صدرممنون حسین (کل) چارفریقی کانفرنس اورجشن نوروزمیں شرکت کے لیے افغانستان جائیں گے،صدرمملکت دورے کے موقع پر اپنے افغان وایرانی ہم منصب سے ملاقاتیں کریں گے،پرویز رشید ودیگر ہمراہ ہوں گے،ممنون حسین کو افغان صدرحامد کرزئی نے دورے کی دعوت دی تھی،کابل میں پاکستانی سفارتخانے کا بیان،صدرممنون حسین کا دورہ افغانستان کے ساتھ تمام شعبوں میں دوطرفہ تعلقات کو مستحکم کرنے کی کوششوں کا حصہ ہے، مقصدخطے میں پائیدارامن ،استحکام اورخوشحالی کی کوششوں میں مدددینا ہے،دفترخارجہ کا بیان
بدھ 26 مارچ 2014 21:52
کابل/اسلام آباد(اُردو پوائنٹ اخبار تازہ ترین۔26مارچ۔2014ء) صدرمملکت ممنون حسین دوروزہ سرکاری دورے پر کل(جمعرات کو)افغانستان کے دارلحکومت کابل پہنچیں گے،بدھ کو کابل میں پاکستانی سفارتخانے کی جانب سے جاری بیان میں کہاگیاکہ صدرمملکت ممنون حسین اپنے دوررہ افغانستان کے موقع پر پاکستان ،ایران،افغانستان اورتاجکستان پر مشتمل چارفریقی کانفرنس میں شرکت کریں گے،اپنے دورہ کے موقع پر صدرممنون حسین اپنے افغان ہم منصب سے بھی ملاقات کریں گے اس کے علاوہ وہ جشن نوروز میں بھی شرکت کریں گے، بیان میں کہاگیاکہ صدرمملکت ممنون حسین کے دورہ افغانستان سے ہمسایہ ملکوں کے درمیان دوطرفہ تعلقات مزید مضبوط ہوں گے ،صدرممنون حسین کے ہمراہ وفاقی وزیراطلاعات ونشریات وقومی ورثہ سینیٹر پرویز رشید اوردیگر اعلی حکا م بھی ہوں گے،صدرممنون حسین کو افغان صدرحامد کرزئی نے دورے کی دعوت دی تھی ،
دورہ افغانستان کے موقع پر صدرمملکت ممنون حسین ایرانی ہم منصب حسن روحانی سے بھی ملاقات کریں گے ،ملاقات میں علاقائی صورتحال پر غورکیاجائیگا،افغان صدرکرزئی نے نوروز کی تقریبات کے سلسلے میں سات ملکوں بشمول بھارت کے سربراہان مملکت کوبھی دورے کی دعوت دی تاہم بھارتی صدر پرناب مکھرجی نے تقریبات میں شرکت سے معذرت کا اظہار کیا اور اپنے نائب صدر حامد انصاری کو دورے کے لئے نامزد کیا ہے، تقریبات میں شرکت کے لئے 6 وسط ایشیائی ریاستوں کے رہنماؤں کو بھی دعوت دی گئی ہے حامد کرزئی بحیثیت صدر آخری مرتبہ نوروز تقریبات منا رہے ہیں،
اسلام آباد سے جاری پاکستانی دفترخارجہ کے بیان کے مطابق یہ صدرممنون حسین کا عہدہ سنبھالنے کے بعد افغانستان کا پہلا دورہ ہوگا،ان کایہ دورہ افغانستان کے ساتھ تمام شعبوں میں دوطرفہ تعلقات کو مستحکم کرنے کی کوششوں کا حصہ ہے اوراس کا مقصدخطے میں پائیدارامن ،استحکام اورخوشحالی کی کوششوں میں مدددینا ہے،بیان کے مطابق وسطی اورمغربی ایشیاء سمیت خطے کے دیگررہنماؤں کو بھی کابل آنے کی دعوت دی گئی ہے ،سائیڈ لائنز پر صدرممنون حسین دیگر ممالک سے آئے ہوئے رہنماؤں سے بھی ملاقاتیں کریں گے جن کے دوران امن ،سلامتی ،تجارت اورمعاشی تعاون کے حوالے سے دوطرفہ امور پر تبادلہ خیال کیاجائیگا۔
متعلقہ عنوان :
مزید اہم خبریں
-
حکومت کی پوری توجہ معاشی استحکام پر مرکوز ہے، ملک کے معاشی اشاریئے مثبت ہو رہے ہیں، وزیراعظم عوام کو ریلیف کی فراہمی کے لئے پرعزم ہے، وفاقی وزیر اطلاعات عطاءاللہ تارڑ کی بنگلہ دیشی صحافیوں کے وفد ..
-
ٹیلی کام آپریٹرز کی عالمی تنظیم ”جی ایس ایم اے“ کا ایف بی آر کی جانب سے صارفین کی سمیں بلاک کرنے کے فیصلے پر تشویش کا اظہار
-
امریکی سنٹرل کمانڈ کے کمانڈر کا افغانستان سے متصل پاکستانی علاقے کا دورہ
-
حکومت کی نان فائلرز کے خلاف نئی حکمت عملی، سمیں بند نہ ہوئیں تو اضافی ود ہولڈنگ ٹیکس لگایا جائیگا
-
وزیراعظم محمدشہبازشریف کا متحدہ عرب امارات کے شاہی خاندان کے رکن شیخ ھزاع بن سلطان بن زید آل نیہان کےانتقال پر اظہار تعزیت
-
گورنرسندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
بیرون ملک پاکستانیوں نے اپریل میں 2.8 ارب ڈالرز بھیجے
-
اسرائیلی حکومت غیر قانونی اقدامات کررہی ہے، منیر اکرم
-
چیئرمین سینیٹ سید یوسف رضا گیلانی و ڈپٹی چیئرمین سینیٹ سیدال خان کی گوادر کے علاقے میں معصوم مزدورں کے قتل پر اظہار افسو س
-
احسن اقبال کی نیشنل انرجی ایڈمنسٹریشن چین کے چیئرمین سے ملاقات، سی پیک سمیت مختلف امورپر تبادلہ خیال
-
سعودی اور پاکستانی کمپنیوں کے درمیان سرمایہ کاری کے معاہدے طے پاگئے،جام کمال
-
ایف آئی اے کی کارروائی، غیرقانونی پاسپورٹ بنانے میں ملوث افغان شہری سمیت 4 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.