جلسہ کرنے کی اجازت نہ لینے پر اروند کجریوال گرفتارورہا،کارکنوں کے احتجاجی مظاہرے،اپنے قائد کی گرفتاری کے خلاف ،پارٹی رہنماؤں ،کارکنوں کے مظاہرے ، منتشرکرنے کے لیے پولیس کالاٹھی چارج،متعددزخمی ہوگئے،قانون کی خلاف ورزی پر پولیس نے گرفتارکیا،نریندرمودی… کارکن مایوس نہ ہوں انتخابات میں کامیاب کرائیں سب چوروں کو بھگادیں گے۔ اپ ڈیٹ
بدھ 5 مارچ 2014 20:05
گجرات(اُردو پوائنٹ اخبار تازہ ترین۔5مارچ۔2014ء) بھارتی ریاست گجرات کی پولیس نے جلسے کی اجازت نہ لینے پر ریاست نئی دہلی کے سابق وزیراعلی اور عام آدمی پارٹی کے سربراہ اروند کیجریوال کو گرفتار کر لیا تاہم بعد ازاں انہیں رہا کردیاگیا،اس موقع پر اروند کجریوال کی گرفتاری کے خلاف پارٹی اراکین اورکاکنوں نے احتجاجی مظاہرہ کیا،بھارتی ٹی وی کے مطابق بدھ کو نئی دہلی کے سابق وزیراعلی اروند کیجریوال بھارتی ریاست گجرات کے علاقے راگھون پور میں پہنچے تو عوام کی بڑی تعداد نے ان کے استقبال کے لئے موجود تھی جس پر پولیس نے انہیں گرفتار کر لیا، پولیس حکام کا کہنا تھا کہ سابق وزیراعلی کے پاس گجرات میں عوامی جلسہ کرنے کا کوئی اجازت موجود نہیں اس لئے انہیں گرفتار کیا گیا تاہم بعد انہیں رہا کر دیا گیا،اس موقع پر اروند کجریوال کی گرفتاری کے خلاف پارٹی اراکین اورکاکنوں نے احتجاجی مظاہرہ کیا،پولیس نے مظاہرین کو منتشرکرنے کے لیے آسو گیس اورواٹرکینن کا استعمال کیاجس کے نتیجے میں متعددمظاہرین زخمی بھی ہوئے جنہیں فوری طورپراسپتال منتقل کردیاگیا،رہائی کے بعد کارکنوں سے خطاب کرتے ہوئے اروند کجریوال نے کہاکہ کرپشن کے خلاف آوراز بلند کرنے پر تمام جماعتیں ان کے خلاف اکٹھی ہوگئی ہیں،انہوں نے کہاکہ کارکن مایوس نہ ہوں اوراپنی تمام تر صلاحیتیں بروئے کارلاتے ہوئے انتخابات میں عام آدمی پارٹی کو کامیا ب کرائیں پھر دیکھیں ملک سے کرپشن کا کیسے خاتمہ ہوتا ہے اورملک ترقی کی راہ پر گامزن ہوتاہے ،ان کا کہنا تھا کہ وہ اقتدارمیں آکر سب چوروں کو بھگادیں گے ،انہوں نے کہاکہ اقتدارمیں آکر بے روزگاری وغربت کا خاتمہ کریں گے ،انتہاپسند بھارتی ریاست گجرات کے وزیراعلی نریندرمودی نے کہاکہ کجریوال نے جلسہ کرنے کی اجازت نہیں لی تھی پولیس نے اس وجہ سے انہیں گرفتارکیاتاہم بعد میں انہیں رہاکردیاگیا،واضح رہے کہ اروند کیجریوال نے گزشتہ ماہ کرپشن کے خلاف نئی دہلی کی ریاستی اسمبلی میں پیش کئے جانے والے مسودے پر کانگریس اوربے جی پی کی جانب سے شدید مخالفت کے باعث صرف 49 دن بعد ہی وزارت اعلی کے عہدے سے استعفیٰ دیدیا تھا، ارودند کیجروال نے اپنی حکومت کانگریس کی حمایت سے قائم کی تھی۔
مزید اہم خبریں
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
نیپرا نے کےالیکٹرک سمیت ملک بھر کیلئے بجلی مہنگی کردی
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.