سعودی عرب نے ڈیڑھ ارب ڈالر بطور تحفہ پاکستان کو دیئے ہیں ،رقم ملک میں انفراسٹرکچر کی تعمیر پر خرچ کی جائیگی ، سینیٹر محمد اسحاق ڈار ،اپریل میں پانچ سو ملین یورو کے بانڈ جاری کئے جائینگے، عالمی برادری (ن )لیگ کو نہیں پاکستان کو جانتی ہے ،موجودہ حکومت کی پالیسیوں کے باعث عالمی سرمایہ کاروں کا اعتماد پھر بحال ہوا ہے، وزیر خزانہ کا قومی اسمبلی میں پالیسی بیان
بدھ 26 مارچ 2014 14:41
اسلام آباد (اُردو پوائنٹ اخبار تازہ ترین۔26مارچ۔2014ء) وفاقی وزیر خزانہ سینیٹر محمد اسحاق ڈار نے کہا ہے کہ سعودی عرب نے ڈیڑھ ارب ڈالر بطور تحفہ پاکستان کو دیئے ہیں یہ رقم ملک میں انفراسٹرکچر کی تعمیر پر خرچ کی جائیگی ، اپریل میں پانچ سو ملین یورو کے بانڈ جاری کئے جائینگے، عالمی برادری مسلم لیگ ن کو نہیں پاکستان کو جانتی ہے موجودہ حکومت کی پالیسیوں کے باعث عالمی سرمایہ کاروں کا پھر اعتماد بحال ہوا ہے۔
بدھ کو قومی اسمبلی میں پالیسی بیان دیتے ہوئے وزیر خزانہ سینیٹر محمد اسحاق ڈار نے کہا کہ 26 ستمبر2008ء کو فرینڈز آف پاکستان گروپ قائم کیا گیا تھا جس نے چھ ارب ڈالر کے وعدے کئے تھے یہ وعدے انسداد دہشت گرد کیلئے تھے لیکن صرف 341 ملین ڈالر ہمیں ملے ہیں، امریکہ نے اس میں 195 ملین ڈالر دیئے ، احباب پاکستان گروپ نے متعدد شہروں میں اجلاس بھی کئے تھے، چھبیس ملکوں نے اپنے وعدے پورے نہیں کئے اور اپنی گرانٹ بھی اس مد میں ڈال دی ہے۔(جاری ہے)
نگران حکومت نے بھی غلط فیصلے کئے جس نے معیشت کو دباؤ میں ڈالا، انہوں نے تجویز دی کہ یہ حکومت جانے سے پہلے معیشت کی کلیئر بیلنس شیٹ دیکر جائے اور اس کیلئے آئین میں ترمیم کی جانی چاہئے، انہوں نے کہا کہ ہمیں اس سال بھی مجبورا ڈھائی سو ارب روپے سے زائد کی سبسڈی بجلی پر دینی پڑ رہی ہے، ہماری برآمدات میں اب تک چھ فیصد جبکہ ترسیلات زر میں گیارہ فیصد اضافہ ہوا ہے ، ورلڈ بینک سمیت دیگر عالمی مالیاتی اداروں نے ہم پر اعتماد کرنا شروع کردیا ہے اور ورلڈ بینک کا ڈیڑھ ارب ڈالر جو یکم مئی کو لیپس ہونے جارہا تھا ہم نے بچا لیا ہے، انہوں نے کہا کہ ہم اپریل میں پانچ سو ملین یورو کے بانڈ جاری کرینگے، وزیر خزانہ نے اپوزیشن سے درخواست کی کہ وہ حکومت کا ساتھ دے تاکہ ہم معیشت کو مضبوط کریں ، عالمی سرمایہ کاروں کا اعتماد پھر سے بحال ہوا ہے، عالمی برادری مسلم لیگ ن کو نہیں پاکستان کو دیکھتی ہے، ہم قرضے کی ادائیگی کیلئے مجبورا آئی ایم ایف کے پاس گئے ہم نے پیپلز پارٹی پر مبلہ ڈال کر آئی ایم ایف کو جواب نہیں دیا، انہوں نے کہا کہ وزیراعظم نواز شریف نے فیصلہ کیا ہے کہ کسی ملک سے امداد نہیں مانگنی، سعودی عرب نے ڈیڑھ ارب ڈالر بطور تحفہ دیا ہے، سعودی عرب خود احباب پاکستان گروپ کا رکن ہے، سعودی عرب نے ہم سے دوستی کا ثبوت دیا ہے، انہوں نے کہا کہ ہم کراچی، لاہور موٹروے بنائینگے جس پر 1800 ارب روپے کا خرچہ ہے، سعودی عرب کا تحفہ 151 ارب روپے بنتا ہے، اس تحفے کا سرکاری ریکارڈ موجود ہے اپوزیشن کو تحفے پر اعتراض نہیں کرنا چاہئے انہوں نے کہا کہ سعودی عرب نے خواہش ظاہر کی تھی کہ ان کا نام ظاہر نہ کیا جائے، انہوں نے کہا کہ اب اس معاملے پر تنقید کا سلسلہ بند ہونا چاہئے۔
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.