کراچی میں 2 بینک ڈکیتیاں، ڈاکو 60 لاکھ روپے لوٹ کر باآسانی فرار

جمعہ 7 مارچ 2014 12:50

کراچی(اُردو پوائنٹ تازہ ترین اخبار۔ 7مارچ 2014ء) شہر کے 2 مختلف علاقوں میں نجی بینک میں ڈکیتیوں کے دوران ڈاکو 60 لاکھ روپے لوٹ کر باآسانی فرار ہوگئے۔

(جاری ہے)

کراچی کے ضلع وسطی کے علاقے پاپوش نگر میں 5 سے 6 مسلح ڈاکوؤں نے نجی بینک کی برانچ میں داخل ہو کر عملے اور سیکیورٹی گارڈز کو یرغمال بنانے کے بعد کاؤنٹر پر موجود 35 لاکھ روپے لوٹ لئے جب کہ دوسری جانب ضلع وسطی کے ہی علاقے جوہرآباد میں بھی نجی بینک سے ڈاکو اسلحے کے زور پر بینک عملے اور کھاتے داروں کو یرغمال بناکر 25 لاکھ روپے لوٹ کر با آسانی فرار ہوگئے جب کہ گارڈز کی جانب سے کوئی مزاحمت نہیں کی گئی۔

ایس ایس پی سینٹرل مقدس احمد کا کہناہے کہ شبہ ہے کہ دونوں وارداتوں میں ایک ہی گروہ ملوث ہے تاہم اس سلسلے میں تحقیقات جاری ہیں۔ پولیس نے دونوں بینکوں کے عملے کے بیانات اور شواہد اکٹھے کرنے کے بعد تحقیقات شروع کردی ہیں۔ واضح رہے کہ جنوری میں 4 اور فروری کے مہینے میں بھی 3 بینک ڈکیتیاں ہو چکی ہیں جب کہ رواں ماہ 3 بینک لوٹ لئے گئے تاہم پولیس ابھی تک کسی ایک بینک ڈکیتی کا بھی سراغ نہیں لگا سکی جو سندھ حکومت اور پولیس کی کارکردگی پر سوالیہ نشان ہے۔

Facebook Twitter Google + Share on Whatsapp

کراچی میں 2 بینک ڈکیتیاں، ڈاکو 60 لاکھ روپے لوٹ کر باآسانی فرار

متعلقہ عنوان :

مزید اہم خبریں