خصوصی تحقیقاتی کمیٹی نے پارلیمنٹ لاجز میں شراب اور لڑکیاں لانے کے الزامات سے متعلق شواہد کو ناکافی قرار دیدیا ، جمشید دستی کی ویڈیو میں نظرآنے والے 2 سے 3 افراد میں سے کوئی بھی رکن اسمبلی نہیں ، کمیٹی کا موقف ، آئندہ ایسی صورتحال سے بچنے کیلئے سفارشات مرتب کی جائیں ،کمیٹی کا فیصلہ
منگل 11 مارچ 2014 18:34
اسلام آباد(اُردو پوائنٹ اخبار تازہ ترین۔11مارچ۔2014ء) خصوصی تحقیقاتی کمیٹی نے پارلیمنٹ لاجز میں شراب، چرس اور لڑکیاں لانے کے الزامات سے متعلق جمشید دستی کے شواہد کو ناکافی قرار دیدیا۔منگل کو شیخ روحیل اصغر کی صدارت میں پارلیمنٹ لاجز میں شراب مجرے کی محفلوں سے متعلق جمشید دستی کے الزامات کی تحقیقات کے لیے قائم سات رکنی خصوصی پارلیمانی کمیٹی کا اجلاس پارلیمنٹ ہاؤس میں ہوااجلاس میں پارلیمنٹ لاجز اور سی ڈی اے حکام بھی شریک ہوئے جس کے دوران جمشید دستی کے فراہم کردہ شواہد کا جائزہ لیا گیا۔
خصوصی کمیٹی کو تحقیقات کے دوران پارلیمنٹ لاجز میں آمدورفت کے ریکارڈ سے جمشید دستی کی جانب سے عائد کئے جانے والے سنگین الزامات کی تصدیق نہیں ہوسکی جبکہ کمیٹی آزاد رکن قومی اسمبلی جمشید دستی کی جانب سے فراہم کی گئی ویڈیو سے بھی کسی نتیجے پر نہیں پہنچ سکی۔(جاری ہے)
تحقیقاتی کمیٹی کے مطابق جمشید دستی کی ویڈیو میں نظرآنے والے 2 سے 3 افراد میں سے کوئی بھی رکن اسمبلی نہیں جبکہ یہ بھی واضح نہیں کہ ویڈیو میں نظر آنے والا کمرہ کون ساہے، خصوصی کمیٹی نے فیصلہ کیا کہ آئندہ ایسی صورتحال سے بچنے کیلئے سفارشات مرتب کی جائیں۔
کمیٹی نے کہاکہ صرف شراب کی بوتلیں دکھانا مصدقہ شواہد نہیں کیوں کہ پارلیمنٹ میں غیر مسلم اراکین بھی رہتے ہیں جن کے پاس شراب کا لائسنس موجود ہوتا ہے رکن کمیٹی خواجہ سہیل منصور نے کہا کہ ایسے الزامات سامنے آنا سی ڈی اے کی نااہلی ہے جس پر چیئرمین سی ڈی اے سے استعفٰی لے لینا چاہیے چیئرمین کمیٹی شیخ روحیل اصغر نے کہا کہ سی ڈی اے عملے کا کام صرف صفائی اور مرمت تک محدود ہے۔ کمیٹی کو جمشید دستی کے علاوہ لاجز کے کسی رہائشی کی جانب سے تحریری شکایت موصول نہیں ہوئی۔ اجلاس کے بعد میڈیا سے گفتگو کرتے ہوئے چیئرمین کمیٹی شیخ روحیل اصغر نے کہا کہ چوبیس مارچ کو دوبارہ اجلاس ہو گا ہم پارلیمنٹ لاجز میں سیکورٹی خدشات کا جائزہ لے رہیں۔ اب تک شواہد سے کوئی نتیجہ برآمد نہیں ہوا۔ ٹھوس ثبوت ملنے تک کسی پر الزام نہیں لگایا جا سکتا۔ روحیل اصغر نے کہا کہ پارلیمنٹ لاجز کے الزامات سے متعلق کسی رہائشی نے کوئی بیان نہیں دیا ۔واضح رہے کہ رکن قومی اسمبلی جمشید دستی نے الزام عائد کیا تھا کہ پارلیمنٹ لاجز میں اراکین اسمبلی کی جانب سے چرس، شراب نوشی اور لڑکیوں کو بلوا کر مجرے کروائے جاتے ہیں جبکہ پارلیمنٹ لاجز میں ہونے والی تمام غیر اخلاقی حرکات کے ان کے پاس شواہد بھی موجود ہیں۔متعلقہ عنوان :
مزید اہم خبریں
-
روزمرہ کی زندگی میں جدوجہد کرتی افغان خواتین
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.