جمہوریت پر شب خون مارنے والے پرفرد جرم عائد ہو چکی ، سزا کا فیصلہ عدالت اور وقت کریگا ،وزیردفاع خواجہ آصف ،آئین اور قانون شکنی سب سے گھناؤنا جرم ہے ،عدلیہ کے فیصلے پر من وعن عمل کرینگے ، پرویز مشرف کی والدہ کو ائیر ایمبو لینس کے ذریعے واپس لانے کیلئے تیار ہیں ، تمام طبی سہولیات فراہم کی جائیں گی، پرویز مشرف کے مالشیے سوچ رہے ہیں پھر کوئی چور دوازے آئے گا پھر مالش کرینگے ، آرمی کی سوچ میں تبدیلی آئی ہے ، اب آئین اور قانون کی بالادستی ہمیشہ کیلئے قائم ہوگی ،قومی اسمبلی میں نکتہ اعتراض پراظہار خیال ۔ تفصیلی خبر
پیر 31 مارچ 2014 21:00
اسلام آباد(اُردو پوائنٹ اخبار تازہ ترین۔31مارچ۔2014ء) وفاقی وزیر دفاع ،پانی وبجلی خواجہ محمد آصف نے کہا ہے کہ جمہوریت پر شب خون مارنے والے پرفرد جرم عائد ہو چکی ، سزا کا فیصلہ عدالت اور وقت کریگا ،آئین اور قانون شکنی سب سے گھناؤنا جرم ہے ،عدلیہ کے فیصلے پر من وعن عمل کرینگے ، پرویز مشرف کی والدہ کو ائیر ایمبو لینس کے ذریعے واپس لانے کیلئے تیار ہیں ، تمام طبی سہولیات فراہم کی جائیں گی ، پرویز مشرف کے مالشیے سوچ رہے ہیں پھر کوئی چور دوازے آئے گا پھر مالش کرینگے ، آرمی کی سوچ میں تبدیلی آئی ہے ، اب آئین اور قانون کی بالادستی ہمیشہ کیلئے قائم ہوگی ۔
پیر کو قومی اسمبلی میں نکتہ اعتراض پر خطاب کرتے ہوئے خواجہ آصف نے کہاکہ ہم سب آئین کادفاع کرینگے ہم نے آج جمہوریت کی جانب سفر کی ایک اور منزل طے کرلی ہے کل تک جو خواب لکھتا تھا عدلیہ نے اسے حقیقت بنا دیا ہے میں ایگزیکٹو کو بھی خراج تحسین پیش کرتا ہوں جو دو مرتبہ آئین توڑنے والا کا کیس لیکر عدالت کے پاس گئی آئین اور جمہوریت پر شب خون مارنے والے پر آج فرد جرم عائد ہو گئی ہے اس پر مقدمے بھی چلے گا اور علامتی سزا یا کسی بھی سزا کا فیصلہ عدلیہ اور وقت کریگا انہوں نے کہاکہ مجھے دکھ ہے کہ 2007میں جن لوگوں نے مشرف کی ایمر جنسی کے حق میں ووٹ ڈالا وہ بھی اس ایوان میں بیٹھے ہیں اور جو اس وقت پیشن گوئی کرتے تھے کہ نواز شریف واپس نہیں آئے گا وہ دیکھ لیں کہ نواز شریف اللہ کے فضل سے تیسری مرتبہ ملک کا وزیر اعظم ہے اور آئین و قانون شکن مقدمات کا سامنا کرررہا ہے انہوں نے کہاکہ پرویز مشرف کی والدہ اب بیمار ہیں ہم پرویز مشرف کی والدہ کو ایئر ایمبو لینس کے ذریعے واپس لاتے ہیں انہیں تمام طبی سہولیات فراہم کی جائیگی انہوں نے کہاکہ اس ملک میں ایسے بھی لوگ موجود ہیں جن کے والدین دور ان اسیری وفات پا گئے خواجہ سعد رفیق کی والدہ فوت ہوئیں آصف علی زر داری کی والدہ فوت ہوئیں تو انہیں پیرول پر لایا گیا پرویز مشرف کی والدہ بیمار ہیں اگر اس طرح پرویز مشرف کو رعایت دی گئی تو پاکستان کی جیلیں بھری پڑی ہیں جن کے بیوی بچے اور والدین بیمار ہیں اس شخص نے ملک کی تاریخ کا سب سے بھیانک جرم کیا کہ پاکستان کو ایسی جنگ میں جھونک دیا جو ہماری جنگ نہیں تھی 50ہزار جانیں اس جنگ کا نشانہ بنیں اس ملک کو امریکہ کے آگے بیچ دیا اس وقت جو اس کے حمایتی تھے ان کو یہ سب یاد نہیں انہوں نے کہاکہ عدلیہ میں اس شخص کا مقدمہ ہے اب آئین اور قانون کی بالادستی ہمیشہ کیلئے قائم ہوگی ہم قانون اور آئین پر عملدر آمد کرینگے عدلیہ کے فیصلے پر من وعن عمل کیا جائیگا اور اس بارے میں کوئی دباؤ قبول نہیں کیا جائے نہ ہی ہم پر کوئی دباؤ ہے انہوں نے کہاکہ پرویز مشرف کے جو مالیشے تھے وہ سوچ رہے ہیں کہ فوج ناراض ہو کر پھر مداخلت کریگی فوج حکومت اور عوام سب ایک صفحے پر ہیں ملک کو ترقی اور امن کی منزل تک پہنچائیں گے مالشیے یہ سوچ رہے کہ کوئی چور دروازے سے آئے گا اور پھر اس کی مالش شروع کر دینگے اور جوتیاں سیدھی کریں خواجہ آصف نے کہاکہ اس ملک کے رہنے والے اس بات کی گارنٹی مانگتے ہیں کہ ملک میں آئین بالادست ہوگا اور قانون کی حکمرانی ہوگی ۔(جاری ہے)
متعلقہ عنوان :
مزید اہم خبریں
-
لاہور ہائیکورٹ نے پنجاب حکومت کو طالب علموں کو پیر تک الیکٹرک بائیکس تقسیم کرنے سے روک دیا
-
آئی کیوب قمر نے کامیابی کے ساتھ چاند کے مدار سےپہلی تصویر بھیج دی
-
جرمن کارکنوں نے پچھلے برس 1.3 بلین گھنٹے اوور ٹائم کیا، زیادہ تر بلامعاوضہ
-
سموگ پر قابو پانے کیلئے وزیراعلیٰ پنجاب کی سربراہی میں خصوصی کمیٹی قائم
-
ملکی ترقی میں نجی شعبے اور صنعت کا کردار انتہائی اہم ہے،وزیراعظم شہباز شریف
-
حکومت میں ہوتے ہوئے پی ٹی آئی سے بات کرنے کو تیار ہیں،رانا ثناءاللہ
-
وزیر منصوبہ بندی احسن اقبال کی چین کی نیشنل انرجی ایڈمنسٹریشن کے چیئرمین سے ملاقات
-
مریم نواز نے پنجاب کے طلبہ کیلئے لیپ ٹاپ سکیم کی منظوری دیدی
-
ٹیکس کی بنیاد وسیع کرنے کیلئے تاجر دوست سکیم کو کامیاب بنانے کیلئے پر عزم ہیں،محمد اورنگزیب
-
دھاندلی کی اسمبلیاں قبول نہیں ہیں،فیصلے ایوان نہیں میدان میں ہونگے،مولانافضل الرحمان
-
آئی ایم ایف نے ریٹائرڈ سرکاری ملازمین کی پنشن پر ٹیکس لگانے کانیا مطالبہ کر دیا
-
مشرقی یروشلم میں آتش زنی کے بعد امدادی ادارے ’انرا‘ کا دفتر بند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.