معیشت میں بہتری کیلئے فنی تعلیم ناگزیر ہے، محمد عاطف خان ، ڈویلپمنٹ سکیم“ کے تحت ملک کے مختلف اچھے فنی اداروں میں 500 بچوں کو ٹیکنیکل ایجوکیشن کی تعلیم کیلئے بھیجا جائیگا، وزیر تعلیم خیبر پختونخوا
جمعرات 20 فروری 2014 20:36
پشاور(اُردو پوائنٹ اخبار تازہ ترین۔20 فروری ۔2014ء) خیبر پختونخوا کے وزیر برائے ابتدائی وثانوی تعلیم محمد عاطف خان نے کہا ہے کہ فنی تعلیم ایک ایسا شعبہ ہے جس کے نتائج فوری نظر آتے ہیں، ہنر مند نوجوان نہ صرف اپنی اور اپنے خاندان کی باعزت کفالت کر سکتے ہیں بلکہ ملکی معیشت کو بھی بہترین بنانے میں مددگار ثابت ہوتے ہیں۔ انہوں نے کہا کہ ابتدائی تعلیم کے ساتھ ساتھ بچوں کو فنی تعلیم بھی فراہم کی جا نی چاہئے کیوں کہ ملازمت کے لئے صرف تعلیم کا ہونا کافی نہیں بلکہ اس کے لئے مطلوبہ شعبہ میں مہارت ہونا بھی ضروری ہے۔
ان خیالات کا اظہار انہوں نے جمعرات کے روز ٹیکنیکل ٹریننگ سنٹر حیات آباد، پشاور میں منعقدہ تقریب سے بحثیت مہمان خصوصی خطاب کرتے ہوئے کیا۔ اس موقع پر صوبائی وزیر نے ” سکل ڈیویلپمنٹ سکیم“ کا افتتاح کیا۔(جاری ہے)
اس سکیم کے تحت ملک کے مختلف اچھے فنی اداروں میں 500 بچوں کو ٹیکنیکل ایجوکیشن کی تعلیم کی فراہمی کے لئے بھیجا جا رہا ہے جس کے تمام اخراجات صوبائی حکومت برداشت کرے گی، تکنیکی مہارت کا یہ منصوبہ 10 کروڑ روپے کی مالیت سے شروع کیا گیا ہے۔
تقریب سے خطاب کرتے ہوئے صوبائی وزیر نے کہا کہ کسی بھی شعبہ بالخصوص محکمہ تعلیم میں تین چیزیں میرٹ ،استعداد کارمیں اضافہ، اور تشخیص بنیادی اہمیت کی حامل ہیں اگر یہ تین چیزیں ٹھیک کر لی جائیں تو کسی بھی شعبے کی کارکردگی کو سو فیصد بنایا جا سکتا ہے۔ انہوں نے کہا کہ ہنر مند افراد کی معاشرے میں بہت عزت ہوتی ہے، ہنر مند نوجوان کبھی بھوکا نہیں رہتا۔ انہوں نے کہا کہ صوبے میں ٹیکنیکل یونیورسٹی کے قیام میں حائل رکاوٹوں کو دور کر کے اس بڑے منصوبہ کو جلد پایہ تکمیل تک پہنچایا جائے گا۔ صوبائی وزیر تعلیم نے مزید کہا کہ سرکاری سکولوں میں زیر تعلیم بچے ہماری پوری توجہ کے مستحق ہیں اور ان کا واحد مستقبل تعلیم ہی ہے جس پر کسی قسم کی سیاست کی کوئی گنجائش نہیں ہے۔ ہمارا مقصدمتوسط خاندانوں کے بچوں کو آگے لانا ہے تاکہ وہ پڑھ لکھ کر اپنا مستقبل بہتر بنا سکیں۔تقریب سے سیکرٹری صنعت و حرفت محمد علی شہزاد،ڈی جی ٹیکنیکل ایجوکیشن شکیل احمد نے بھی خطاب کیا اور فنی تعلیم کی ضرورت اور تکنیکی مہارت کے پروگرام کے مختلف پہلووٴں پر روشنی ڈالی۔مزید قومی خبریں
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.