آرمی چیف کی زیر صدارت کور کمانڈر کانفرنس جاری،اہم امور پر غور کیا جائیگا

بدھ 9 اپریل 2014 11:52

راولپنڈی (اُردو پوائنٹ تازہ ترین اخبار۔ 9اپریل 2014ء)آرمی چیف جنرل راحیل شریف کی زیر صدارت کور کمانڈرز کانفرنس جاری ہے جس میں ملک کی اندرونی اور بیرونی صورتحال ، طالبان سے مذاکراتی عمل میں پیش رفت پر تبادلہ خیال کیا جائے گا۔ جنرل ہیڈ کوارٹر راولپنڈی میں ہونے والی کور کمانڈر کانفرنس میں ملک کی اندرونی و بیرونی سیکورٹی صورتحال کا جائزہ لیا جائے گا ۔

(جاری ہے)

ذرائع کے مطابق اجلاس میں بعض عناصر کی جانب سے فوج پر تنقید کے حوالے سے بھی غور ہو گا ۔ آرمی چیف پاک فوج کی اعلیٰ قیادت کو اپنے بیان کے حوالے سے اعتماد میں لے سکتے ہیں ۔ طالبان کے ساتھ جاری مذاکراتی عمل ، اس میں پیش رفت اور قبائلی علاقوں میں امن و امان کی صورتحال کا جائزہ لیا جائے گا ۔ ذرائع کے مطابق اجلاس میں افغانستان میں صدارتی انتخابات کے بعد پیدا ہونے والی ممکنہ صورتحال پر بھی تبادلہ خیال کیا جائے گا ۔ کور کمانڈرز کانفرنس میں فوج کے آپریشنل اور دیگر ادارہ جاتی معاملات بھی زیر بحث آئیں گے۔

Facebook Twitter Google + Share on Whatsapp

آرمی چیف کی زیر صدارت کور کمانڈر کانفرنس جاری،اہم امور پر غور کیا جائیگا

مزید اہم خبریں