آصف علی زرداری نے وزیراعظم آزاد کشمیر کی تبدیلی کے امکان کو مسترد کردیا،چودھری عبدالمجید 5 سالہ مدت پوری کرینگے، پارلیمانی پارٹی سے باہر بیٹھے دیوانے کے خوا ب دیکھ رہے ہیں، سابق صدر،(ن) لیگ آزاد کشمیر میں سیاسی عدم استحکام پیدا نہیں کرنا چاہتی ، امید ہے معاملات میں مداخلت نہیں کریگی، شریک چیئرمین پیپلز پارٹی کاآزاد کشمیر کی پارلیمانی پارٹی کے اجلاس سے خطاب
منگل 8 اپریل 2014 20:22
کراچی(اُردو پوائنٹ اخبار تازہ ترین۔8اپریل۔2014ء) پاکستان پیپلزپارٹی کے شریک چیئرپرسن و سابق صدر پاکستان آصف علی زرداری نے وزیراعظم آزاد کشمیر کی تبدیلی کے کسی بھی امکان کو یکسر مسترد کرتے ہوئے واضح کیا ہے کہ چوہدری عبدالمجید ہی وزیراعظم کی حیثیت سے اپنی 5 سالہ مدت پوری کرینگے پارلیمانی پارٹی سے باہر بیٹھا اگر کوئی تبدیلی کے خواب دیکھ رہا ہے تو یہ ایک دیوانے کاخواب ہے مرکزپاکستان پیپلزپارٹی آزاد کشمیرکی پشت پر ہے ۔
وہ منگل کے روز یہاں بلاول ہاؤس میں پاکستان پیپلزپارٹی آزاد کشمیر کی پارلیمانی پارٹی کے اجلاس سے خطاب کر رہے تھے۔ اجلاس سے خطاب کرتے ہوئے شریک چیئرپرسن آصف علی زرداری نے کہا کہ آزاد کشمیر میں وزیراعظم کی تبدیلی نہیں ہوگی ۔ چوہدری عبدالمجید کو پارٹی نے 5 سال کیلئے وزیراعظم نامزد کیا تھا اور وہ اپنی مدت پوری کرینگے ۔(جاری ہے)
شریک چیئرپرسن نے کہاکہ ان کے خیال میں وفاقی حکومت یا مسلم لیگ ن آزاد کشمیر کے اندر سیاسی عدم استحکام پیدا نہیں کرنا چاہتی اور وہ آزاد حکومت کے معاملات میں مداخلت نہیں کریگی ۔
آصف علی زرداری نے پارلیمانی پارٹی کو اعتماد میں لیا اور کہا کہ پارٹی کے اندر کسی بھی قسم کے اختلافات کو مل بیٹھ کر اتفاق و اتحاد کے ساتھ پارٹی دور کرتی ہے۔ پارٹی کے شریک چیئرپرسن نے آزاد کشمیر کے تینوں ڈویژنز اور مہاجرین مقیم پاکستان کے حلقہ جات سے منتخب پیپلز پارٹی کے ارکان اسمبلی سے الگ الگ ملاقات کی ۔سب سے پہلے مظفر آباد ،پونچھ ڈویژن سے تعلق رکھنے والے ارکان اسمبلی ، پھر میرپور ڈویژن اور آخر میں کشمیری مہاجرین کے حلقہ جات سے منتخب ارکان اسمبلی سے ملاقات کی۔ اس موقع پر پاکستان پیپلز پارٹی سیاسی امور کی انچارج محترمہ فریال تالپور بھی موجود تھیں۔ شریک چیئرپرسن نے تمام حلقہ جات میں تعمیر و ترقی کا عمل تسلسل سے جاری رکھنے کی ہدایت کرتے ہوئے فنڈز کی فراہمی میں افراط و تفریط ختم کرنے اور یکساں طور پر ترقیاتی منصوبے مکمل کرنے کی بھی ہدایت کی قبل ازیں پارلیمانی پارٹی کے ارکان جب بلاول ہاؤس پہنچے تو رضوان قریشی اورسینئر مشیر چوہدری محمد ریاض نے شرکاء کا استقبال کیا اور چیئرمین پارٹی کی طرف سے شرکاء کو ضیافت دی ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.