آئی سی سی ٹی 20 ورلڈکپ، باقاعدہ افتتاحی تقریب کے بجائے کنسرٹ ہوگا
بدھ 12 مارچ 2014 12:48
ڈھاکا(اُردو پوائنٹ تازہ ترین اخبار۔ 12مارچ 2014ء) بنگلہ دیش نے ورلڈ ٹی 20 کے رنگارنگ آغاز کا پروگرام بنالیا، باقاعدہ افتتاحی تقریب کے بجائے کنسرٹ منعقد کیا جائے گا، بھارت سے اے آر رحمان کو خاص طور پر مدعو کیا جارہا ہے، میزبان شہروں کو بھرپور سجا دیا گیا۔تفصیلات کے مطابق ورلڈ ٹوئنٹی 20 کی دیگر اسپورٹس ایونٹس کی طرح رنگ و نور میں افتتاح کی روایت نہیں ہے،البتہ میزبان ملک بنگلہ دیش نے اس ایونٹ کو بھی رنگ و نور کا تڑکا لگانے کا بندوبست کرلیا۔
13 مارچ کو بنگہ بندھو اسٹیڈیم میں ایک شاندار کنسرٹ کا اہتمام کیا جائے گا جس میں اے آر رحمان، ایکون اور دیگر مقامی فنکار شریک ہوں گے، اس بارے میں بنگلہ دیشی بورڈ کے ڈائریکٹر محبوب انعام کا کہنا ہے کہ ایونٹ کی کوئی باقاعدہ افتتاحی تقریب تونہیں ہوں گی مگر کنسرٹ منعقد کررہے ہیں جس پر 3 ملین ڈالر کا خرچ ہوگا، ہم سمجھتے ہیں کہ یہ پروگرام ایونٹ کو چار چاند لگا دے گا۔(جاری ہے)
محبوب انعام کا کہنا ہے کہ ہم نے 2004 میں انڈر 19 ورلڈ کپ اور 2011 میں ورلڈ کپ کیلیے بھی اسٹیڈیم تیار کیے تھے،اس بار8 گرائونڈز تیار کیے جن پر 40 ملین ڈالر کی لاگت آئی ہے، اس میں حکومتی گرانٹ 20 سے 30 ملین ڈالر رہی ہے۔
حکومت کی جانب سے سڑکوں کی کشادگی اور مرمت وغیرہ بھی کی گئی، رپورٹ کے مطابق اس ایونٹ پر حکومتی خزانے سے اب تک 60 سے 70 ملین ڈالر خرچ ہوچکے ہیں۔ ایشیا کپ کے دوران شائقین نے ٹکٹیں مہنگی ہونے کی شکایت کی تھی تاہم محبوب انعام کا کہنا ہے کہ یہ آئی سی سی کا ایونٹ اور اس کے کئی بڑے میچز کی ٹکٹیں پہلے ہی فروخت ہوچکی ہیں،کونسل اسٹیڈیم بھرے ہوئے دیکھنا چاہتی اس لیے وہ ٹکٹ کے نرخ کم رکھتی ہے، اس ایونٹ کا کم سے کم ٹکٹ 50 ٹکا اور زیادہ سے زیادہ 2 ہزار ٹکا ہے۔متعلقہ عنوان :
مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.