شہریوں کے ٹیلیفون اورانٹرنیٹ ڈیٹامحفوظ رکھنے کا یورپی قانون کالعدم قرار،ڈیٹا محفوظ رکھنا نجی زندگی کے احترام کے بنیادی حق کی سنگین خلاف ورزی ہے،یورپی عدالت انصاف کا فیصلہ
منگل 8 اپریل 2014 20:36
لکسمبرگ(اُردو پوائنٹ اخبار تازہ ترین۔8اپریل۔2014ء)یورپی عدالتِ انصاف نے سنگین جرائم کی تحقیقات میں مدد دینے کے لیے شہریوں کے ٹیلیفون اور انٹرنیٹ ڈیٹا کو محفوظ رکھنے کے قانون کو کالعدم قراردیتے ہوئے کہاہے کہ ایسااقدام نجی زندگی کے احترام کے بنیادی حق کی سنگین خلاف ورزی ہے،غیرملکی خبررساں ادارے کے مطابق لکسمبرگ کے ججوں نے اپنے اس تاریخی فیصلے میں کہا کہ کسی ٹھوس وجہ کے بغیر بڑے پیمانے پر شہریوں کا ٹیلی فون اور انٹرنیٹ ڈیٹا محفوظ رکھنا نجی زندگی کے احترام کے بنیادی حق کی سنگین خلاف ورزی ہے، یورپی عدالتِ انصاف نے اپنے فیصلے میں کہا کہ آٹھ سال پہلے 2006ء میں طے ہونے والے اِن ضوابط میں ایسی حدود کی کمی ہے، جو عام شہریوں کو حکام کی سْن گْن سے محفوظ رکھ سکیں، عدالت کے مطابق اِن ضوابط کو دیکھ کر یہ تاثر ملتا ہے کہ نجی زندگیوں کی مستقل طور پر نگرانی کی جا رہی ہے، فیصلے میں کہا گیا کہ آئندہ بغیر شک و شبے والے مواصلاتی ڈیٹا کو محفوظ رکھنے کا اقدام زیادہ سے زیادہ محدود ہونا چاہیے، اس عدالتی فیصلے کے بعد اب یورپی یونین کی حکومتوں کو ڈیٹا کی جانچ پڑتال کے سلسلے میں جلد از جلد ایسے نئے قوانین وضع کرنا پڑیں گے، جو دہشت گردی جیسے سنگین جرائم کو روکنے کے سلسلے میں معاون ثابت ہو سکیں، فیصلے کے بعد جرمن وزیر داخلہ تھوماس ڈے میزیئر نے صحافیوں کو بتایا کہ سنگین جرائم کی تحقیقات کے لیے ڈیٹا محفوظ رکھنا ضروری ہے اور آئندہ بھی اس کی ضرورت پڑے گی، ڈے میزیئر نے کہا کہ مخصوص حدود کے ساتھ نئے قوانین جلد از جلد وضع کرنا ہوں گے۔
مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.