سندھ میں زراعت، ماہی گیری، پولٹری، لائیو اسٹاک کے فروغ اور سرمایہ کاری کے مواقع اجاگر کرنے کیلئے ایل ڈی ایف اے نمائش کا آغاز یکم مارچ کو ہوگا
پیر 17 فروری 2014 16:45
کراچی(اُردو پوائنٹ تازہ ترین اخبار۔ 17فروری 2014ء) سندھ میں زراعت، ماہی گیری، پولٹری، لائیو اسٹاک اور ثقافت کو فروغ دینے اور سرمایہ کاری کے مواقع اجاگر کرنے کیلئے کراچی ایکسپو سینٹر میں یکم اور دو مارچ کو لائیواسٹاک، ڈیری، فشریز پولٹری اینڈ ایگری کلچر نمائش(LDFA) 2014ء کا انعقاد کیا جارہا ہے۔ایل ڈی ایف اے سندھ بورڈ آف انویسٹمنٹ کی سالانہ نمائش ہے جس میں زراعت، ماہی گیری، پولٹری، لائیو اسٹاک وغیرہ کے بارے میں مکمل کاروباری اور ٹیکنیکل اشیاء کی نمائش کی جاتی ہے اور نمائش میں شرکت کرنے والوں کو تمام تر کاروباری مواقع سے آگاہ کیا جاتا ہے۔
اس سے قبل بھی ایل ڈی ایف اے نمائش کا انعقاد سال 2011، سال 2012، اور سال 2013ء میں کیا گیا تھا۔ ان نمائشوں میں بڑی تعداد میں ملکی، غیر ملکی مندوبین، سرمایہ کاروں، صنعت کاروں، سفارت کاروں، بینکنگ، صوبائی وزراء اور مالیاتی اداروں کے اعلیٰ حکام سمیت حکومتی اداروں کے نمائندگان اور عوام نے بھی بڑی تعداد میں شرکت کی تھی۔(جاری ہے)
نمائش کے پہلے روز ویلیو ایڈیشن کے حوالے سے خصوصی سیمینار کا انعقاد کیاجائے گا۔
اس موقع پر سیمینار میں ماہرین اس شعبہ میں سرمایہ کاری کے مواقع کے بارے میں اظہار خیال کریں گے۔یہ نمائش خصوصی طور پر لائیواسٹاک سیکٹر سے منسلک لوگوں کیلئے ایک بڑا موقع ہے جہاں وہ مویشیوں کو درپیش صحت کے مسائل سے لے کر ان کی پرورش تک کے موضوعات پر معلومات حاصل کرسکیں گے۔ مزید برآں ، ہارس اینڈ کیٹل شو، پالتو جانوروں کی نمائش، پھولوں کی نمائش اور پرندوں کی نمائش اس نمائش کے خاص پہلو ہیں۔نمائش میں حصہ لینے والے صنعتی شعبے سرمایہ کاروں کو اپنے تجربات سے بھی آگاہ کریں گے، ان صنعتوں میں فیڈ مینوفیکچرنگ، ویٹ سروسز اینڈ مینوفیکچررز، ویکسی نیشن، مذبح خانے، لیبارٹریز، کولڈ چین اینڈ پیکجنگ، ایمبریو ٹرانسفر ٹیکنالوجی، سرٹیفکیشن جاری کرنے والے ادارے، فارم کنسٹریکشن کمپنیاں اور آلات بنانے والی کمپنیاں بھی شامل ہیں۔ گھوڑوں اور مویشیوں کا مقابلہ نمائش کے دوسرے دن ہوگا جس کے بعد انعامات تقسیم کئے جائیں گے۔متعلقہ عنوان :
مزید قومی خبریں
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.