اسلام امن، اخوت اور محبت کا مذہب ہے،سانحہ لاڑکانہ کے بعد اقلیتوں کی عبادتگاہ پر حملہ قابل مذمت ہے، شرجیل میمن،پولیس نے بے حرمتی کرنیوالے شخص کو گرفتار کرلیا ہے ،قانون کے مطابق سخت کارروائی عمل میں لائی جائیگی،وزیر اطلاعات سندھ
اتوار 16 مارچ 2014 22:10
کراچی (اُردو پوائنٹ اخبار تازہ ترین۔16مارچ۔2014ء) سندھ کے وزیر اطلاعات و بلدیات شرجیل انعام میمن نے کہا ہے کہ اسلام امن، اخوت اور محبت کا مذہب ہے۔لاڑکانہ سانحہ کے بعد اقلیتوں کی عبادت گاہ پر حملہ قابل مذمت ہے۔ لاڑکانہ پولیس نے بے حرمتی کرنے والے شخص کو گرفتار کرلیا ہے اور اس کے خلاف قانون کے مطابق سخت کارروائی عمل میں لائی جائے گی۔ اتوار کو جاری اپنے ایک بیان میں شرجیل انعام میمن نے کہا کہ لاڑکانہ سانحہ کی آڑ میں اقلیتوں اور مسلمانوں کو آپس میں لڑانے کی کسی بھی سازش کو کامیاب نہیں ہونے دیا جائے گا۔
انہوں نے کہا کہ لاڑکانہ پولیس کی جانب سے بے حرمتی کے مرتکب شخص کو گرفتار کرلیا گیا ہے تاہم اس کے باوجود اقلیتوں کی عبادت گاہ پر حملہ قابل مذمت ہے۔ انہوں نے کہا کہ گرفتار شخص کو قانون کے مطابق سخت سے سخت سزا دی جائے گی۔(جاری ہے)
شرجیل انعام میمن نے کہا کہ سندھ حکومت اقلیتوں کی عبادت گاہوں کی مکمل حفاظت کرے گی اور جو بھی نقصان ہوا ہے اس کا ازالہ بھی کیا جائے گا۔
انہوں نے کہا کہ توڑے گئے مندر کی ازسر نو تعمیر سندھ حکومت اپنے پیسوں سے کرے گی۔ انہوں نے کہا کہ اسلام امن ، محبت اور بھائی چارگی کا درس دیتا ہے۔ اور اسلام میں شرپسندی کی کسی صورت اجازت نہیں ہے۔ اپنے بیان میں شرجیل انعام میمن نے لاڑکانہ کے عوام سے اپیل کی ہے کہ وہ صبر کا دامن ہاتھ سے نہ چھوڑیں اور کسی قسم کی اقلیتوں اور مسلمانوں کو لڑانے والی سازش کو کامیاب نہ ہونے دیں۔ انہوں نے کہا کہ پاکستان کے آئین میں اقلیتوں کو تمام تر حقوق مساوی طور پر دئیے گئے ہیں اور اگر کسی نے بے حرمتی کی ہے تو اس کو قانون کے مطابق سخت سے سخت سزا دی جائے گی۔متعلقہ عنوان :
مزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.