پاکستان کرکٹ بورڈ الیون اور کامن ویلتھ الیون کے درمیان سیدپور کرکٹ گراؤنڈ میں نمائشی میچ کا انعقاد، پی سی بی الیون نے دو رنز سے میچ جیت لیا، وزیر داخلہ 28 رنز بنا کر ناٹ آؤٹ رہے،بعض عناصر چاہتے ہیں پاکستانی کرکٹ گراؤنڈ میں کوئی میچ نہ کھیلا جائے ان کے عزائم ناکام ہوں گے،چوہدری نثار
پیر 24 فروری 2014 22:49
اسلام آباد (اُردو پوائنٹ اخبار تازہ ترین۔24 فروری ۔2014ء) وزیر داخلہ چوہدری نثار علی خان نے کہا ہے کہ پاکستان کو امن کا گہوارہ بنایا جائے گا اور حکومت اس مقصد کے حصول کے لئے تمام کوششیں کرے گی۔ پیر کو سیدپور کرکٹ گراؤنڈ میں پاکستان کرکٹ بورڈ الیون اور کامن ویلتھ الیون کے درمیان ایک نمائشی میچ کے دوران اخبار نویسوں سے بات چیت کرتے ہوئے انہوں نے کہا کہ کرکٹ میچ کا مقصد عالمی برادری کو یہ پیغام دینا ہے کہ پاکستان ایک پرامن ملک ہے۔
انہوں نے کہا کہ بعض عناصر چاہتے ہیں کہ پاکستانی کرکٹ گراؤنڈ میں کوئی میچ نہ کھیلا جائے تاہم ان کے یہ عزائم ناکام ہوں گے اور کھیلوں کے ایسے پروگرامز کے انعقاد کے ذریعے ملک کے بہتر تشخص کو اجاگر کیا جائے گا۔ انہوں نے کہا کہ یہ میچ ایک اچھے مقصد کے لئے کھیلا گیا اور دنیا کو بتایا گیا کہ پاکستان میں کرکٹ کھیلی جاسکتی ہے۔(جاری ہے)
انہوں نے میچ کے انعقاد پر آسٹریلین ہائی کمیشن‘ یورپی یونین اور روٹس میلینیم سکولوں سے اظہار تشکر کیا۔
انہوں نے کہا کہ پاکستان کو کئی چیلنجز کا سامنا ہے تاہم اس کے باوجود شہری کرکٹ میچ دیکھنے کے لئے کھیلوں کے میدانوں میں آتے ہیں۔ انہوں نے کہا کہ آج ایک شاندار دن ہے‘ میں پاکستانی کرکٹ کھلاڑیوں کو مبارکباد دیتا ہوں جو ہمارے ہیرو ہیں۔ وہ جب بھی دنیا میں کہیں کھیلتے ہیں تو پاکستان کے سفیر کا کردار ادا کرتے ہیں۔ وہ پاکستان کرکٹ بورڈ الیون کے ایک رکن کی حیثیت سے کھیلتے ہوئے 28 رنز بنا کر ناٹ آؤٹ رہے۔ انہوں نے دو اوور بھی کرائے۔ شائقین اور سفارتکاروں نے وزیر داخلہ کے کرکٹ کھیلنے کی داد دی۔ پی سی بی الیون نے دو رنز سے میچ جیت لیا۔ اس موقع پر پی سی بی کے چیئرمین نجم سیٹھی نے خطاب کرتے ہوئے کہا کہ چوہدری نثار نے کھیلوں بالخصوص کرکٹ کے لئے ایک نیا جذبہ پیدا کیا ہے۔ ایک سفارتکار نے بات چیت کرتے ہوئے کہا کہ عالمی برادری نے پاکستان میں سپورٹس کلچر اور آرٹ کے فروغ کا تہیہ کر رکھا ہے۔ کامن ویلتھ الیون کی قیادت آسٹریلین ہائی کمشنر پیٹر ہیو ہارڈ نے کی جبکہ پی سی بی الیون میں کرکٹ کے معروف کھلاڑی عمر اکمل‘ وہاب ریاض‘ سہیل تنویر‘ عبدالقادر‘ اظہر علی‘ سرفراز نواز‘ انتخاب عالم اور اعجاز احمد شامل تھے۔متعلقہ عنوان :
مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.