پنجابی زبان پاکستان کے کروڑوں لوگوں کی مادری زبان ہے،ہمیں فخر ہے ہمارے گھروں میں خلقت کی زبان بولی جاتی ہے‘ وزیرتعلیم پنجاب ،پاکستان جس خطہ زمین پر وجود میں آیا،وہاں بسنے والوں کی زبان میں ایک رنگا رنگی موجود ہے‘ رانا مشہود احمد خاں کا تقریب سے خطاب
جمعرات 20 فروری 2014 19:52
لاہور(اُردو پوائنٹ اخبار تازہ ترین۔20 فروری ۔2014ء) صوبائی وزیر تعلیم رانا مشہود احمد خاں نے کہا ہے کہ پنجابی زبان پاکستان کے کروڑوں لوگوں کی مادری زبان ہے،ہمیں فخر ہے کہ ہمارے گھروں میں خلقت کی زبان بولی جاتی ہے ،پاکستان جس خطہ زمین پر وجود میں آیا،وہاں بسنے والوں کی زبان میں ایک رنگا رنگی موجود ہے،ہم اسے لسانیت کی بنیاد پر تقسیم کی بجائے معاشرے کی طاقت کا وسیلہ بنائیں گے کیونکہ لوک ورثہ(فوک لور) اور لوک دانش(فوک وزڈم)کوفروغ دینے میں ناکامی اپنے کلچر سے محرومی پرمنتج ہوگی ۔
جمعرات کے روز انٹرنیشنل مدر لینگوئج ڈے کے موقع پر پنجاب انسٹی ٹیوٹ آف لینگوئج ،آرٹ اینڈ کلچرمیں ”ماں بولی کانفرنس“ سے خطاب میں صوبائی وزیر تعلیم نے کہا کہ پنجابیوں کا دل بہت بڑا ہے ۔(جاری ہے)
ہم نے پنجابی معاشرے میں پاکستان کے تمام علاقوں سے تعلق رکھنے والوں کی مادری زبان کو ہمیشہ عزت دی ہے کیونکہ ہم سمجھتے ہیں کہ دنیا میں آگے بڑھنے کا یہی راستہ ہے۔
ہماری شناخت اور پہچان بالکل پنجابی ہے اور ہمیں اپنی ماں بولی پر فخر ہونا چاہیے لیکن افسوس کی بات ہے کہ گزشتہ 65 سال کے دوران پنجابی زبان کو فخر کی علامت بنانے کی بجائے جہالت کی علامت بنا کر رکھ دیا گیا ہے ۔ ہماری نئی نسل پنجابی کو غریبوں کی زبان سمجھتی ہے جو صرف گھریلو نوکروں سے بات کرنے کے کام آتی ہے یا پھر بڑھکیں لگانے اور گالیاں دینے کے لئے پاکستان میں ہر نسل کے لوگ پنجابی زبان کو بہترین خیال کرتے ہیں۔رانا مشہود احمد خاں نے بتایا کہ جدید ریسرچ کے مطابق بچوں کو ان کی مادری زبان میں ابتدائی تعلیم دینے کی افادیت سامنے آنے کے بعد حکومت پنجاب نے فیصلہ کیا ہے کہ آٹھ سال پہلے نیشنل کریکلم اتھارٹی کی جانب سے پہلی جماعت سے ہی انگریزی کو میڈیم آف انسٹرکشن بنانے کی پالیسی چھوڑ کر اگلے سال پہلی سے لے کر تیسری جماعت تک میڈیم آف انسٹرکشن انگریزی کی بجائے اردو ہو گا اور انگریزی محض ایک مضمون کے طور پر پڑھائی جائے گی جبکہ تیسری جماعت کے بعد تمام سکولوں میں انگلش بدستور میڈیم آف انسٹرکشن کے طور پر برقرار رہے گی ۔ صوبائی وزیر تعلیم نے انکشاف کیا کہ وزیر اعلی پنجاب محمد شہباز شریف نے ایک خصوصی کمیٹی تشکیل دی ہے جو ا س بات کا جائزہ لے رہی ہے کہ پنجاب کے تمام سرکاری اور نجی سکولوں کی پہلی جماعت میں اردو کے ابتدائی قاعدے میں باتصویر اشیاء اور مختلف اشکال کا اردو الفاظ میں مطلب تحریر کرنے کے ساتھ ان کا پنجابی زبان میں مترادف بھی لکھا جائے تا کہ بچے اپنی پیدائش سے لے کر چار سال کی عمر تک پہنچنے کے مراحل میں جن الفاظ سے مانوس ہوتے ہیں ، سکول جا کر وہ ان کے متبادل اردو کے نامانوس الفاظ کا حقیقی مفہوم جان سکیں۔مزید قومی خبریں
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.