اٹک میں زہریلا کھانا کھانے سے ایک ہی خاندان کی 2 بچیاں جاں بحق، 7 کی حالت غیر

بدھ 2 اپریل 2014 14:32

اٹک(اُردو پوائنٹ تازہ ترین اخبار۔ 2اپریل 2014ء) ہنجراں میں زہریلا کھانا کھانے سے ایک ہی خاندان کی 2 بچیاں جاں بحق جب کہ خواتین اور بچوں سمیت 7 افراد بے ہوش ہو گئے۔

(جاری ہے)

اٹک کے علاقے ہنجراں میں زہریلا کھانا کھانے سے خواتین اور بچوں سمیت 9 افراد بے ہوش ہو گئے جنھیں فوری طور پر ڈی ایچ کیو اسپتال اٹک منتقل کیا گیا تاہم سہولیات کے فقدان کے باعث تمام متاثرہ افراد کو سول اسپتال راولپنڈی منتقل کرنا پڑا جہاں 2 بچیاں دوران علاج دم توڑ گئیں، جاں بحق ہونے والی بچیوں کی عمریں 5 اور 13 سال ہیں۔

ڈاکٹرز کا کہنا ہے کہ ایک خاتون کی حالت تشویشناک ہے جب کہ 6 افراد کے معدے صاف کر دیئے گئے ہیں اور ان کی حالت اب خطرے سے باہر ہے۔ دوسری جانب پولیس کا کہنا ہے کہ واقعے کی تحقیقات شروع کر دی گئی ہے۔

Facebook Twitter Google + Share on Whatsapp

اٹک میں زہریلا کھانا کھانے سے ایک ہی خاندان کی 2 بچیاں جاں بحق، 7 کی حالت غیر

مزید اہم خبریں