سینیٹ کی قائمہ کمیٹی برائے انفارمیشن ٹیکنالوجی اینڈ ٹیلی کمیونیکشن کا اجلاس
جمعرات 10 اپریل 2014 17:42
اسلام آباد (اُردو پوائنٹ تازہ ترین اخبار۔ 10اپریل 2014ء) سینیٹ کی قائمہ کمیٹی برائے انفارمیشن ٹیکنالوجی اینڈ ٹیلی کمیونیکشن کے چیئرمین سینیٹر محمدادریس صافی نے پی ٹی اے کی انتظامی باڈی کے مکمل نہ ہونے کی وجہ سے تھری جی اور فور جی سپیکٹرم کی نیلامی کو روکنے کی رولنگ دیدی چیئرمین کمیٹی نے اتھارٹی کے ممبران کی تقرری کے مطابق سپریم کورٹ و ہائی کورٹ کے فیصلوں کا جائزہ لینے کیلئے ذیلی کمیٹی تشکیل دیتے ہوئے ہدایت دی کہ جب تک پی ٹی اے اتھارٹی مکمل نہیں ہوتی تب تک نیلامی کا عمل شروع نہ کیا جائے،قائمہ کمیٹی نے آئندہ اجلاس میں اٹارنی جنرل اور سیکرٹری قانون کو بھی طلب کر لیا ۔
کمیٹی نے یوایس ایف کے چیف ایگزیکٹو آفیسر کو ہٹانے کے متعلق سینیٹ کی ذیلی کمیٹی کی رپورٹ پر عمل درآمد نہ کرنے پر ایک ہفتے کے اندر رپورٹ طلب کرلی ۔(جاری ہے)
سینیٹ کی قائمہ کمیٹی برائے انفارمیشن ٹیکنالوجی اینڈ ٹیلی کمیونیکشن کا اجلاس کمیٹی کے چیئرمین سینیٹر محمد ادریس خان صافی کی زیر صدارت پارلیمنٹ ہاؤ س میں منعقد ہوا ۔ اجلاس میں سینیٹر ز سید فیصل رضا عابدی، عثمان سیف اللہ خان ، محمد زاہد خان ، مسز شرالہ ملک ، عبدالحسیب خان، محمد محسن خان لغاری ، ملک محمد رفیق رجوانہ ، حافظ حمد اللہ اور رحمان ملک کے علاوہ وزیر مملکت برائے انفارمیشن ٹیکنالوجی اینڈ ٹیلی کمیونیکشن انوشہ رحمان ، سیکرٹری برائے انفارمیشن ٹیکنالوجی اینڈ ٹیلی کمیونیکشن، چیئرمین پی ٹی اے ، چیئرمین این ٹی سی ، جوائنٹ سیکرٹری کیبنٹ ڈویژن اور دیگر اعلی ٰ حکام نے شرکت کی ۔
قائمہ کمیٹی کے اجلاس میں یو ایس ایف کے چیف ایگزیکٹو آفیسرکو ہٹانے اور 3G/4G سپیکٹرم کی نیلامی کے معاملات کا تفصیل سے جائزہ لیا گیا ۔قائمہ کمیٹی نے وزارت برائے انفارمیشن ٹیکنالوجی اینڈ ٹیلی کمیونیکشن کی طرف سے ورکنگ پیپر زکی دیر سے فراہمی پر سخت برہمی کا اظہار کیا جس پر سیکرٹری برائے انفارمیشن ٹیکنالوجی اینڈ ٹیلی کمیونیکشن نے کمیٹی کو بتایا کہ 3G/4G سپیکٹرم کی نیلامی کی وجہ سے مصروف تھے اور اس لئے ہم نے کمیٹی کا اجلاس آگے بڑھانے کی سفارش بھی کی تھی۔ اراکین کمیٹی نے یو ایس ایف کے چیف ایگزیکٹو آفیسر کو ہٹانے سے متعلق ذیلی کمیٹی کی سفارش پر عمل درآمد نہ کرنے پر سخت برہمی کا اظہار کرتے ہوئے اسے غیر قانونی قرار دیا ۔3G/4G سپیکٹرم کی نیلامی کے حوالے سے رکن کمیٹی فیصل رضا عابدی نے کہا کہ پی ٹی اے اتھارٹی مکمل نہیں ہے تو نیلامی کا عمل بھی غیر قانونی ہو جائے گا اور اگر پی ٹی اے اتھارٹی میں سرکاری حکام شامل ہوئے تو اس کی شفافیت پر بھی شکوک و شہبات پیدا ہو جائیں گے کیونکہ یہ ہائی کورٹ کا فیصلہ تھا کہ پہلے پی ٹی اے اتھارٹی مکمل کی جائے پھر معاملات کو آگے بڑھایا جائے ۔جس پر سیکرٹری برائے انفارمیشن ٹیکنالوجی اینڈ ٹیلی کمیونیکشن نے بتایا کہ سپریم کورٹ نے حکم دیا تھا کہ نیلامی کے کام کو جلد مکمل کیا جائے اور قانون کے مطابق پی ٹی اے اتھارٹی کی اکثریت نیلامی کے عمل کو مکمل کر سکتی ہے ۔وزیر مملکت انوشہ رحمان نے کہا کہ پوری دنیا 3G/4G سپیکٹرم کو سپورٹ کر رہی ہے اور حکومت کی کوشش ہے کہ ملکی مفاد کو ملحوظ خاطر رکھا جائے اور اس سلسلے میں 23 اپریل کو نیلامی مکمل ہو جائے گی جس پر چیئرمین کمیٹی سینیٹر محمد ادریس خان صافی نے رولنگ دی کہ جب تک پی ٹی اے اتھارٹی مکمل نہیں ہو جاتی تب تک نیلامی کا عمل روک دیا جائے ہم عوامی نمائندے ہیں اور کوشش کریں گے کہ ملکی مفاد کی خاطر اقدا مات کریں انہوں نے ذیلی کمیٹی سینیٹر زاہد خان کی زیر صدارت تشکیل دی جس میں سینیٹرز ملک محمد رفیق رجوانہ اور سید فیصل رضا عابدی شامل ہونگے جو ایک ہفتے کے اند ر تمام معاملات کا جائزہ لے کر رپورٹ پیش کریں گی۔ رکن کمیٹی سینیٹر رحمان ملک نے کہا کہ اگر حکومت نے کوئی ایسا کام کیا جو قوائد ضوابط کے منافی ہوا توبہت شور اُٹھے گا اس کیس میں بیرونی دلچسپی بہت زیادہ ہے لہذا تمام معاملات کا دوبارہ تفصیلی جائزہ لیا جائے اور معاملات کو قانونی تقاضوں کے مطابق آگے بڑھایا جائے ۔وزیر مملکت انوشہ رحمان ملک نے کہا کہ نیلامی کا عمل صرف پی ٹی اے کر رہی ہے حکومت کا کوئی کردار نہیں ہے حکومت صرف اس عمل میں شفافیت کی خواہاں ہے اور حکومت کا کام پالیسی بنانا ہے جو عوام اور ملک کے مفاد کے لئے ہو اور حکومت کی کوشش ہے کہ عوام کو جدید سے جدید سہولیات فراہم کی جائیں یہ 3G/4G سپیکٹرم کی سہولت افغانستان میں شروع ہو چکی ہے تو ہماری عوام کیوں پیچھے رہیں ۔ قائمہ کمیٹی نے آئندہ اجلاس میں اٹارنی جنرل اور سیکرٹری قانون کو بھی طلب کر لیا ۔مزید اہم خبریں
-
عدت میں نکاح کیس، بانی پی ٹی آئی و بشریٰ بی بی کی اپیلوں پر سماعت 30 اپریل تک ملتوی
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.