تھر میں غذائی قلت نے درجنوں بچوں کی جان لے لی
جمعہ 7 مارچ 2014 13:14
تھرپارکر(اُردو پوائنٹ تازہ ترین اخبار۔ 7مارچ 2014ء) صحرائے تھر میں غذائی قلت نے درجنوں بچوں کی جان لے لی۔ سب کچھ پہلے سے پتہ ہونے کے باوجود کسی نے کچھ نہ کیا، ووٹ لینے والے تو نہ جاگے لیکن ووٹ دینے والے ابدی نیند سو گئے۔ بھوک اور افلاس کے مارے لوگ، اب کس کی جانب دیکھیں؟ان جگرگوشوں کی جدائی کی وجوہات دنوں یا ہفتوں میں پیدا نہیں ہوئی۔بلکہ برسوں سے اپنی زندگی کی بھیک مانگنے والوں کے لئے مسائل وہی پرانے رہے، حکومتیں بدلتی رہیں لیکن ان کے دل نہ بدلے۔نہ ماضی میں کچھ ہوا اورنہ ہی حال میں کچھ حال بدلا۔ چند ہی ماہ میں سیکڑوں بچے موت کے منہ میں جا پہنچے، وجہ بھوک، پیاس، خوراک کی قلت وقحط سالی، بیماراورکمزورحاملہ خواتین کے ہاں لاغربچوں کی پیدائش۔
(جاری ہے)
بیماری میں مبتلا بچوں کی اسپتال منتقلی ایک بڑا مسئلہ ہے، لمباسفر، راستے کی مشکلات اورطبی سہولتوں کا فقدان، غربت آسمان پر پہنچ گئی ہے اور قوت خرید پہنچ سے دور ہے، جبکہ حکومت اورمتعلقہ اداروں کی غفلت اورلاپرواہی ہلاکتوں کی سب سے بڑی وجہ بنی۔
گندم کی ڈھیروں بوریوں تلے بچوں کی چیخ وپکارکسی نے نہ سنی۔ سندھ فیسٹیول کے نام پر ثقافت کا جشن منانے اورکروڑوں روپے اڑانے والی سندھ حکومت کو بلکتے بچوں کی صدائیں نہ سنائی دیں اورنہ ہی ماوٴں کے آنسو ان تک پہنچے۔ منتخب نمائندوں کو اپنی چمچاتی گاڑیوں، ٹھنڈے گھروں اوردفتروں میں تھری عوام کی بھوک اورپیاس کا احساس تک نہ ہوا۔ گذشتہ روزوزیراعلیٰ سندھ کے دورے کے بعد تھری کے اسپتالوں میں صورتحال کچھ بہتر ضرور ہوئی ہے لیکن دوردراز کے گاوٴں اورگوٹھوں میں اب بھی کوئی پرسان حال نہیں۔ حکومتی ادارے کب جاگیں گے اورکیا کبھی اپنی ذمہ داری کا احساس کرینگے، تھری عوام کے اس سوال کا جواب کسی کے پاس نہیں۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.