طالبان سے مذاکرات کا میکنزم درست نہیں ، مولانا فضل الرحمن، مذاکرات کی ناکامی کی صورت میں آپریشن کی بات کرنا مناسب نہیں، ایک ڈاکٹر سے مریض صحت یاب نہ ہو تو اسے قصاب کے حوالے کرنے کے بجائے کسی اور ڈاکٹر کا نسخہ استعمال کرنے میں ہی دانشمندی ہے، مسئلہ کے حجم کے برعکس معاملات کو حل کرنے کیلئے حکمت عملی اختیار کی گئی، مذاکرات کی کا میابی کے خواہاں اور دعا گو ہیں،سربراہ جے یو آئی
جمعرات 20 فروری 2014 20:07
ڈیرہ اسما عیل خان(اُردو پوائنٹ اخبار تازہ ترین۔20 فروری ۔2014ء) جمعیت علمائے اسلام کے سربراہ اور قومی اسمبلی کی کشمیر کمیٹی کے چیئر مین مولانا فضل الرحمان نے کہا ہے کہ طالبان سے مذاکرات کا میکنزم درست نہیں اور مسئلہ کے حجم کے برعکس معاملات کو حل کرنے کے لیئے حکمت عملی اختیار کی گئی تاہم اس کے باوجود ہم مذاکرات کی کا میابی کے خواہاں اور دعا گو ہیں۔
ان خیالات کااظہار انہوں نے پیرآف زکوڑی شریف پیر فواد رضا زکوڑی کی جانب سے دیئے گئے استقبالیہ سے خطاب کے دوران کیا، اس موقع پر صاحبزادہ ضیاء الرحمان، مولانا اسعد محمود، پیر مشتاق احمد جان زکوڑی، پیر عبدالوحید زکوڑی ، خانقاہ زکوڑی شریف کے مریدین اور معززین علاقہ کی بڑی تعداد موجود تھی،مولانا فضل الرحمان نے کہا کہ وزیر اعظم میاں نواز شریف مسئلے کے حل میں مثبت سوچ کے حامل ہیں اور ان کی جانب سے معاملات کی ذاتی طور پر نگرانی کی یقین دہانی کی وجہ سے ہم نے ان پر اعتماد بھی کیا مگر محسوس یوں ہو ریا ہے کہ قلیدی قوت کوئی اور ہے، انہوں نے کہا کہ طالبان سے مذاکرات کے لیئے سیاسی حکومت کی جانب سے قائم کمیٹی غیر سیاسی افراد پر مشتمل ہے،اور طالبان ایک غیر سیاسی قوت ہیں اور ان کی نمائندہ کمیٹی سیاسی افراد پر مشتمل ہے ، جو انتہائی حیران کن ہے ،انہوں نے کہا کہ میں نے پہلے بھی کہا تھا کہ مذاکرات شروع کرنے سے قبل مذاکرات کو ایک اور موقع دینے کے فقرہ سے کئی سوالات جنم لے چکے ہیں ، انہوں نے کہا کہ مذاکرات کی ناکامی کی صورت میں آپریشن کی بات کرنا مناسب نہیں اگر ایک ڈاکٹر سے کوئی مریض صحت یاب نہ ہو تو کیا اسے قصاب کے حوالے کردینا چاہیئے، نہیں بلکہ کسی اور ڈاکٹر کا نسخہ استعمال کرنے میں ہی دانشمندی ہے، انہوں نے مسکراتے ہوئے کہا کہ ابتدائی طور پر اس مرض کا علاج بھی حکیموں سے کرایا جا رہا ہے ،انہوں نے کہا کہ قبائلی جرگہ کو طالبان سے مذاکرات کا اختیار اور حق کنونشن سنٹر میں ملک کی قومی سیاسی قیادت نے دیا تھا اور قبائلی رسوم و رواج ، لب و لہجہ کو قبائلی جرگہ سے بہتر کوئی اور نہیں سمجھ سکتا اور یہی فورم مذاکرات کا بہترین رابطہ کار بن سکتا تھا تاہم ہماری اس تجویز کو رد کردیا گیا، مگر ہم اپنی تجویز کو رد کرنے کی بناء پر ایک اچھے اقدام کی مخالفت کی سیاست کے قائل نہیں اسی لیئے مذاکرات کی کا میابی کی نوید سننے کے لیئے دعاگو ہیں، انہوں نے کہا کہ فریقین کی جانب سے ایک دوسرے پر زیادتیوں کے الزامات لگا کر شدت پر مبنی کارروائیوں کا جواز ظاہر کرنا جرگہ اصولوں کے منافی ہیں ، کسی بھی ایک فریق کی جانب سے اگر کسی معاملہ میں دوسرے فریق کو تحفظات ہوتے ہیں تو جرگہ کے قیام کے بعد پہلے اپنی تشویش سے جرگہ ممبران کو آگاہ کرنا ہی روایات ہیں مگر یہاں جرگہ ممبران کو تشویش سے آگاہ کرنے کی روایت نظر نہیں آتی یا انہیں پھر اس قابل نہیں سمجھا جا رہا، انہوں نے کہا کہ ہم سے سب بھی مشاورت کی جائے گی ہم ملک و قوم اور شریعت محمدی کی تعلیمات کے مطابق مخلص مشورہ دینے میں بخل سے کام نہیں لیں گے، جمعیت علمائے اسلام کو وفاقی وزارتوں میں محکمہ جات کی سپردگی میں تعطل کے بارے میں پوچھے گئے سوال پر مولانا فضل الرحمان مسکرادئے اور کہا کہ محبت میں راز کی باتیں ہوتی ہیں جو پوچھی اور بتائی نہیں جاتیں ۔(جاری ہے)
متعلقہ عنوان :
مزید اہم خبریں
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.