پنجاب حکومت کی کارکردگی زیرہ ہے ، ہر شعبہ زندگی میں عام آدمی کو ریلیف دینے میں بُری طرح ناکام ہو چکی ہے‘ شاہ محمود قریشی /اعجاز چوہدری ،حکومت بجلی کے بلوں میں فیول ایڈجسٹمنٹ کے نام پر غریب عوام کی جیبوں پر ڈاکہ ڈالنے میں مصروف ہے، عوام دو وقت کی روٹی کو ترس گئے ہیں ،عمران خان 26 فروری کو چنڈ بروانہ میں جلسہ عام سے خطاب کریں گے‘ اکڑانوالہ میں ضمنی انتخابات کے حوالے سے منعقدہ جلسے سے خطاب
بدھ 19 فروری 2014 21:30
لاہور (اُردو پوائنٹ اخبار تازہ ترین۔19 فروری ۔2014ء) پاکستان تحریک انصاف کے وائس چیئرمین شاہ محمودقریشی،صدرپنجاب اعجازاحمدچوہدری نے کہا ہے کہ 26 فروری کو چنڈ بروانہ میں چیئرمین تحریک انصاف عمران خان بڑے جلسہ عام سے خطاب کریں گے،حکمران جماعت کا تحریک انصاف ڈٹ کر مقابلہ کرے گی اور ضمنی انتخابات میں (ن)لیگ کے دھاندلی منصوبوں کو ناکام بنا دے گی،انہوں نے کہاکہ پانچ برس پہلے بھی صوبے میں (ن) لیگ حکومت کر چکی ہے لیکن کوئی تبدیلی نہیں لا سکی۔
ملک کی سب سے بڑی جماعت بن کر ابھری ہے اورتحریک انصاف ہی ملک میں حقیقی معنوں میں تبدیلی لائے گی۔ ان خیالات کااظہار انہوں نے پی ٹی آئی کے نامزد امیدوار پی پی 81 رائے تیمور بھٹی کے ہمراہ ضمنی انتخابات کی مہم کے حوالے سے اکڑانوالہ میں جلسہ عام سے خطاب کرتے ہوئے کیا ۔(جاری ہے)
انہوں نے کہاکہ جھنگ کی عوام نے آج فیصلہ کرنا ہے کہ پنجاب کو بدلنا ہے ، دس مہینوں میں کھاد ، ڈیزل ، پٹرول ، بجلی ، گیس کی قیمتیں آسمانوں سے باتیں کررہی ہیں۔
اس حلقے کا اربوں روپیہ شوگر ملز مافیا دبا کر بیٹھی ہے ۔ صوبے میں کسانوں کا معاشی قتل کیا جا رہا ہے اور انہیں ریلیف دینے کے لئے حکومت کوئی عملی اقدامات نہیں کررہی ۔ انہوں نے کہاکہ ہمارے پاس وسائل نہیں مگر تحریک انصاف کے پاس دیانتدار قیادت موجود ہے۔حکومت بجلی کے بلوں میں فیول ایڈجسٹمنٹ کے نام پر غریب عوام کی جیبوں پر ڈاکہ ڈالنے میں مصروف ہے۔ حکمران جماعت (ن) لیگ نے عام آدمی کے منہ سے روٹی کا آخری نوالہ بھی چھین لیا ہے ۔مہنگائی ، بے روزگاری سے تنگ آ کر غریب آدمی خود کشیاں کرنے پر مجبور ہو چکا ہے ، بجلی گیس کی لوڈشیڈنگ نے ملکی معیشت کا بیڑا غرق کردیا ہے۔ انہوں نے کہاکہ پنجاب میں امن وامان کی صورتحال انتہائی خراب ہوچکی ہے جنگل کا قانون رائج ہے۔ صوبے میں حکومت نام کی کوئی چیز نہیں ۔ رہنماؤں نے کہاکہ پنجاب حکومت عام آدمی کو ریلیف دینے میں بُری طرح ناکام ہو چکی ہے ۔ (ن) لیگ صوبے میں کئی بار حکومت کرنے کے باوجود عام آدمی کی بہتری کے لئے کچھ نہیں کر سکی۔جلسے رائے حسن نواز اور ملک زاہد نے خطاب کرتے ہوئے کہاکہ تین مارچ کو جھنگ کے غریب عوام تحریک انصاف کے امیدوار کامیاب کروا کر حکومت کی عوام دشمن پالیسیوں کے خلاف اپنے عدم اعتماد کا اظہار کریں گے۔پنجاب حکومت ہر شعبہ زندگی میں عام آدمی کو ریلیف دینے میں بُری طرح ناکام ہو چکی ہے پنجاب حکومت کی کارکردگی زیرو ہے ۔ عوام پنجاب کے حکمرانوں سے سخت مایوس ہوچکے ہیں۔ صوبے میں لوٹ مار جاری ہے اور منافع بخش قومی ادارے اپنے چہیتوں کو نوازنے کے لئے کوڑیوں کے بھاؤں بیچے جا رہے ہیں ۔مزید اہم خبریں
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
ملک کو درپیش تمام چیلنجز سے نمٹنے کے لیے مضبوط معیشت کلیدی حیثیت رکھتی ہے، وزیر اعظم محمد شہباز شریف
-
اسلام آباد سمیت مختلف علاقوں میں زلزلے کے شدید جھٹکے
-
سعودی عرب میں تعینات پاکستانی سفیر نے سعودی ولی عہد کو سفارتی اسناد پیش کردیں
-
خواجہ سلمان رفیق کی پی آئی سی کے آپریشن تھیٹرز 10 اپریل تک مکمل کرنے کی ہدایت
-
ڈیجیٹل منتقلی کے ذریعے ملک ترقی کی راہ پر گامزن ہو سکتا ہے، وزیر مملکت برائے آئی ٹی شزہ فاطمہ خواجہ
-
پرویزالٰہی کو گزشتہ رات پسلیوں میں درد کی شکایت
-
پاکستان اور چین شانگلہ حملے کی تحقیقات سے متعلق رابطے میں ہیں، دفترخارجہ
-
خیبرپختونخواہ میں سینیٹ الیکشن مخصوص نشستوں پر حلف سے مشروط
-
وزیراعظم سے ملاقات کے بعد چیف جسٹس نے فل کورٹ کااجلاس دوبارہ طلب کرلیا
-
غزہ کے عوام پر اسرائیل کی مسلط کردہ جنگ بلا روک ٹوک جاری ، فلسطینی عوام کو بھوک اور نسل کشی کا سامنا ہے، ترجمان دفترخارجہ
-
پنجاب اسمبلی اجلاس ،اپوزیشن کے شورشرابے میں مالی سال 2023-24ءکے بجٹ کی منظوری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.