سنی لیون نے فلمی پنڈتوں کیلئے خطرے کی گھنٹی بجا دی

ممبئی (اُردو پوائنٹ تازہ ترین اخبار۔ 26مارچ 2014ء) بالی وڈ سنیما تھیٹرز میں گزشتہ ہفتے چار فلمیں ریلیز ہوگئیں لیکن فلم ”راگنی ایم ایم ایس ٹو“ میں اداکارہ سنی لیون نے فلمی پنڈتوں کیلئے خطرے کی گھنٹی بجا دی-ایکتا کپور کی فلم ”راگنی ایم ایم ایس ٹو“ جس کے چرچے کرتے لوگ نہیں تھکتے تھے گزشتہ ہفتے کے اختتام پر ریلیز ہوئی۔ زبان زد عام چرچوں کی سب سے بڑی وجہ فلم میں سنی لیون کی موجودگی ہے۔

اداکارہ سنی لیون کے گلیمرس فیس اور دلکش اداؤں سے بھی نوجوانوں کو رجھانے کی بھرپور کوشش کی ہے-راگنی ایم ایم ایس ٹو، گینگ آف گھوسٹس، انوکھی ادا اور لکشمی ۔ان چاروں فلموں میں سے سنی لیونی کی راگنی ایم ایم ایس ٹو نے سب کی توجہ حاصل کی ہوئی ہے جبکہ باقی تینوں فلموں کے بارے میں کہیں کوئی ہلچل دکھائی نہیں دیتی۔

(جاری ہے)

فلمی تجزیہ نگاروں کی رائے کو بنیاد بناکر یہ امید کی جا رہی ہے کہ ”راگنی ایم ایم ایس ٹو“ باقی تینوں فلموں کے مقابلے میں لوگوں کی بھیڑ کو سنیما ہالز تک راتوں رات کھینچ کر لانے اور شاید 100 کروڑ کا بزنس کرنے میں بھی کامیاب ہوجائے گی۔

”بالا جی ٹیلی فلمز“ کی ہیڈ ایکتا کپور اور سنی لیون سارا وقت بڑھ چڑھ کر اسے پروموٹ کرتی رہیں اور چونکہ اسی نام کا سیکوئل 2011 میں ہٹ ہوچکا ہے اس لئے دونوں کی کوشش یہ ہے کہ نئی فلم نہ صرف ہٹ ہو بلکہ اتنی ہٹ ہو کہ پہلی فلم کا ریکارڈ بھی ٹوٹ جائے۔فلم کی کامیابی کو کہیں بریک نہ لگے اس خیال سے ایکتا کپور نے خاص طور پر نوجوانوں کی توجہ حاصل کرنے کے لئے فلم کو ’مصالحے دار‘ بنایا ہے اور اس کے لئے انہوں نے یو یو ہنی سنگھ کا آئٹم نمبر ”چار بوتل واڈکا“ خوب سجا سنوار کر پیش کیا ہے۔

پنجابی ریپر کے ساتھ ساتھ انہوں نے اداکارہ سنی لیون کے گلیمرس فیس اور دلکش اداؤں سے بھی نوجوانوں کو رجھانے کی بھرپور کوشش کی ہے۔ہنی سنگھ کا آئٹم سانگ تو پہلے ہی شہرت کی بلندیوں کو چھونے لگا ہے اب دیکھنا یہ ہے کہ یہ گانا ایکتا کیلئے کیش کی صورت میں 100 کروڑ کا بزنس لانے میں کامیاب ہوتا ہے یا نہیں۔فلم کے ڈسٹری بیوٹر اکشے راٹھی کا کہنا ہے کہ ”اس ہفتے کی چاروں فلموں میں سے ایکتا کپور کی فلم سب پر حاوی لگتی ہے اور اس کی پہلی وجہ اچھا میوزک ہے جو ابھی سے ینگسٹرز کے دلوں پر چھا گیا ہے اور دوسری وجہ ہے سنی لیون۔

جنہیں دیکھنے کے لئے لوگوں پر جنون سوار ہے۔ ستیش کوشک کی ہارر کم کامیڈی مووی ”گینگ آف گھوسٹس“، رجت کپور کی ”انوکھی ادا“ اور ناگیش ککونور کی ”لکشمی“ لیکن پیشگوئی کرنے والے فلمی حلقے ان فلموں سے زیادہ پر امید نہیں۔