موجودہ مسائل ومشکلات پر جلدقابوپالیں گے،حالات بہترہوجائیں گے،گورنرخیبرپختونخوا، امن وامان کے مسائل پر قابو پانا، امن واستحکام یقینی بناناور معاشی ترقی کے مواقع پیدا کرنا یاولین ترجیح ہے،صوبے کے حالات پہلے سے بہت بہترہے، آئندہ بھی پائیدار بنیادوں پر امن و استحکام یقینی بنانے کیلئے کوشش جاری رکھیں گے:چیمبر میں تقریب سے خطاب
بدھ 2 اپریل 2014 21:19
پشاور(اُردو پوائنٹ اخبار تازہ ترین۔2اپریل۔2014ء) خیبرپختونخوا کے گورنر انجینئرشوکت اللہ نے کہاہے کہ ہمیں بحیثیت قوم جن مشکلات کا سامناہے وہ ایک عارضی رجحان ہے جو ختم ہوکررہے گا اور حالات مکمل طور معمول پرآئیں گے۔ انہوں نے مزید کہاکہ امن وامان کے مسائل پر قابو پانا، امن واستحکام یقینی بناناور معاشی ترقی کے مواقع پیدا کرنا یقیناً اولین ترجیح ہے اور اس وقت وطن عزیز میں تجارت وکاروبار کے فروغ کیلئے دستیاب حوصلہ افزاء ماحول کے پیش نظر اس امر میں بھی شک نہیں کہ اس حوالے سے جاری کوششیں کامیابی سے ہمکنار ہوں گی۔
وہ بدھ کے روز خیبرپختونخوا ایوان صنعت وتجارت کے دورے کے دوران پشاور کی تاجر برادری کے عہدیداروں اور چیدہ چیدہ نمائندوں سے خطاب کررہے تھے۔ گورنرنے خوشگوار اور آزادانہ ماحول میں تاجربرادری کے نمائندوں کے ساتھ گفتگو کی اور ان کے نکتہ نظر کے حوالے سے اپنے خیالات کا اظہارکیا۔(جاری ہے)
چیمبرکے صدر جناب زاہد شنواری نے گورنر کا خیرمقدم کرتے ہوئے معاشی سرگرمیوں کے حوالے سے چیمبرکے اراکین کے نکتہ نظر پرروشنی ڈالی۔
سینیٹرالیاس احمد بلور، حاجی افتخار احمد، حاجی شرافت علی مبارک، حاجی محمد افضل، ضیاء احمدسرحدی، آفتاب احمدخان اور تیمورخان نے بھی اپنے خیالات کا اظہارکیا اور تاجربرادری کو درپیش مسائل اور ان کے حل کیلئے تجاویز پیش کیں۔ اس موقع پر اپنے خیالات کا اظہارکرتے ہوئے گورنرنے کہاکہ یقیناً صوبے کی تاجربرادری کو درپیش مسائل اور ان کے حل کیلئے ان کے نکتہ نظر کے بارے میں احساس ہر سطح پر پایاجاتاہے اور حکومت کے نمائندوں کے ان کے ساتھ تسلسل کے ساتھ روابط بھی اس حقیقت کاواضح ثبوت ہے۔ انہوں نے مزید واضح کیا کہ آج وہ خود ان کے مابین موجود ہیں اور گذشتہ روز وفاقی وزیر تجارت غلام دستگیر اس ایوان میں موجود تھے اور انشاء اللہ آئندہ بھی پائیدار بنیادوں پر امن و استحکام یقینی بنانے کیلئے اس سلسلے میں جاری کوششوں کی رفتار برقرار رکھی جائے گی۔ وفاقی حکومت کی جانب سے صوبے میں ترقیاتی منصوبوں کیلئے فنڈز کے اجراء کی رفتار کو مزید تیز کرنے کی تجویز کا حوالہ دیتے ہوئے گورنرنے کہاکہ اس سلسلے میں دستیاب حوصلہ افزاء حالات کے پیش نظر انہیں صوبے میں یقنیاً جلد ہی مثبت پیش رفت دیکھنے کو ملے گی۔ گورنر نے کہاکہ جہاں تک فاٹا کا تعلق ہے وہاں بھی تجارتی سرگرمیوں کے فروغ کیلئے محفوظ اور خوشگوار ماحول کی دستیابی یقینی پنانے کیلئے ہرممکن قدم اٹھایاجارہاہے۔ انہوں نے کہاکہ حال ہی میں فاٹا میں نافذ کئے گئے نئے قوانین کی بدولت بھی تجارت و کاروبار کے فروغ میں مدد ملے گی۔ گورنر نے کہاکہ باجوڑ اور مہمند ایجنسی سے نقل مکانی کرنے والے قبائل اپنے آبائی علاقوں کو واپس جاچکے ہیں، کرم ایجنسی کے متاثرین اپنے ہی متعلقہ ایجنسی میں مقیم ہیں جن کی جلد بحالی کیلئے اقدامات جاری ہیں اور محسود قبائل کی بھی اپنے آبائی علاقوں میں واپسی ممکن بنانے کیلئے ٹھوس اقدامات اٹھائے جارہے ہیں اور تمام تر اقدامات کے یقیناً متعلقہ علاقوں میں کاروباری سرگرمیوں کے فروغ کے ضمن میں مثبت اثرات مرتب ہوں گے۔ گورنرنے صوبے کی تاجربرادری کے مشکل حالات کاحوصلے سے سامناکرنے کے جذبے اورقربانیوں کو سراہا اور یقین دلایا کہ پائیدار بنیادوں پر امن و استحکام یقینی بنانے کے ضمن میں بھی ان کی توقعات کو جلد عملی شکل دینے کیلئے انہیں آئندہ بھی ہرممکن مدد دی جائیگی۔ قبل ازیں جناب زاہدخان شنواری ، سینیٹرالیاس احمدبلور اور دیگر نے تاجربرادری کی تجاویز کے حوالے سے اپنا نکتہ نظر پیش کرتے ہوئے متعدد تجاویز بھی پیش کیں اور گورنرکی چیمبرآمد پر شکریہ ادا کیا۔متعلقہ عنوان :
مزید اہم خبریں
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.