نوا زشریف کی چال ڈھال سے لگ رہاہے حکومت پانچ سال پورے نہیں کرے گی،چوہدری پرویز الہٰی،پرویز مشرف کو سزا دینے سے فوج کامورال گرے گا، چوہدری شجاعت نے جنرل اسلم بیگ کی پیسے لینے کی آفر ٹھکرادی،وقت آنے پر انتقامی سیاست والوں کو کٹہرے میں لائیں گے، عوام مہنگائی کی چکی تلے پس رہے ہیں،سابق وزیر اعلیٰ پنجاب کا نجی ٹی وی کو انٹرویو
جمعرات 27 فروری 2014 23:11
لاہور(اُردو پوائنٹ اخبار تازہ ترین۔26 فروری ۔2014ء) سابق وزیراعلیٰ پنجاب وسینئر رہنماء مسلم لیگ(ق)چوہدری پرویز الہٰی نے کہاہے کہ وزیراعظم نوا زشریف کی چال ڈھال سے لگ رہاہے کہ یہ حکومت پانچ سال پورے نہیں کرے گی،مسلم لیگ(ن)کے تینوں ادوار میں عوام کو مایوسی کے سواکچھ نہیں ملا،شہبازشریف کے دعوؤں کا عوام ان سے حساب لیں گے،حکومت مخلص ہے تو بی اے تک تعلیم مفت کرے،وقت آنے پر انتقامی سیاست والوں کو کٹہرے میں لائیں گے،آرمی چیف غدارنہیں ہوسکتا،پرویز مشرف کو سزا دینے سے فوج کامورال گرسکتاہے،نجی ٹی وی سے بات چیت کرتے ہوئے سابق وزیراعلیٰ پنجاب وسینئر رہنماء مسلم لیگ(ق)چوہدری پرویز الہیٰ نے کہاکہ وزیراعظم نواز شریف کی چال ڈھال سے پتہ چلتاہے کہ ان کی حکومت پانچ سال پورے نہیں کرپائے گی کیونکہ عوام ان کے طورطریقے دیکھ چکے ہیں اورعوام نہیں چاہتے کہ وہ مزید مشکلات کا شکارہوں،انہوں نے کہاکہ مسلم لیگ (ن)کے تینوں ادوارمیں عوام کو سوائے مایوسی کے کچھ نہیں ملا،پہلے دونوں ادوارمیں عوام مہنگائی کی چکی تلے پستے رہے اب بھی وہی حال ہے ان کی زندگی میں تبدیلیاں لانے والے اب اپنی کارکردگی کی وجہ سے چھپتے پھرتے ہیں،انہوں نے کہاکہ کسی بھی حکومت کے پہلے چھ سے آٹھ ماہ میں سب کچھ سامنے آجاتاہے ،چوہدری پرویز الہٰی نے کہاکہ انتخابات سے قبل شہباز شریف نے بجلی لوڈشیڈنگ کے خاتمے اوردیگر کئی دعوے کیئے تھے اب عوام ان سے دعوؤں کا حساب لے گی،انہوں نے کہاکہ پڑھا لکھا پنجاب مسلم لیگ(ق) کا بنیادی مشن تھا ،حکومت مخلص ہے تو بی اے تک تعلیم مفت کرے،سابق وزیراعلیٰ نے کہاکہ وقت آنے پر انتقامی سیاست والوں کو کٹہرے میں لائیں گے،انہوں نے کہاکہ آرمی چیف غدارنہیں ہوسکتا،پرویز مشرف کو سزا دینے سے فوج کامورال گرسکتاہے،انہوں نے کہاکہ اگر مقدمہ شروع کرنا ہے تو پھر 1999سے شروع کیاجائے،انہوں نے کہاکہ جنرل اسلم بیگ نے چوہدری شجاعت کو آفرکی تھی کہ باقی سیاسی جماعتوں نے بھی پیسے لیے ہیں آپ بھی لے لیں اورالیکشن لڑیں جواب میں چوہدری شجاعت نے آفر ٹھکرادی اورکہاکہ آپ ہمارے لیئے دعاکریں۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.