افواج پاکستان سے اظہار یکجہتی ،ایم کیو ایم کی قرارداد سندھ اسمبلی میں منظور

منگل 25 فروری 2014 14:20

کراچی(اُردو پوائنٹ تازہ ترین اخبار۔ 25فروری 2014ء) افواج پاکستان سے اظہار یکجہتی کیلئے ایم کیو ایم کی قرارداد سندھ اسمبلی میں منظور کر لی گئی۔قرارداد ایم کیوایم کے رکن فیصل سبزواری نے پیش کی۔

(جاری ہے)

قرار داد کے متن میں کہا گیا ہے کہ یہ ایوان طالبان کے خلاف فوراً کارروائی کا مطالبہ کرتا ہے،مساجد، امام بارگاہوں اورغیرمسلموں کی عبادگاہوں پرحملوں کی مذمت کرتے ہیں، طالبان دہشت گردوں سے سختی سے نمٹا جائے،طالبان اورپاکستان ایک ساتھ نہیں چل سکے۔

اس موقع پروزیراطلاعات سندھ شرجیل میمن کا کہنا تھا کہ طالبان انسان نہیں درندے ہیں،قوم اپنے دل سے طالبان کا خوف نکال دے،جلد ہی یہ درندے ختم ہوجائیں گے۔آپریشن ان سیاسی جماعتوں کیخلاف بھی ہوناچاہیے جودہشتگردی کرتی ہیں۔