جیم اینڈ جیولری انڈسٹری کی بقا کیلئے سونے کی درآمد پر عائد پابندی کا فوری طور پر خاتمہ کیاجائے ، آل پاکستان جیم مرچنٹس
جمعرات 27 مارچ 2014 17:51
کراچی(اُردو پوائنٹ تازہ ترین اخبار۔ 27مارچ 2014ء) آل پاکستان جیم مرچنٹس اینڈجیولرز ایسوسی ایشن نے وزیر اعظم نواز شریف اور وفاقی وزیر خزانہ اسحاق ڈار سے اپیل کی ہے کہ جیم اینڈ جیولری انڈسٹری کی بقا کے لیے سونے کی درآمد پر عائد پابندی کا فوری طور پر خاتمہ کیاجائے نجی ٹی وی کے مطابق آل پاکستان جیم مرچنٹس اینڈجیولرز ایسوسی ایشن نے کہاکہ ایس آر او760 کے تحت رواں سال جنوری اور فروری میں امریکا، کینیڈا، برطانیہ اور متحدہ عرب امارات کے خریداروں سے طے کیے گئے سودوں کی تکمیل نہ ہونے سے 650کلو گرام کے ایکسپورٹ آرڈرز خطرے میں پڑگئے ہیں۔
بیرونی خریداروں نے آرڈرز کی تکمیل نہ ہونے کی صورت میں ڈیمرج عائد کرنے اور قانونی چارہ جوئی کی وارننگ جاری کردی ہے، آل پاکستان جیم مرچنٹس اینڈجیولرز ایسوسی ایشن نے وزیر اعظم نواز شریف اور وفاقی وزیر خزانہ اسحاق ڈار سے اپیل کی کہ جیم اینڈ جیولری انڈسٹری کی بقا کے لیے سونے کی درآمد پر عائد پابندی کا فوری طور پر خاتمہ کیاجائے۔(جاری ہے)
اقتصادی رابطہ کمیٹی کے فیصلے کے تحت سونے کی درآمد پر 31مارچ تک پابندی عائد ہے جیم اینڈجیولری انڈسٹری بالخصوص برآمدی صنعت اس پابندی کے مزیدجاری رہنے کی متحمل نہیں ہوسکتی۔
نواز شریف کی قیادت میں معیشت کی بحالی اور برآمدات میں نمایاں اضافے کے لیے کی جانے والی کوششیں قابل قدر ہیں پاکستان سے جیم اینڈجیولری کی برآمدات ایک ارب ڈالر تک پہنچ چکی ہے اوراس میں مزید اضافہ ہورہا ہے تاہم سونے کی درآمدپرپابندی سے ایکسپورٹرز کو شدید مشکلات کاسامنا ہے دوسری جانب بیرونی مارکیٹ میں پاکستان کی ساکھ بھی خراب ہونے کا خدشہ ہے۔ ان سودوں کے لیے طے کردہ معاہدوں کی ان ملکوں میں پاکستانی ہائی کمیشن نے بھی توثیق کی تھی،سودے کی منسوخی سے پاکستان کے لیے بیرونی منڈی میں اپنی پوزیشن برقرار رکھنا مشکل ہوجائیگا اور خریدار بھارت کو ترجیح دیں گے اس طرح 28سال کی محنت سے حاصل کردہ مارکیٹ بھارت کے ہاتھ لگ جائیگی۔انھوں نے کہا کہ ملک کو لاکھوں ڈالر نقصان کاسامنا کرنا پڑا جبکہ زیورات تیار کرنے والے سیکڑوں کارخانے بند اورہزاروں کاریگر بے روزگار ہوچکے ہیں،دہ ماہ سے برآمدات نہ ہونے کے سبب ایکسپورٹ میں مجموعی طور پر 166ملین ڈالر سے زائد کمی کا سامنا کر نا پڑا۔ آرڈرز منسوخ ہونے سے پاکستان کو ویلیو ایڈیشن کی مد میں 20لاکھ ڈالر کا نقصان ہوگا۔مزید تجارتی خبریں
-
عالمی مارکیٹ اور مقامی صرافہ مارکیٹ میںسونے کا بھائوگھٹ گئے
-
انٹربینک اور مقامی اوپن کرنسی مارکیٹ میں ڈالر کی قیمت میں کمی
-
پاکستان سٹاک ایکسچینج میں ملاجلا رحجان، انڈکس 3.05 پوائنٹس کی کمی کے بعد72761.19 پوائنٹس پربند
-
ڈالراوریوروکے مقابلہ میں پاکستانی کرنسی کی قدرمیں اضافہ
-
لاہور: اوپن مارکیٹ میں 10 کلو آٹے کے تھیلے کی 900 روپے میں فروخت
-
ایس ای سی پی نے لسٹڈ کمپنیوں کے حصص کی شرعی اسکریننگ کے لیے فریم ورک میں ترامیم تجویز کر دیں
-
ملک میں سیمنٹ کی ریٹیل قیمتوں میں ہفتہ وار بنیادوں پر معمولی کمی ریکارڈ
-
برائلر گوشت کی فی کلو قیمت میں ریکارڈ 78روپے کمی
-
سٹاک ایکسچینج نے73ہزارپوائنٹس کا ایک اور نفسیاتی حد عبور کر لیا
-
زندگی، سندھ حکومت، ماسٹر کارڈ اور پیپل بس سروس نے پاکستان میں پہلے اوپن لوپ ٹرانزٹ حل متعارف کروادیا
-
عالمی بینک کے نائب صدر برائے جنوبی ایشیا مارٹن ریزر پاکستان پہنچ گئے
-
ملک میں سیمنٹ کی ریٹیل قیمتوں میں گزشتہ ہفتے کے دوران بھی استحکام رہا، پاکستان بیورو برائے شماریات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.