صورتحال اس قدر سنگین نہیں ہے، جیسا میڈیا میں پیش کی جارہی ہے ، خورشید شاہ
پیر 10 مارچ 2014 14:55
اسلام آباد(اُردو پوائنٹ تازہ ترین اخبار۔ 10مارچ 2014ء) پیپلزپارٹی نے سندھ کے ضلع تھرپارکر میں قحط اور خشک سالی کے مسئلے کو بڑھا چڑھا کر پیش کرنے کے حوالے سے میڈیا کو موردِ الزام ٹھہراتے ہوئے کہا ہے کہ یہ اس خطے کیلئے کوئی غیرمعمولی مسئلہ نہیں ۔ایک انٹروی میں قومی اسمبلی میں قائد حزبِ اختلاف خورشید شاہ نے ایسے ہی خیالات کا اظہار کرتے ہوئے کہا کہ صورتحال اس قدر سنگین نہیں ہے، جیسا کہ میڈیا میں پیش کی جارہی ہے۔
انہوں نے کہا کہ مالی مشکلات کی وجہ سے متاثرہ علاقے کے لوگوں میں گندم اب تک تقسیم نہیں کی جاسکی ہے انہوں نے کہا کہ علاقے میں سندھ کے وزیر اعلیٰ قائم علی شاہ کے دو وزٹ کے بعد اب صورتحال کنٹرول میں ہے۔انہوں نے کہا کہ گندم کے ذخائر موجود تھے چونکہ محکمہ خوراک کی جانب سے اس مقصد کے لیے رقم جاری نہیں کی گئی تھی اس لیے اس کو تقسیم نہیں کیا جاسکا۔(جاری ہے)
انہوں نے کہا کہ سرکاری غفلت کی وجہ سے ایک بھی موت قابلِ قبول نہیں ہوگی۔
نجی ٹی وی سے بات چیت کرتے ہوئے پیپلز پارٹی کے رہنما فقیر محمد شاہ نے اپنے انتخابی حلقے میں بڑی تعداد میں اموات کی اطلاعات کو ایک معمول کا معاملہ قرار دیتے ہوئے پچھلے تین سالوں کے اعدادوشمار پیش کیے اور کہا کہ پانچ سال سے کم عمر کے 469 بچوں کی اب تک اموات ہوچکی ہیں، جن میں سے 140 ،2010ء 195 ،2011ء میں اور 2012ء کے دوران مختلف امراض اور اس علاقے میں طبّی سہولیات کی عدم دستیابی کی وجہ سے 134 کی اموات ہوئی تھیں۔انہوں نے کہا کہ دو مہینوں کی قلیل مدت کے دوران 48 بچوں کی اموات اس علاقے میں کوئی غیرمعمولی واقعہ نہیں ہے۔انہوں نے دعویٰ کیا کہ کسی کی بھی ہلاکت بھوک کی وجہ سے نہیں ہوئی اور زیادہ تر اموات امراض کے سبب ہوئی تھیں۔جب ان سے پوچھا گیا کہ انہوں نے پچھلے ہفتے جاری قومی اسمبلی کے اجلاس کے دوران اس مسئلے کو کیوں نہیں اٹھایا تھا تو رکن قومی اسمبلی فقیر محمد شاہ نے کہا کہ جب وہ اجلاس میں شرکت کیلئے اسلام آباد روانہ ہوئے تھے تو ان کے حلقہ انتخاب میں صورتحال کنٹرول میں تھی۔میڈیا کی ان رپورٹوں کی جانب جب ان کی توجہ مبذول کروائی گئی کہ تھر پچھلے کئی ہفتوں سے قحط جیسی صورتحال کا سامنا کررہا تھا تو انہوں نے مکمل لاعلمی کا اظہار کیا۔ انہوں نے کہا کہ میں نے ایسی رپورٹیں نہیں دیکھی ہیں۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.