گراوٴنڈ میں پاکستانی پرچم لہراتے دیکھ کر بنگلہ دیشی حکومت پر سکتہ طاری، اپنے شہریوں پر گراوٴنڈ میں کسی بھی ملک کا پرچم لہرانے پر پابندی لگا دی ، آئی سی سی نے بنگلہ دیش کرکٹ بورڈ سے وضاحت مانگ لی ، کوئی ایسا قدم نہیں اُٹھائیں گے جو بنگلہ دیش کے قوانین سے متصادم ہو ، انٹرنیشنل کرکٹ کونسل
منگل 25 مارچ 2014 21:20
ڈھا کا (اُردو پوائنٹ اخبار تازہ ترین۔25مارچ۔2014ء) بنگلہ دیشی حکومت نے منگل کو اپنے شہریوں پر ورلڈ ٹی 20ٹورنامنٹ کے دوران گراوٴنڈ میں کسی بھی ملک کا پرچم لہرانے پر پابندی لگا دی ہے ، اطلاعات کے مطابق یہ پابندی ایشیاء کپ اور گزشتہ دنوں کھیلے گئے میچز میں پاکستانی پرچم لہرانے کے بعد لگائی گئی ، بنگلہ دیش کرکٹ بورڈ کے ترجمان نے اس سلسلے میں خبر رساں ادارے اے ایف پی سے گفتگو کرتے ہوئے کہا کہ مقامی شہریوں کی جانب سے غیر ملکی جھنڈے لہرانے کے بعد یہ حکم جاری کیا گیا ہے، انہوں نے کہا کہ انہیں اس سلسلے میں ہدایات دی گئی ہیں ۔
تاہم انہوں وضاحت نہیں کی کہ یہ ہدایات کہاں سے وصول ہوئیں۔انہوں نے کہا کہ گراوٴنڈ میں موجود سیکورٹی اہلکاروں کو سختی سے ہدایت کی گئی ہے کہ مقامی تماشائیوں کو کسی بھی دوسرے ملک کا جھنڈا گراوٴنڈ میں لے جانے سے روکا جائے اور دوران میچ بھی اس بات کو یقینی بنایا جائے کہ مقامی تماشائی کسی دوسرے ملک کا پرچم نہ لہرائیں۔(جاری ہے)
یاد رہے کہ یہ پابندی اس موقع پرلگائی گئی جب بنگلہ دیشی عوام 26مارچ کو اپنا44واں یوم آزادی منا نے کی تیاریاں کر رہی ہے ، بنگلہ دیش آزادی سے قبل پاکستان کا حصہ تھا اور اسے مشرقی پاکستان کہا جاتا تھا۔
دوسری جانب آئی سی سی نے اس پابندی کا نوٹس لے لیا ہے اور بنگلہ دیش کرکٹ بورڈ سے وضاحت طلب کی ہے ، آئی سی سی کے بیان کے مطابق کہ ابھی یہ نہیں پتہ چلا کہ بنگلہ دیش کرکٹ بورڈ کے بیان میں کس قانون کا ذکر ہے ، لیکن بی سی بی کا بیان ورلڈ ٹی 20کے انعقاد کیلئے معاہدے کے منافی ہے ، اس سلسلے میں قانونی معاملات پر آئی سی سی نے بنگلہ دیش کرکٹ بورڈ سے مزید وضاحت طلب کر لی ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.