پنجاب یوتھ فیسٹیول ، پاکستان نے دسو یں ساؤتھ ایشین باڈی بلڈنگ چمپئن شپ جیت لی،پاکستان نے 4 گولڈ، 8سلور ا ور 8کانسی کے تمغے جیتے، افغانستان نے 3اور نیپال نے 2 گولڈ میڈل جیتے ،مسٹر ساؤتھ ایشیا شوکت شہزاد اور جونیئر مسٹر ساؤتھ ایشیا کا ٹائٹل فہد نسیم بٹ نے جیتا
اتوار 9 مارچ 2014 20:21
لاہور(اُردو پوائنٹ اخبار تازہ ترین۔9مارچ۔2014ء) د سویں ساوتھ ایشین باڈی بلڈنگ چمپئن شپ 2014ء میزبان پاکستان نے 49 پوائنٹس کے ساتھ جیت لی ۔مسٹر ساؤتھ ایشیا شوکت شہزاد اور جونیئر مسٹر ساؤتھ ایشیا کا ٹائٹل فہد نسیم بٹ نے جیتا۔ پنجاب حکومت اور سپورٹس بورڈ پنجاب کے زیر اہتمام جاری پنجاب یوتھ فیسٹیول میں پاکستان باڈی بلڈنگ ایسوسی ایشن کے اشتراک سے ہونے والے دسویں ساوتھ ایشین باڈی بلڈنگ چمپئن شپ میں تین ممالک پاکستان، افغانستان اور نیپال کے 40 تن سازوں نے سینئرز کی 9 اور جونیئرز کی 2 کیٹگریز میں حصہ لیا۔
پاکستان نے مجموعی طور پر 49 پوائنٹس حاصل کر کے ساؤتھ ایشین باڈی بلڈنگ چمپئن شپ کی ٹرافی اپنے نام کی۔ افغانستان 31 پوائنٹس کے ساتھ دوسرے جبکہ نیپال 10 پوائنٹس کے ساتھ تیسرے نمبر پر رہا۔(جاری ہے)
چمپئن شپ کی سینئر کیٹگریز کے 55 کلو گرام وزن میں نیپال کے سوجان تامین نے پہلی، پاکستان کے غلام عباس نے دوسری اور پاکستان ہی کے محمد اویس نے تیسری پوزیشن حاصل کی۔
60 کلو گرام کلاس میں نیپال کے گیان نیرائن ماہرجان نے پہلی، پاکستان کے عابد محمود نے دوسری جبکہ پاکستان ہی کے مجاہد حسین نے تیسری پوزیشن حاصل کی۔ 65 کلو گرام کلاس میں افغانستان کے قربان نے پہلی، پاکستان کے محمد امتیاز نے دوسری،پاکستان ہی کے عبدالرازق نے تیسری پوزیشن حاصل کی۔ 70 کلو گرام میں پاکستان کے اویس سجاد نے پہلی، پاکستان کے امجد یاسین نے دوسری جبکہ افغانستان کے ہنر احمد نے تیسری پوزیشن حاصل کی۔ 75 کلو گرام کلاس میں پہلی تینوں پوزیشن پر پاکستان کا قبضہ رہا۔ بنارس خان پہلے، حافظ عمر دوسرے اور قیصر مرزا تیسرے نمبر پر رہے۔ 80 کلو گرام کلاس میں بھی پاکستان نے تینوں میڈل اپنے نام کیے۔ علی عمران پہلے، زاہد خان دوسرے اور محمد عظیم تیسرے نمبر پر رہے۔ 85 کلو گرام کلاس میں افغانستان کے نصرت انصاری پہلے، پاکستان کے مظہر اقبال دوسرے اور مدثر خالد تیسرے نمبر پر رہے۔ 90 کلو گرام میں افغانستان کے شکر الله پہلے، پاکستان کے محمد راشد دوسرے جبکہ پاکستان ہی کے ذیشان علی تیسرے نمبر پر رہے۔ 90 کلو گرام سے زائد وزن کیٹگری میں پاکستان کے شوکت شہزاد پہلے اور افغانستان کے احمد یاسین دوسرے جبکہ پاکستان کے اعجاز حیدر تیسرے نمبر پر رہے۔ پاکستان نے4 گولڈ، 8 سلور اور 8 کانسی کے میڈل جیتے جبکہ افغانستان نے تین گولڈ اور نیپال نے دو گولڈ میڈل جیتے۔ جونیئرز کی دو کیٹگریز کے 70 کلو گرام مقابلے میں افغانستان کے بریلائی نے جبکہ 70 کلو گرام سے زائد وزن کیٹگری میں پاکستان کے فہد نسیم بٹ نے ٹائٹل اپنے نام کیا۔ چیمپیئن شپ کی اختتامی تقریب کے مہمان خصوصی صوبائی وزیر کھیل رانا مشہود احمد، صوبائی وزیر میاں مجتبیٰ شجاع الرحمان اور ڈائریکٹر جنرل سپورٹس بورڈ پنجاب عثمان انور تھے جنہوں نے فاتح تن سازوں میں ٹرافیاں اور سرٹیفیکٹس تقسیم کیے۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.