جبری گمشدگیوں میں ملوث فوجی افسران کے خلاف ایف آئی آر درج کرائی جائے گی، اٹارنی جنرل
بدھ 19 مارچ 2014 17:20
اسلام آباد(اُردو پوائنٹ تازہ ترین اخبار۔ 19مارچ 2014ء) اٹارنی جنرل آف پاکستان ایڈووکیٹ سلمان بٹ نے سپریم کورٹ کو یقین دہانی کرائی ہے کہ جبری گمشدگیوں میں ملوث فوجی افسران کے خلاف وفاق کی مدعیت میں ایف آئی آر درج کرائی جائے گی ۔جسٹس جواد ایس خواجہ کی سربراہی میں سپریم کورٹ کے 3 رکنی بینچ نے مالاکنڈ لاپتہ افراد کیس کی سماعت کی، سماعت کے آغاز پر اٹارنی جنرل نے عدالت کو بتایا کہ ایڈیشنل سیکریٹری دفاع عارف نذیر کمرہ عدالت میں موجود ہیں جو اب تک ہونے والی پیش رفت سے آگاہ کریں گے جس پر جسٹس جواد ایس خواجہ نے کہا کہ ہمیں وزارت دفاع کو سننے کی ضرورت نہیں، جس پر اٹارنی جنرل نے کہا کہ عدالتی حکم پر علمدرآمد کے لئے اقدامات کئے جارہے ہیں،لاپتہ افراد کو پیش کرنے کی ذمہ داری صوبائی حکومتوں کی ہے، وفاق نے اس سلسلے میں ایڈیشنل سیکریٹری دفاع کو وضاحت کے لئے بھیجا ہے، جواب میں جسٹس جواد ایس خواجہ نے اپنے ریمارکس میں کہا کہ آج 35 ویں سماعت ہے مگر کوئی پیش رفت نہیں ہوئی، آئین میں موجود بنیادی حقوق سے متعلق قانون کی اہمیت ہے یا نہیں۔
(جاری ہے)
وقفے کے بعد اٹارنی جنرل نے عدالت کو بتایا کہ 10 دسمبر کے حکم پر بہت پہلے عمل درآمد ہو جانا چاہئے تھا، جبری گمشدگی میں ملوث فوجی افسران کے خلاف وفاق کی مدعیت میں آج ہی ایف آئی آر درج کرادی جائے گی، جس پر جسٹس جواد ایس خواجہ نے ریمارکس میں کہا کہ قانون بنانا پارلیمنٹ کا کام ہے حکومت شہریوں کے بنیادی حقوق کے تحفظ کی ضامن ہے، یہ اہم پیش رفت ہےاب ملک میں آئین اور قانون چلے گا اور آئین سے اوپر کوئی بھی نہیں ہوگا، کیس کی سماعت کل پھر ہوگی۔
مزید اہم خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.