فوج اور عدلیہ حساس ادارے ہیں ،تنقید نہیں ہونی چاہیے ‘ خواجہ سعد رفیق،فوج کا پروفیشنل اور آئینی کردار ہر پاکستانی کو دل و جان سے عزیز ہے ،جب غیر آئینی اقدام ہوگا تو قوم اور تاریخ اسکی مذمت کر یگی،سابق حکومت کے دور میں روز کرپشن کی کہانی سامنے آتی تھی ،اس حکومت میں ایک بھی کرپشن کا سکینڈل سامنے نہیں آیا ‘ وفاقی وزیر ریلوے ۔ اپ ڈیٹ
اتوار 13 اپریل 2014 21:26
لاہور(اُردو پوائنٹ اخبار تازہ ترین۔13اپریل۔2014ء) وفاقی وزیر ریلوے خواجہ سعد رفیق نے کہا ہے کہ عدلیہ فیصلے کرتی ہے اور فوج ہمارا تحفظ کرتی ہے اس لئے ان پر تنقید نہیں ہونی چاہیے ، فوج کا پروفیشنل اور آئینی کردار ہر پاکستانی کو دل و جان سے عزیز ہے لیکن جب غیر آئینی اقدام ہوگا تو قوم اور تاریخ اسکی مذمت کرے گی ۔ ان خیالات کا اظہار انہوں نے اتوار کے روز ایم ایس ایف کے زیر اہتمام منعقدہ تقریب سے خطاب کرتے ہوئے کیا ۔
اس موقع پر آزاد کشمیر کے سابق وزیر اعظم سردار عتیق احمد‘ ریاض احمد فتیانہ اور دیگر نے بھی خطاب کیا ۔ خواجہ سعد رفیق نے کہا کہ میں نے گزشتہ دنوں جو باتیں کہی تھیں شاید ان سے کسی کو رنج پہنچا ہو لیکن میں نے جو کہا تھا وہ سچ ہے اور اسی لئے میں نے کہا تھاکہ میں اپنی باتوں پر قائم ہوں۔(جاری ہے)
عدلیہ انصاف کرتی ہے اور ہمیں اسکے فیصلے ماننے پڑتے ہیں جبکہ فوج ہمارا تحفظ کرتی ہے ۔
دونوں حساس ادارے ہیں اور ان پر تنقید نہیں کرنی چاہیے ۔ ۔ فوج کا پروفیشنل آئینی کردار ہر پاکستانی کو دل و جان سے عزیز ہے ۔ سیاچن پر موجود سپاہی کو تنخواہ نہیں لڑاتی بلکہ اس کا جذبہ لڑاتا ہے اور کون سا پاکستانی ہے جو پاک فوج کو سلیوٹ نہیں کرتا لیکن غیر آئینی حرکت جو بیگاڑ کا باعث بنتی ہے قوم او رتاریخ اسکی مذمت کرتی ہے۔ انہوں نے کہا کہ موجودہ حکومت درست سمت میں آگے بڑھ رہی ہے انشا اللہ اس ملک کے مسائل حل کریں گے۔ انہوں نے کہا کہ جب میں نے ریلوے کی وزارت سنبھالی تھی تو کہہ دیا تھاکہ ریلوے میں سیاست نہیں چلے گی ۔ میرے آنے کے بعد سیاسی بنیادوں پر ریلوے کا ایک بھی سٹاف نہیں بنایا گیا ۔ انہوں نے کہا کہ حکومت ملک کو درپیش مسائل کے حل کیلئے سنجیدگی سے پیشرفت کر رہی ہے اور انشا اللہ ہم سر خرو ہوں گے۔ انہوں نے کہا کہ ڈرون حملے روکنا مشکل تھا تاہم ہم نے مذاکرات کے ذریعے یہ حملے بند کرائے ہیں اور یہ بھی پوچھا جائے ان حملوں کی اجازت کس نے دی تھی ۔ ہم نے امریکہ کو بتایا کہ ڈرون حملوں سے تشدد بڑھتا ہے ۔ طالبان کے نظریات سے اختلاف ہے لیکن بات چیت جاری ہے ۔ سعودی عرب نے اگر ہمیں امداد دی ہے تو اس پر اتنی تنقید کیوں ہو رہی ہے ۔ سعودی عرب نے ہمیشہ پاکستان کی مدد کی اگر گزشتہ بارہ برسوں میں پاکستان کو امداد نہیں دی گئی تو ہم کیا کریں ۔ اسلام آباد سے استنبول تک ٹرین چلائی جائے گی ۔ قائد اعظم اور علامہ اقبال کی ذات کو متنازعہ بنانے کی اجازت نہیں دی جائے گی اور تحفظ کے لئے قانون سازی کی جائے ۔ انہوں نے کہا کہ سابق حکومت کے دور میں روز کرپشن کی کہانی سامنے آتی تھی لیکن اس حکومت میں ایک بھی کرپشن کا سکینڈل سامنے نہیں آیا ۔ سعد رفیق نے کہا کہ جماعتیں توڑنے کو شوق کس کو ہے اور مرضی کی جماعتیں بنانے کا شوق کس کو ہے میں اس سے زیادہ کچھ نہیں کہہ سکتا ۔ کہنا تو بہت کچھ چاہتا ہوں مگر میڈیا موجود ہے کچھ نہیں کہنا چاہتا۔ سردار عتیق احمد نے کہا کہ ہم غیر مشروط طور پر پاکستان کے شہری ہیں ۔پاکستان کو تجارت کے نام پر قربان نہیں کیا جا سکتا ۔ انہوں نے کہا کہ غیر ملکی طاقتیں پاکستان میں اپنا اثرو رسوخ استعمال کرتی ہیں ۔ انہوں نے کہا کہ پاکستان نظریے کی بنیاد پر وجود میں آیا یہاں قائد اعظم اور علامہ اقبال کے افکار کو فروغ دینا ہوگا۔ انہوں نے کہا کہ پاکستان کی افواج کا کوئی مقابلہ نہیں ہماری افواج بھارت کی افواج کو شکست دینے کی صلاحیت رکھتی ہیں ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.