کراچی میں رینجرز اور پولیس کے ٹارگٹڈ آپریشن، گینگ وار کے 4ملزمان سمیت 14افراد گرفتار
ہفتہ 22 فروری 2014 15:59
کراچی (اُردو پوائنٹ تازہ ترین اخبار۔ 22فروری 2014ء) رینجرز اور پولیس نے مختلف علاقوں میں جرائم پیشہ افراد کے خلاف ٹارگٹڈ آپریشن کے دوران 14 افراد کو حراست میں لے لیا ہے۔کراچی میں سی آئی ڈی اور کیماڑی پولیس نے مشترکہ کارروائی کے دوران بم بنانے کی فیکٹری برآمد کرلی ہے،پولیس کے مطابق گزشتہ روز پکڑی جانے والی بارود سے بھری گاڑی اسی فیکٹری میں تیار کی گئی تھی۔
تفصیلات کے مطابق جرائم پیشہ افراد کی موجودگی کی اطلاع پر رینجرز کے 400اہلکاروں نے پرانا گولیمار کے علاقے ریکسر لائن میں گھر گھر تلاشی لے کر 15افراد کو حراست میں لے لیا ہے۔ابتدائی پوچھ گچھ کے بعد 11 افراد کو رہا کردیا گیا جبکہ 4 افراد کو حراست میں لے کر ان کے قبضے سے 28 مختلف اقسام کے ہتھیار برآمد کرلئے گئے ہیں۔(جاری ہے)
دوران آپریشن علاقے کی مکمل ناکہ بندی کی گئی تھی ، داخلی اور خارجی راستوں کو مکمل طور پر بندکردیا گیا کسی بھی کو آنے جانے کی اجازت نہیں تھی ۔
رینجرز ترجمان کے مطابق حراست میں لئے گئے افراد کا تعلق لیاری گینگ وار سے ہے جن سے تفتیش شروع کردی گئی ہے۔دوسری جانب کنواری کالونی میں جرائم پیشہ افراد کی موجودگی کی اطلاع پر 100 سے زائد پولیس اہلکاروں نے سرچ آپریشن کیا، اس دوران 10 مشبتہ افراد کو حراست میں لیا گیا ہے جن سے تفتیش کی جارہی ہے۔ایس ایس پی ویسٹ عرفان بلوچ کے مطابق کنواری کالونی میں پولیس کے سرچ آپریشن میں 100 پولیس اہل کاروں نے حصہ لیا۔ آپریشن کے دوران علاقے کے داخلی اور خارجی راستے مکمل طور پر بند کرکے گھر گھر تلاشی کا سلسلہ شروع کیا گیا۔عرفان بلوچ کے مطابق دوران آپریشن دس مشتبہ افراد کو حراست میں لیا گیا ہے۔ سرچ آپریشن علاقے میں جرائم پیشہ افراد کی موجودگی کی اطلاع پر کیا گیا۔دوسری جانب سی آئی ڈی اور کیماڑی پولیس نے مشترکہ کارروائی کے دوران بم بنانے کی فیکٹری برآمد کرلی ہے۔سی آئی ڈی ذرائع کے مطابق سی آئی ڈی انوسٹی گیشن کے سربراہ مظفر مشوانی نے کیماڑی پولیس کی خصوصی ٹیم کے سربراہ شفیق تنولی کے ہمراہ ماڑی پور مشرف کالونی میں کارروائی کی،جس کے نتیجے میں ایک مکان میں قائم بم بنانے کی فیکٹری برآمد ہوئی ہے۔ فیکٹری سے بھاری مقدار میں دھماکہ خیز مواد اور بڑی تعداد میں بم بنانے کا سامان بھی برآمد ہوا ہے، جسے تحویل میں لے لیا گیا ہے۔پولیس کے مطابق فیکٹری سے دو تیار بم بھی برآمد ہوئے ہیں، جنہیں بم ڈسپوزل یونٹ نے ناکارہ بنا دیا ہے۔اس موقع پر مظہرمشوانی نے بتایا کہ گزشتہ روز پکڑی جانے والی بارود سے بھری گاڑی اسی فیکٹری میں تیار کی گئی تھی۔شفیق تنولی کے مطابق یہ کارروائی گزشتہ روز سی آئی ڈی کے ہاتھوں گرفتار کالعدم تحریک طالبان کے تین کارندوں کی نشاندہی پر کی گئی ہے۔مظہرمشوانی کے مطابق گزشتہ روز ماڑی پور سے پکڑی جانے والی بارود سے بھری ہائی روف کیماڑی پولیس کی خصوصی ٹیم کے سربراہ پر حملے کے لئے تیار کی گئی تھی جس پر شفیق تنولی کا کہنا تھا کہ وہ کسی سے ڈرنے والے نہیں ہیں۔سی آئی ڈی کا کہنا ہے کہ کالعدم تحریک طالبان کے گرفتار ملزمان سے تفتیش جاری ہے جن سے مزید اہم انکشافات متوقع ہیں۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.