گڈگورننس کے قیام کے لئے خلوص اور اپنے فرائض پوری دیانتداری سے ادا کریں،گورنر بلوچستان ، تعلیم کا فروغ موجودہ حکومت کی ترجیحات میں سرفہرست ہے،محمدخان اچکزئی
جمعہ 7 مارچ 2014 22:20
کوئٹہ(اُردو پوائنٹ اخبار تازہ ترین۔7مارچ۔2014ء) گورنر بلوچستان محمد خان اچکزئی سے جمعہ کے روز نیشنل انسٹی ٹیوٹ آف مینجمنٹ کراچی کے مڈکیریئر مینجمنٹ کورس کے شرکاء نے ملاقات کی۔ اس موقع پر بات چیت کرتے ہوئے گورنر نے سرکاری افسران پر زور دیا کہ وہ گڈگورننس کے قیام کے لئے خلوص سے کام کریں اور اپنے فرائض پوری دیانتداری سے ادا کریں۔ ان کا اولین مقصد لوگوں کی خدمت ہونا چاہیئے اور انہیں پیسہ کی بجائے نیک نامی کمانا چاہیئے۔
انہوں نے کہا کہ موجودہ صوبائی حکومت بھی اس مقصد کے لئے کام کررہی ہے اور یہ فیصلہ کیا گیا ہے کہ اب اراکین صوبائی اسمبلی کو فنڈز دینے کی بجائے انہیں اپنے اپنے علاقوں میں ترقیاتی منصوبوں کی نشاندہی کا اختیار دیا گیا ہے جن پر متعلقہ محکمہ کے ذریعے عملدرآمد ہوگا۔(جاری ہے)
انہوں نے کہا کہ اس طرح فنڈز کا ضیاع روکا جاسکے گا۔ انہوں نے کہا کہ تعلیم کا فروغ موجودہ حکومت کی ترجیحات میں سرفہرست ہے۔
انہوں نے کہا کہ وہ سمجھتے ہیں کہ تعلیم کا اصل مقصد کردار کی تعمیر ہے۔ انہوں نے کورس کے شرکاء کو بلوچستان کے بارے میں مختلف معلومات سے بھی آگاہ کیا۔ انہوں نے کہا کہ رقبہ کے لحاظ سے بلوچستان ملک کا سب سے بڑا صوبہ ہے تاہم یہاں کی آبادی کم اور بکھری ہوئی ہے جس کی وجہ سے ترقی کی راہ میں مشکلات حائل ہیں۔ انہوں نے کہا کہ صوبے کے بڑے مسائل میں بجلی اور پانی کی کمی شامل ہیں۔ اس موقع پر گورنر نے شرکاء کی جانب سے کئے گئے مختلف سوالات کے جوابات بھی دیئے۔مزید قومی خبریں
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.