مشرف عدالت میں پیش نہ ہوتے تو گرفتارکرکے لاتے،اکرم شیخ،سابق صدرنے عدالت میں پیش ہوکربہادری دکھائی،دس ،پندرہ دن دیں کیس کو مکمل کرلیں گے،چیف پراسیکیوٹراکرم شیخ کی میڈیاسے بات چیت
پیر 31 مارچ 2014 21:49
اسلام آباد(اُردو پوائنٹ اخبار تازہ ترین۔31مارچ۔2014ء) سابق صدرجنرل ریٹائرڈپرویز مشرف کے خلاف سنگین غداری کیس میں چیف پراسیکیوٹراکرم شیخ نے کہاہے کہ اگر ملزم عدالت میں پیش نہ ہوتے توانہیں گرفتارکرکے لایاجاتا،مشرف نے عدالت میں پیش ہوکر بہادری دکھائی،سابق صدرہمیں دس سے پندرہ دن دے دیں ہم اس کیس کومکمل کرلیں گے،پیر کو نجی ٹی وی سے بات چیت کرتے ہوئے پرویز مشرف کے خلاف سنگین غداری کیس میں چیف پراسیکیوٹراکرم شیخ نے کہاکہ پرویز مشرف کے بارے میں صرف وہی کہا جو قانون کہتا ہے، انہوں نے کہاکہ دنیا کی نظریں آج پاکستان پر لگی تھیں ،فرد جرم عائد کرکے نئی تاریخ رقم کی گئی ہے،مشرف کے خلاف صاف شفاف ٹرائل جاری ہے کسی بھی موقع پر اس میں حکومت کی جانب سے کوئی مداخلت نہیں کی گئی اورنہ میں نے اسے انا کا مسئلہ بنایاہے ، انہوں نے کہا کہ احمد رضا قصو ری کی جانب سے ذاتی حملے کے جواب میں کچھ نہیں کہوں گا اورنہ ہی میں اپنی کوئی ذاتی بات میڈیا میں لاوں گا،انہوں نے کہاکہ اگر پرویز مشرف عدالت میں پیش نہ ہوتے توانہیں گرفتارکرکے لایاجاتا،اس سے پہلے انہوں نے کئی مرتبہ عدالت سے استثنی لیا اوردوسے زائد مرتبہ عدالت نے بھی انہیں استثنی دیا،انہوں نے کہاکہ پرویز مشرف نے ایک نہ ایک دن عدالت میں پیش ہونا ہی تھا اگر پہلے ہوجاتے تو آج تک شاید کیس کا فیصلہ ہوچکاہوتا،ایک اورسوال کے جواب میں انہوں نے کہاکہ مشرف کہتے ہیں کہ وہ 44سال تک دنیا کی طاقتورفوج کے جرنیل رہے مگر افسوس کہ وہ تین ماہ تک اے ایف آئی سی میں بیماری کا بہانہ کرکے چھپے رہے ،ان کی بیماری اتنی نہیں تھی جتنی عدالت کو بتائی جاتی رہی ،انہوں نے کہاکہ بالاآخر پرویزمشرف نے عدالت میں پیش ہوکر بہادری دکھادی ،ا ن کی بہادری دیکھ کرمجھے خوشی ہوئی ،ان کا کہنا تھا کہ سابق صدرہمیں دس سے پندرہ دن دے دیں ہم اس کیس کومکمل کرلیں گے کیونکہ یہ کیس دس سے پندرہ دنوں سے زیادہ کا نہیں ہے ۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.