یوم پاکستان،گورنرہاؤس پشاورمیں تقریب کاانعقاد،صوبے کی نو شخصیات کو ان کی اپنے متعلقہ شعبوں میں مثالی خدمات کے اعتراف میں تمغہ امتیاز سے نوازاگیا
اتوار 23 مارچ 2014 16:10
پشاور(رحمت اللہ شباب.اُردو پوائنٹ اخبار تازہ ترین۔23مارچ۔2014ء) صدراسلامی جمہوریہ پاکستان ممنون حسین کی جانب سے گورنر خیبرپختونخوا انجینئرشوکت اللہ نے صوبے کی نو شخصیات کو ان کی اپنے متعلقہ شعبوں میں مثالی خدمات کے اعتراف میں یوم پاکستان23 مارچ کو گورنر ہاوس پشاور میں منعقدہ تقریب میں تمغہ امتیاز سے عطا کیا۔ تقریب میں صوبائی کابینہ کے بعض اراکین صوبے اور فاٹا سے تعلق رکھنے والے بعض اراکین پارلیمنٹ ،اعلی سرکاری حکام اور اعزازات وصول کرنے والی شخصیات کی عزیزواقارب نے شرکت کی۔
پروفیسر ڈاکٹرامین بادشاہ اورپروفیسر ڈاکٹرجاسمین شاہ کو سائنس اورکیمیا کے شعبے میں ان کی گرانقدر خدمات کے صلے میں تمغہ امتیاز عطا کیاگیا جبکہ پروفیسر ڈاکٹرظہوراحمد سواتی نے زراعت اورنباتات کے شعبے میں اپنی غیرمعمولی تحقیقی خدمات کے اعتراف میں تمغہ امتیاز حاصل کیا۔(جاری ہے)
اسطرح ڈاکٹرشریف اللہ نے کمپیوٹر سائنس کے شعبے میں غیرمعمولی تحقیقی خدمات کے اعتراف میں تمغہ امتیاز حاصل کیا جبکہ جناب اختر نعیم خان نے درس وتدریس کے شعبے میں اپنی مثالی خدمات کے اعتراف میں تمغہ امتیاز حاصل کیا۔
موسیقی کے شعبے میں غیرمعمولی خدمات کے اعتراف میں تمغہ امتیاز نذیر گل کو دیاگیا جبکہ ادب کے میدان میں پروفیسر ڈاکٹر نذیراحمد تبسم نے اپنی گرانقدر خدمات کے صلے میں تمغہ امتیاز حاصل کیا۔ مزیدبرآں خدمات کے شعبے میں ڈاکٹربخت جمال اورڈاکٹر محمدنعیم کو سوات اورشانگلہ میں مشکل ترین حالات میں بے لوث اورجرائتمندانہ انہ انداز سے خدمات سرانجام دینے پر تمغہ امتیاز عطا کیاگیا۔بعدازاں گورنر تقریب کے شرکاء کے ساتھ گھل مل گئے اوراعزازات حاصل کرنے والی شخصیات کو مبارکباد دی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.