صوبہ کے تمام پارکس کو مزید خوبصورت بنانے کے لئے غیرملکی ماہرین کی خدمات حاصل کی جارہی ہیں‘سیکرٹری جنگلات،پارکس کی تنظیم نو کے لئے بھی منصوبہ بندی کی جارہی ہے، پارک سے حاصل ہونے والی آمدنی اسی پر خرچ ہو گی‘ کیپٹن (ر) جاوید
اتوار 23 مارچ 2014 16:12
لاہور(اُردو پوائنٹ اخبار تازہ ترین۔23مارچ۔2014ء) صوبہ کے تمام بڑے پارکس کو مزید خوبصورت بنانے اور ان میں جدید سہولیات فراہم کرنے کے لئے غیرملکی ماہرین کی خدمات بھی حاصل کی جارہی ہیں جو ان پارکس کی لینڈ سکیپنگ کریں گے۔انہوں نے کہا کہ پارکس کی تنظیم نو کے لئے بھی منصوبہ بندی کی جارہی ہے اور ایسے منصوبے بنائے جارہے ہیں کہ پارکس سے حاصل ہونے والی آمدنی اسی پارک پر خرچ کی جائے اور مرحلہ وار سہولیات میں اضافہ کیا جاتا رہے-ان خیالات کا اظہار سیکرٹری جنگلات وماہی پروری کیپٹن(ر) جاوید اکبر نے یہاں ورلڈ فاریسٹ کے سلسلے میں منعقدہ ایک تقریب سے خطاب کرتے ہوئے کیا۔
صوبائی سیکرٹری نے کہا کہ محکمہ جنگلات کی ویب سائٹ کا اجراء کیا جارہا ہے۔ویب سائٹ سے نہ صرف شہری معلومات حاصل کر سکیں گے بلکہ جنگلات بارے تحقیق کرنے والے طلبا وطالبات اور محقق بھی اس سے بھرپور استفادہ کر سکیں گے۔(جاری ہے)
صوبائی سیکرٹری جنگلات نے کہا کہ جنگلات و پارکس کو جدید تقاضوں سے ہم آہنگ کرنے اور ہرممکن سہولیات فراہم کرنے کے لئے ملکی و ملٹی نیشنل کمپنیوں میں ” اون اے پلاٹ“منصوبے متعارف کرائے جارہے ہیں جس کے تحت یہ کمپنیاں الاٹ کردہ پلاٹ کی دیکھ بھال اور نگرانی کی ذمہ دار ہوں گی-انہوں نے کہا کہ ورلڈ فاریسٹ ڈے کے انعقاد کا مقصد لوگوں میں درختوں کی اہمیت و افادیت اور اس کے انسانی زندگی پر پڑنے والے مثبت اثرات بارے آگاہی فراہم کرنا ہے اور اس مقصد کے لئے صوبہ بھر کی تمام تحصیلوں ، اضلاع اور ڈویژن کی سطح پر تقاریب منعقد کی جارہی ہیں- انہوں نے کہا کہ جنگلات اور جنگلی حیات کی بہتری کے لئے کاروباری طبقہ ، عوام اور سول سوسائٹی کو اس نیک کام میں شامل کئے بغیر مطلوبہ نتائج حاصل نہیں کئے جاسکتے اس لئے ہم سب کو مل کر ہرممکن تعاون فراہم کرنے کی ضرورت ہے-
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.