پنجاب حکومت سے معاہدہ، چین کا معروف گروپ قائداعظم اپیرل پارک میں 2 ارب ڈالر کی سرمایہ کاری کریگا،معاہدے کے تحت شین ڈونگ رویائی گروپ اپیرل پارک کی ڈیزائننگ، پلاننگ اور کنسٹرکشن میں تعاون کرے گا، چینی سرمایہ کاروں کو پنجاب میں ہر قسم کی سہولتیں ترجیحی بنیادوں پر فراہم کی جا رہی ہیں،سرمایہ کاری کیلئے سازگار ماحول فراہم کیا ہے‘ شہباز شریف،شین ڈونگ گروپ اور پیڈمک کے درمیان قائداعظم اپیرل پارک کے منصوبے کیلئے معاہدہ خوش آئند ہے‘ وزیراعلیٰ پنجاب کی چینی وفد سے گفتگو، پنجاب میں کول پاور پلانٹس لگانے کے مواقع موجود ہیں، شہباز شریف کے کام کے انداز نے بہت متاثر کیا ہے‘لواین شن
جمعرات 3 اپریل 2014 20:44
لاہور (اُردو پوائنٹ اخبار تازہ ترین۔3اپریل۔2014ء) پنجاب حکومت اور چین کے معروف شین ڈونگ رویائی گروپ کے درمیان ایوان وزیراعلیٰ میں مفاہمت کی یادداشت پر دستخط کئے گئے۔ وزیراعلیٰ محمد شہباز شریف تقریب کے مہمان خصوصی تھے۔ معاہدے کے تحت رویائی شین ڈونگ گروپ قائداعظم اپیرل پارک کے منصوبے میں 2 ارب ڈالر کی سرمایہ کاری کرے گا۔ چینی گروپ قائداعظم اپیرل پارک کی ڈیزائننگ، پلاننگ اور کنسٹرکشن میں بھی تعاون کرے گا۔
پنجاب حکومت چینی گروپ کو قائداعظم اپیرل پارک میں ترجیجی بنیادوں پر سہولتیں فراہم کرے گی۔ چینی گروپ اور پیڈمک قائداعظم اپیرل پارک کے منصوبے پر مشترکہ طور پر تیز رفتاری سے کام کریں گے۔ اس موقع پر شین ڈونگ رویائی گروپ اور ہوانینگ شین ڈونگ کے اعلیٰ حکام کے علاوہ صوبائی وزراء اور متعلقہ حکام بھی موجود تھے۔(جاری ہے)
پنجاب انڈسٹریل اسٹیٹس ڈویلپمنٹ اینڈ مینجمنٹ کمپنی(پیڈمک) کے چیئرمین ایس ایم تنویر اور رویائی شین ڈونگ گروپ کی جانب سے ایگزیکٹو پریذیڈنٹ ایری کیو نے مفاہمت کی یادداشت پر دستخط کئے۔
پیشتر ازیں وزیراعلیٰ محمد شہباز شریف سے شین ڈونگ رویائی گروپ اور ہواینگ شین ڈونگ کے وفد کے اراکین نے لواین شن کی سربراہی میں ملاقات کی۔ اس موقع پر شین ڈونگ ریائی گروپ کی ایگزیکٹو پریذیڈنٹ ایری کیو، لی آئی ینگ ، مسعود ٹیکسٹائل کے چیف ایگزیکٹر آفیسر شاہد نذیر، وفد کے اراکین، صوبائی وزراء مجتبیٰ شجاع الرحمن، محمد شفیق، شیر علی خان، مشیر اعجاز نبی، ایڈیشنل چیف سیکرٹری توانائی اور متعلقہ افسران بھی موجود تھے۔ ملاقات میں چینی گروپ کی جانب سے توانائی سیکٹر میں بھی سرمایہ کاری کرنے پر گہری دلچسپی کا اظہار کیا۔ چینی گروپ نے ساہیوال میں 660 میگاواٹ کے 2 کول پاور پلانٹس اور انڈسٹریل اسٹیٹس میں 135 میگاواٹ کے 2 کول پاور پلانٹس لگانے میں دلچسپی کا اظہار کیا جبکہ سالٹ رینج میں کوئلے کی کانوں کے قریب بھی کول پاور پلانٹ لگانے کا جائزہ لیا جائے گا۔ وزیراعلیٰ محمد شہباز شریف نے وفد سے گفتگو کرتے ہوئے کہا کہ رویائی گروپ کی جانب سے توانائی اور ٹیکسٹائل سیکٹر میں سرمایہ کاری میں دلچسپی پر شکریہ ادا کرتے ہیں۔ چینی کمپنیاں سولر اور دیگر ذرائع سے توانائی کے حصول کیلئے بھی پاکستان سے تعاون کر رہی ہیں۔ چینی سرمایہ کاروں کو پنجاب میں ہر قسم کی سہولتیں ترجیحی بنیادوں پر فراہم کی جا رہی ہیں۔ شین ڈونگ گروپ اور پیڈمک کے درمیان قائداعظم اپیرل پارک کے منصوبے کیلئے معاہدہ خوش آئند ہے۔ چینی گروپ فیصل آباد کی انڈسٹریل اسٹیٹ میں بھی اربوں ڈالر کی سرمایہ کاری کر رہا ہے۔ مسلم لیگ (ن) کی حکومت نے سرمایہ کاری کیلئے سازگار ماحول فراہم کیا ہے۔ وزیراعظم محمد نواز شریف کی قیادت میں ملک صحیح سمت میں آگے بڑھ رہا ہے۔ پا ک چین دوستی آزمائش کی ہر گھڑی پر پورا اتری ہے۔ چین کی جانب سے 32 ارب ڈالر کا سرمایہ کاری پیکیج دونوں ملکوں کے درمیان مضبوط تعلقات کا عکاس ہے۔مسلم لیگ (ن) کے حالیہ دور میں پاک چین دوستی نئی بلندیوں کو چھو رہی ہے۔ رجوعہ میں خام لوہے کے ذخائر کا ذکر کرتے ہوئے انہوں نے کہا کہ چینی کمپنی ایم سی سی سے چنیوٹ میں خام لوہے کے ذخائر کی تلاش کے حوالے سے تاریخی معاہدہ کیا گیا ہے۔ پنجاب حکومت کان کنی کے سیکٹر کو جدید خطوط پر استوار کرکے منظم انداز سے چلانا چاہتی ہے۔کان کنی کے سیکٹر کو منظم کرکے روزگار کے مواقع پیدا کئے جائیں گے۔ چینی گروپ کے کان کنی کے سیکٹر میں تعاون کا خیرمقدم کریں گے۔ ملاقات کے دوران سربراہ رویائی شین ڈونگ وفد لواین شن نے کہا کہ وزیراعلیٰ محمد شہباز شریف نے پنجاب میں شاندار منصوبے مکمل کئے ہیں۔ وزیراعلیٰ شہباز شریف کے کام کے انداز نے بہت متاثر کیا ہے۔ پنجاب میں کوئلے کی کانوں کے قریب کول پاور پلانٹس لگانے کے مواقع موجود ہیں۔ وزیراعلیٰ کی جانب سے چینی وفد کے اعزاز میں ظہرانہ بھی دیا گیا۔متعلقہ عنوان :
مزید اہم خبریں
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
-
وزیراعظم شہا زشریف کی مزار قائد پرحاضری، پھول چڑھائے اور فاتحہ خوانی کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.