انتخابات میں دھاندلی نہ ہوتی تو ملک میں تحریک انصاف کی حکومت ہوتی ،پنکچر لگا لگا کر ملک میں حکومت بنائی گئی، عمران خان ، آنیوالا دور تحریک انصاف کا ہے،نوجوان پاکستان اور تحریک انصاف کا مستقبل ہیں، جب تک انسان اپنی زندگی کی صحیح سمت متعین نہ کرلے وہ بڑا انسان نہیں بن سکتا، کنونشن سے خطاب
جمعرات 20 مارچ 2014 22:15
پشاور(اُردو پوائنٹ اخبار تازہ ترین۔20مارچ۔2014ء) تحریک انصاف کے چیئرمین عمران خان نے کہا ہے کہ عام انتخابات میں دھاندلی نہ ہوتی تو ملک میں تحریک انصاف کی حکومت ہوتی۔انتخابات میں پنکچر لگا لگا کر حکومت حاصل کی گئی ،آنیوالا دور تحریک انصاف کا ہے ،نوجوان پاکستان اور تحریک انصاف کا مستقبل ہیں۔ان خیالات کا اظہار انھوں نے نشتر ہال میں منعقد انصاف سٹوڈنٹس فیڈریشن پشاور کے کنونشن سے ویڈیو لنک کے ذریعے خطاب کرتے ہوئے کیا۔
اس موقع پر آئی ایس ایف کے صوبائی صدرسہیل آفریدی،مرکزی رہنما مینا خان آفریدی،حسین اخونزادہ ،ضلع پشاور کے صدر بلال آفریدی ،ایم این اے ساجد نواز خان،ایم پی ایز اشتیاق ارمڑ،فضل الہیٰ،عارف احمد زئی ،تحریک انصاف کے صوبائی جنرل سیکرٹری خالد مسعود سمیت طلباء کی بڑی تعداد ہال میں موجود تھی ۔(جاری ہے)
تحریک انصاف کے چیئرمین عمران خان نے ویڈیو لنک کے ذریعے خطاب کرتے ہوئے کہا کہ طلباء پاکستان اور تحریک انصاف کا مستقبل ہیں۔
انھوں نے کہا کہ جب تک انسان اپنی زندگی کی صحیح سمت متعین نہ کرلے وہ بڑا انسان نہیں بن سکتا۔بڑا انسان زیادہ پیسے والا نہیں بلکہ وہ ہوتا ہے جو اپنی ًمیں ً اور خوف سے باہر آ جائے۔انھوں نے کہا کہ بت پرستی کا صرف یہ مطلب نہیں کہ مورتی کی پوجا کی جائے بلکہ بت پرستی ہروہ چیز ہے جو انسانوں کو حق اور سچ کی راہ پر چلنے سے روکے۔بڑا انسان بننے کیلئے ضروری ہے کہ انسان اپنی میں اور خوف سے باہر نکلے۔ان کا کہنا تھا کہ انسان انسانیت سے انسان بنتا ہے کسی اور چیز سے نہیں۔عمران خان نے کہا کہ عام انتخابات میں کھلے عام دھاندلی ہوئی ،عدلیہ اور میڈیا آزاد تھے لیکن الیکشن کمیشن آزاد اور خود مختار نہیں تھا۔انتخابات میں پنچر لگا لگاکر حکومت حاصل کی گئی ۔انھوں نے کہا کہ آئندہ دھاندلی نہیں ہونے دینگے،اگلا دور تحریک انصاف کا ہی ہو گا۔کنونشن کے موقع پر ہال طلباء سے کھچا کھچ بھرا رہا اور تل دھرنے کو جگہ نہ تھی۔اس دوران تحریک انصاف کے نغموں،ملی نغموں کے علاوہ گلوکاروں نے بھی اپنے فن کا مظاہرہ کیا۔طلباء نے اس موقع پرزبردست نعرے بازی بھی کی۔جب پارٹی چیئرمین عمران خان ویڈیو لنک پر نمودار ہوئے تو طلباء نے زبردست نعرے بازی کر کے ان کا استقبال کیا۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.