پی ٹی آئی کا سیکریٹری اطلاعات شیریں مزاری کو ہٹانے کا فیصلہ
جمعہ 28 مارچ 2014 13:32
لاہور(اُردو پوائنٹ تازہ ترین اخبار۔ 28مارچ 2014ء) تحریک انصاف کی سیکریٹری اطلاعات ڈاکٹر شیریں مزاری کی جانب سے مرکزی سیکریٹری جنرل جہانگیرترین کو بھیجی جانے والی ای میلزمیں نامناسب الفاظ کے استعمال اوران کی اتھارٹی کو چیلنج کرنے کامعاملہ پارٹی چیئرمین عمران خان کیلیے ٹیسٹ کیس بن گیاہے اورپارٹی قیادت نے سیکریٹری اطلاعات کے عہدے پر غیرمتنازع شخص کو لانے کا فیصلہ کیا ہے، اس حوالے سے رکن قومی اسمبلی اسدعمراور شفقت محمود کے ناموں پر غورجاری ہے۔
مصدقہ ذرائع کے مطابق سیکریٹری جنرل آفس نے عمران خان کی جانب سے تشکیل دی جانے والی اسپیشل کمیٹی فار اکائونٹیبلٹی اینڈ ڈسپلن کیلیے تحریک انصاف کی آئی ٹی ٹیم کو ایک الگ ای امیل مختص کرنے کیلیے ای میل کی جس پرڈاکٹرشیریں مزاری نے شدیدبرہمی کا اظہار کرتے ہوئے جوابی ای میل میں کہاکہ سیکریٹری جنرل آفس کی کوآرڈینیٹراختیارات سے تجاوز کررہی ہیں اور سیکریٹری جنرل آفس کو اس حوالے سے سیکریٹری اطلاعات کے ذریعے پروسیس کرنا چاہیے، معلوم ہوا ہے کہ اس ای میل میں سخت الفاظ استعمال کیے گئے۔
(جاری ہے)
شیریں مزاری نے اس ای میل کا جواب دیتے ہوئے سیکریٹری جنرل جہانگیر ترین کو لکھا کہ میں آپ کی تنخواہ دار ملازم نہیں، یہ ایک سیاسی پارٹی ہے، کوئی کارپوریٹ بزنس نہیں لہٰذا آپ اپنے کام سے کام رکھیں اور میرے کاموں میں مداخلت نہ کریں۔
ذرائع کے مطابق شیریں مزاری نے یہ تمام ای میلزنعیم الحق، ڈاکٹر عارف علوی، سیف اللہ نیازی، اعجاز چوہدری، عندلیب عباس، سوشل میڈیاٹیم کو بھی’’CC ‘‘کیں جن کا اس معاملے سے کوئی تعلق نہیں تھا۔ عمران خان نے اس تمام صورتحال کاسختی سے نوٹس لیتے ہوئے سیکریٹری اطلاعات کے عہدے پر غیر متنازع شخص کو مقرر کرنے کا فیصلہ کیا ہے۔ ذرائع کے مطابق اس حوالے سے اسد عمر اور شفقت محمود کے نام زیر غور ہیں مگر فی الوقت دونوں رہنما یہ عہدہ لینے میں دلچسپی نہیں رکھتے۔ شفقت محمود تحریک انصاف کے سیکریٹری اطلاعات کے طور پر عمدہ دور گزار چکے ہیں۔مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.