمام موٹر سائیکلز رجسٹرڈ ہیں ۔ کوئی ایسی موٹر سائیکل نہیں جو رجسٹرڈ نہ ہو۔31اکتوبر2013کو کراچی میں رجسٹرڈ موٹر سائیکل کی تعداد 1623971تھی۔ شوروم سے نکلنے والی موٹر سائیکل کی رجسٹریشن کے لئے کچھ وقت درکار ہوتا ہے۔ تاخیر سے رجسٹریشن کرانے والوں کو جرمانہ عائد کیا جاتا ہے ۔ نان رجسٹرڈ گاڑیوں کو روکنا ٹریفک پولیس کا کام ہے ۔ صوبائی وزیر نے بتایا کہ جولائی 2009 سے جون2013تک 25982کلو گرام چرس پکڑی گئی اور 1271افراد کو گرفتار کیا گیا ۔ مکیش کمار چاولہ نے بتایا کہ کراچی کے پانچ اضلاع جنوبی ، شرقی ، غربی، وسطی اور ملیر میں ایکسائز تھانے موجود ہیں جبکہ ایک پراونشل انٹیلی جینٹس افسر (پی آئی او کراچی ) کا دفتر ہے۔ ان تھانوں اور پی آئی او میں 157اہلکار کام کرتے ہیں اور انہیں 9موبائل گاڑیاں فراہم کی گئی ہیں ۔ یکم مارچ 2008سے 15، مارچ 2013تک کراچی کے 5تھانوں اور پی آئی او میں ایکسائز کرائمز کے 407مقدمات درج ہوئے ۔ انہوں نے بتایا کہ جولائی 2009سے دسمبر2011تک انٹرٹیمنیٹ ڈیوٹی کی مد میں 6کروڑ 59لاکھ روپے وصول کیے گئے۔متعلقہ عنوان :
مزید اہم خبریں
-
امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی
-
ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ
-
ٹک ٹاک کی نئی ایپ پر یورپی یونین کا کمپنی کو الٹی میٹم
-
شوہر نے پیسے نہ دینے پر بیوی کی ناک اور کان کاٹ دیئے
-
شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ
-
علی گڑھ مسلم یونیورسٹی کی تاریخ میں پہلی خاتون وائس چانسلر
-
بشریٰ بی بی کی تشویشناک حد تک بگڑتی صحت سنجیدگی کی متقاضی ہے، چیئرمین پی ٹی آئی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
اٹک ،پب جی گیم نے دوست کے ہاتھوں دوست کا قتل کروا دیا،ملزم گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.