طالبان آئین پاکستان کو نہیں مانتے حکومت جو بھی مذاکرات کرے آئین اور قانون کی پاسداری کرتے ہوئے کرے‘ میاں منظور وٹو ،پابندیوں کے باوجود اگر ایران سے ایک ہزار میگا واٹ بجلی خریدی جا سکتی ہے تو گیس پائپ لائن منصوبے کو سرد خانے میں ڈالنا ناقابل فہم ہے،پیپلز پارٹی نے کبھی قدرتی آفات پر سیاست نہیں کی،ہمیشہ انسانیت کی خدمت کیلئے ہمہ وقت کوشش کی ہے‘ صدر پیپلز پارٹی پنجاب کی پریس کانفرنس
منگل 11 مارچ 2014 19:59
لاہور (اُردو پوائنٹ اخبار تازہ ترین۔11مارچ۔2014ء) پاکستان پیپلز پارٹی پنجاب کے صدر میاں منظور احمد وٹو نے کہا ہے کہ بلاول بھٹو زرداری اور وزیراعلیٰ سندھ نے سانحہ تھرپارکر کا نوٹس لیتے ہوئے تین افسران کو معطل کیا ،سندھ انتظامیہ متاثرین کی مدد کے لئے ہمہ وقت کوشش کریں، موجودہ حکومت پیپلز پارٹی کے شروع کئے ہوئے 850 ارب کے منصوبے التواء میں ڈال کر ملک و قوم کو نقصان پہنچانے کی کوشش کر رہی ہے، پابندیوں کے باوجود اگر ایران سے ایک ہزار میگا واٹ بجلی خریدی جا سکتی ہے تو گیس پائپ لائن منصوبے کو سرد خانے میں ڈالنا ناقابل فہم ہے۔
ان خیالات کا اظہار انہوں نے پیپلز سیکرٹریٹ پنجاب میں پریس کانفرنس کے دوران کیا ۔اس موقع پر تنویر اشرف کائرہ، راجہ عامر خان، عابد حسین صدیقی، غلام محی الدین دیوان، منظور احمد مانیکا،اکرم شہیدی اور مانی پہلوان بھی موجود تھے۔(جاری ہے)
میاں منظور احمد وٹو نے کہا کہ پیپلز پارٹی نے کبھی سانحہ اسلام آباد یا پنجاب میں ڈینگی جیسے انسانی المیے یا قدرتی آفات پر سیاست نہیں کی۔
پیپلز پارٹی نے ہمیشہ انسانیت کی خدمت کے لئے ہمہ وقت کوشش کی ہے۔ ایک سوال کے جواب میں انہوں نے کہا کہ طالبان آئین پاکستان کو نہیں مانتے حکومت جو بھی مذاکرات کرے آئین اور قانون کی پاسداری کرتے ہوئے کرے۔انہوں نے مزید کہا کہ پیپلزپارٹی کے دور میں شروع کئے ہوئے 850 ارب روپے کے منصوبے جن میں مکران کوسٹل وے، چشمہ پاور پلانٹ اور دیگر شامل ہیں انہیں موجودہ حکومت التواء میں ڈال رہی ہے جس سے ملک و قوم کو نقصان ہو گا۔ گیس پائپ لائن منصوبے کے متعلق سوال کے جواب میں انہوں نے کہا کہ یہ معاہدہ سابق صدر آصف علی زرداری کا بہترین منصوبہ تھا انہوں نے بڑی جرات اور بہادری کا مظاہرہ کرتے ہوئے اس معاہدے پر دستخط کئے تھے ملک و قوم کی فلاح کے لئے کیے گئے اس منصوبے کو پیپلز پارٹی سرد خانے میں نہیں ڈالنے دے گی اگر اس معاہدے کو پس پشت ڈالا گیا تو پوری قوم سراپا احتجاج بن کر سڑکوں پر ہو گی۔ انہوں نے کہا کہ اگر پابندیوں کے باوجود ایران سے ایک ہزار میگا واٹ بجلی خریدی جا سکتی ہے تو معیشت کا پہیہ چلانے کے لئے اس منصوبے کو مکمل کرنے میں کیا آڑ ہے۔ دریں اثنا اس موقع پر شیخوپورہ، شرقپور اور مریدکے سے مسلم لیگ (ن) اور تحریک انصاف کے عہدیداران اور ٹکٹ ہولڈرز نے پیپلز پارٹی میں شمولیت کا اعلان کیا ۔ اس موقع پر میاں منظور احمدوٹونے کہا کہ پیپلزپارٹی پنجاب میں بھرپور قوت بن کر ابھر رہی ہے ابھی پچھلے دنوں تاندلیانوالہ سے مسلم لیگ ن کے سابق ایم پی اے شمشیر خان وٹو نے اپنے ہزاروں ساتھیوں کے ہمراہ پیپلز پارٹی میں شمولیت کا اعلان کیا تھا اور آج شیخوپورہ، شرقپور اور مرید کے سے جن ساتھیوں نے شمولیت کا اعلان کیا ہے وہ ان علاقوں کی معتبر، مقتدر اور باوقار شخصیت کے حامل ہیں ان کی شمولیت سے ان علاقوں میں پیپلز پارٹی مزید مضبوط ہو گی مزید برآں ان کی زیر صدارت سیالکوٹ کی تنظیمی صورتحال کا جائزہ لیا گیا جس میں گوجرانوالہ کے اعجاز سماں نے شرکت کی اس موقع پر میاں منظور احمد وٹو نے کہا کہ پیپلز پارٹی کا ہر عہدیدار اپنے اپنے گھر پر پیپلز پارٹی کا جھنڈا نصب کرے۔مزید اہم خبریں
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.