وزیراعلی خیبرپختونخوا کی کوہاٹ بم دھماکے کی شدیدمذمت، شہید افراد کے ورثاء کیلئے پانچ پانچ لاکھ اور زخمیوں کیلئے دو دو لاکھ روپے معاوضے کا اعلان
اتوار 23 فروری 2014 19:43
پشاور(اُردو پوائنٹ اخبار تازہ ترین۔23 فروری ۔2014ء) خیبرپختونخوا کے وزیر اعلیٰ پرویز خٹک نے کوہاٹ میں پولیس لائن کے قریب مسافر گاڑی میں بم دھماکے کی شدید ترین الفاظ میں مذمت کی ہے اپنے تعزیتی پیغام میں انہوں نے متاثرہ خاندانوں سے دلی ہمدردی کا اظہار کرتے ہوئے شہداء کے درجات کی بلندی اور زخمیوں کی جلد صحتیابی کی دعا کی وزیراعلیٰ نے دھماکوں میں شہید افراد کے ورثاء کیلئے پانچ پانچ لاکھ اور زخمیوں کیلئے دو دو لاکھ روپے معاوضے کا اعلان کیا ہے اور مقامی انتظامیہ کو اسکی جلد ادائیگی کے احکامات جاری کئے انہوں نے دہشت گردی کے اس واقعے کو ملک دشمن قوتوں کی بے رحمانہ کاروائی قرار دیتے کہا کہ حالیہ اقدام طالبان کے خلاف سیکورٹی فورسز کے ایکشن کا ردعمل ہو سکتا ہے اگرچہ اسطرح کے اندوہناک واقعات کی روک تھام کیلئے صوبائی حکومت عوام کی حفاظت یقینی بنانے اور سیکورٹی حصار مضبوط بنانے کیلئے سنجیدہ اقدامات کر رہی ہے مگر وفاق کا بھی فرض ہے کہ موجودہ نازک صورتحال میں جبکہ فاٹا میں کاروائی ہو رہی ہے خیبر پختونخوا کو اکیلا نہ چھوڑے اور ہماری مشکلات کا بھی پورا احساس کرے دہشت گردی کے خلاف ہماری مالی و انتظامی مشکلات اور نفری کی کمی سمیت تمام مسائل سے وفاق بخوبی اگاہ ہے وزیراعلیٰ نے کہا کہ یہاں کے عوام نے گزشتہ کئی عشروں سے دہشت گردی میں جان و مال کی لازوال قربانیاں دی ہیں انہیں صورتحال کی سنگینی کا بھی علم ہے ضرورت اس بات کی ہے کہ وفاق کی طرف سے ہماری قربانیوں کی قدر کی جائے اور ہمیں مزید آزمائشوں میں نہ ڈالا جائے بلکہ یہاں امن اور سیکورٹی کیلئے نتیجہ خیز اقدامات کئے جائیں قبل ازیں وزیراعلیٰ نے دھماکے کی اطلاع ملنے پر آئی جی پولیس اور دیگر متعلقہ حکام سے رابطہ کرکے فوری اقدامات کرنے، کوہاٹ کی مقامی انتظامیہ کو ریسکیو کاروائی میں حصہ لینے، ہسپتالوں میں ایمرجنسی لگانے، دھماکے کی فوری تحقیقات ، ملوث عناصر تک پہنچنے اور ایسے اندوہناک واقعات کے تدارک کیلئے موثر اقدامات کی ہدایت کی۔
متعلقہ عنوان :
مزید اہم خبریں
-
وزیرخزانہ کی برطانوی وزیرمملکت سے ملاقات ، تعلیم اور صحت کے حوالے سے گفتگو
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، وزیر خزانہ
-
مصدق ملک سے یو ای اے کے سفیر کی ملاقات ،باہمی دلچسپی کے امور پر گفتگو
-
ْترکیہ کے چیف آف جنرل سٹاف جنرل متین گورک کی وزیر دفاع سے ملاقات،دوطرفہ تعلقات پر گفتگو
-
صدارتی خطاب پر بحث کیلئے تحریک رواں سیشن کے ایجنڈے پر لائی جائیگی ، اعظم نذیر تارڑ
-
وزیراعظم کی لانڈھی میں خودکش دھماکے کی شدید مذمت
-
پاکستان قازقستان کے ساتھ اپنے برادرانہ تعلقات کو بڑی اہمیت دیتا ہے، سپیکر قومی اسمبلی سردار ایاز صادق
-
راولپنڈی ، خاتون کے ہاں بیک وقت 6 بچوں کی پیدائش
-
عدالت میں اضافی دیواریں کھڑی کر دیں، اوپن کوٹ والا ماحول نہیں لگ رہا،عمران خان کا جج سے مکالمہ
-
احتساب عدالت نے عمران خان اور اہلیہ بشریٰ بی بی کا اینڈسکوپی ٹیسٹ 2روزمیں کرانے کا حکم
-
بلاول بھٹو زرداری نے مولانا فضل الرحمان کو خیبرپختونخواہ میں احتجاج کا مشورہ دیدیا
-
اسلام آباد ہائیکورٹ کی پمز ہسپتال کے میڈیکل بورڈ کو پرویز الٰہی کی صحت کا دوبارہ جائزہ لینے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.