چیئرمین نیب تقرری کیس، سپریم کورٹ نے خورشید شاہ کو فریق بننے کی اجازت دے دی
جمعرات 27 مارچ 2014 13:08
اسلام آباد(اُردو پوائنٹ تازہ ترین اخبار۔ 27مارچ 2014ء) سپریم کورٹ نے چیئرمین نیب کی تقرری کے خلاف کیس میں قائد حزب اختلاف خورشید شاہ کو فریق بننے کی اجازت دے دی ہے۔جسٹس خلجی عارف حسین اور جسٹس دوست محمد کی سربراہی میں سپریم کورٹ کے 2 رکنی بینچ نے چیئرمین نیب کی تقرری کے سلسلے میں دائر متفرق درخواستوں کی سماعت کی۔ سماعت کے دوران عدالت کے رو برو خورشید شاہ کے وکیل بیرسٹر اعتزاز احسن پیش ہوئے اور انہوں نے درخواست میں فریق بننے کی درخواست کی جسے منظور کرلیا گیا۔
سماعت کے دوران عمران خان کے وکیل حامد خان نے اپنے دلائل میں کہا کہ سپریم کورٹ نے ایک کیس میں چوہدری قمر زمان کے خلاف فیصلہ دیا۔ عدالت نے جس شخص کے خلاف فیصلہ دیا اسے چیئرمین نیب لگا دیا گیا۔
(جاری ہے)
جس پر اعتزاز احسن نے جواب میں کہا کہ حامد خان جس کیس کا ذکر کررہے ہیں اسی کیس میں وفاقی ٹیکس محتسب رؤف چوہدری کے خلاف بھی فیصلہ آیا تھا تاہم عدالت نے ان کی تقرری کی توثیق کی تھی۔
کیس کے درخواست گزار چیئرمین نیب کی تقرری میں مک مکا کا لفظ استعمال کررہے ہیں، یہ لفظ استعمال نہ کیا جائے کیونکہ ان کی تقرری آئین کے مطابق ہوئی۔ایک اور درخواست گزار محمود اختر نقوی نے کہا کہ چیئرمین نیب کی تقرری نیب آرڈیننس کے خلاف ہے۔ جس پر جسٹس دوست محمد نے ریمارکس دیئے کہ جب آپ نےعام انتخابات میں ووٹ دیا تو بہت سے اختیارات اپنے منتخب نمائندوں کو بھی تفویض کردیئے، عدالت اگر اس طرح ہر شخص کا اعتراض سننے لگے تو ملک کے 18کروڑ عوام عدالت آ جائیں گے۔
وزارت قانون کے وکیل خواجہ حارث نے عدالت کو بتایا کہ چیئرمین نیب کی تقرری سے متعلق قواعد میں ترمیم کی گئی تھیں۔ جس پر جسٹس دوست محمد نے سرکاری ملازم کی تقرری کے لئے قواعد میں ترمیم کے لئے اسٹیبلشمنٹ ڈویژن کی اجازت درکار ہوتی ہے، وہ کہاں ہے جس پر خواجہ حارث نے کہا کہ یہ معاملہ اسٹیبلشمنٹ ڈویژن کا نہیں، لاء ڈویژن سے متعلق ہے۔ چیئرمین نیب تقرری کیس کی مزید سماعت دو ہفتوں کے لئے ملتوی کر دی گئی ہے۔
متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.